Կյանքի խորհուրդները պետք է լուռ հնչեն, այլ ոչ թե բարձրաձայն ինչ-որ բան պարտադրեն: Նրանք չպետք է ստիպեն ձեզ անվերապահորեն ընդունել դրանք, այլ թույլ տան մտածել և ընդունել դրանք ձեր ձևով և այն ժամանակ, երբ դրան պատրաստ կլինեք։ Հատկապես այսօրվա աշխարհում, որը գլխիվայր է շրջվել:

Ստորև բերված են հինգ գաղափարներ այն մասին, թե ինչպես կյանքը պետք է արժևորել, կամ, ծայրահեղ դեպքում, ինչի մասին պետք է մտածել մեզ շրջապատող այս խելագարության մեջ:

1. Մի ծուլացեք

«Գործողությունը՝ հուսահատության դեմ դեղամիջոցն է», – Ջոան Բաեզ:

Հոգեբանի օգնությանը դիմողներից շատերը կորցրել են իրենց մոտիվացիան։ Ասում են․ «ես ինձ ոչինչ չեմ կարողանում ստիպել անել»։ Եվ այնպես չէ, որ նրանք ընկճված են: Նրանք պարզապես անտարբեր են և հոգնած, և աշխարհի ներկա իրավիճակը, ինչպես և ոչ մի այլ բան, նպաստում է այս զգացմունքների զարգացմանը։

Շատ կարևոր է չդադարել աշխատել ձեր կյանքի վրա։ Եթե ​​խնդիրներ ունեք, ասեք ինքներդ ձեզ «մի ծուլացիր», նույնիսկ եթե այդ խնդիրները չնչին են։ Չէ՞ որ փոքր խնդիրների կուտակումն ի վերջո բերում է մեծ խնդիրների։ Մի հանձնվեք:

2. Արարեք։ Ձեր ձևով

«Ստեղծագործությունը չի սպասում կատարյալ պահի։ Այն ինքն է ստեղծում իր համար կատարյալ պահը սովորական պահերի շարքից», – Բրյուս Գարաբրանդտ:

Ընկերոջս հայրը վատ տրամադրության դեմ պայքարելու իր բաղադրատոմսն ունի՝ գնում է ամբար և այնտեղ ինչ-որ բան սարքում։ Սա միշտ ստիպում է նրան ավելի լավ զգալ: Եվ չնայած դեպրեսիայի դեմ նման դեղամիջոցի արդյունավետությունը գիտականորեն ապացուցված չէ, ես բազմիցս տեսել եմ, թե ինչպես է կրեատիվությունն օգնում մարդկանց դուրս գալ այս վիճակից:

Հետևաբար, ինքներդ ձեզ համար նախագիծ կազմեք, որի վրա աշխատելու համար կցանկանաք վերադառնալ: Կամ պարզապես ինչ-որ բան արեք. ճաշ եփեք, պահածոյացրեք բանկայով մուրաբա, մաքրեք այգին, հավաքեք գլուխկոտրուկ, նկարեք, բանաստեղծություն գրեք, տեսահոլովակ պատրաստեք, խաղ պատրաստեք, փայտով ինչ-որ բան պատրաստեք, գրեք երգ կամ ծրագրային կոդ, ստեղծեք էլեկտրոնային աղյուսակ՝ այո, ինչ պատահի: Ստեղծագործական գործունեությունը ստիպում է ձեր ուղեղին աշխատել: Մի հրաժարվեք դրանից:

3. Աշխարհին նայեք ուրիշի աչքերով

«Յուրաքանչյուր մարդու կյանքում ամենամեծ ողբերգությունը կյանքն ապրելն է՝ հավատալով միայն իր տեսակետի արդարությանը», – Դագ Բոլդուին:

Այն, թե ինչպես եք դուք նայում աշխարհին, դա միայն այն ձևերից մեկն է, որով դուք կարող եք ընդհանրապես նայել դրան: Սա ձեր անձնական ճշմարտությունն է: Ոչ ավել, ոչ պակաս։ Եթե ​​դուք անընդհատ նայեք աշխարհին նույն տեսանկյունից, ձեր տեսողությունը կսկսի աղավաղվել:

Հաջորդ անգամ, երբ դուք կնեղվեք ուրիշի կարծիքից, կանգ առեք և փորձեք ինքներդ ձեզ դնել այդ մարդու տեղը: Պետք չէ համաձայնվել նրա հետ, պարզապես փորձեք հասկանալ (կամ հիշեցնել ինքներդ ձեզ, որ ձեր ճշմարտությունն ու նրա ճշմարտությունը տարբերվում են միմյանցից)՝ դա կընդլայնի ձեր աշխարհայացքը: Հասկանալու կարողությունը, թե ինչպես է ուրիշը տեսնում իրերը, իսկական արվեստ է: Եվ դրան արժե տիրապետել։

Կարդացեք նաև՝ Կյանքի 9 խորհուրդներ, որոնք անպայման օգտակար կլինեն

4. Կատակեք։ Ամենուր

«Ես բոլորի մի մասն եմ, ում ես հանդիպել եմ», – Լորդ Թենիսոն:

Եթե ​​չգիտես ինչպես կատակել, ուղղակի խոսիր մարդկանց հետ: Այգում, փողոցում, ավտոկայանատեղիում, վերելակում, հերթում, սուպերմարկետի դրամարկղի մոտ, խոհանոցում ճաշ պատրաստելիս:

Շատերն ասում են, որ ատում են պարապ խոսակցությունները, և ինձ դա տարօրինակ է թվում: Այս խոսակցությունները երբեմն կարող են ավելին դառնալ: Եվ եթե ոչ, ապա դրանք միևնունն է որոշակի արժեք են կրում, և եթե ոչ ձեզ համար, ապա այլ մարդկանց համար:

Սոցիալական փոխազդեցությունը ցանկացած մակարդակում շատ կարևոր է: Այդ մասին մեզ ասում են հետազոտության արդյունքները։ Հաղորդակցությունից օգուտ քաղելու համար պետք չէ ստեղծել մեգաիմաստավոր կապեր կամ խորը զրույցներ վարել: Եթե ​​նույնիսկ մի քանի բառ նետեք ցանկապատի վրայով, բարևներ փոխանակեք, ինչ-որ մեկի հանդեպ ձեր հետաքրքրությունն արտահայտեք, ժպտաք կամ ծիծաղեք, դա արդեն կբարձրացնի և՛ ձեր, և՛ ձեր զրուցակցի տրամադրությունը: Արեք դա:

5. Ամեն օր տոն է։ Կամ նման մի բան

«Կյանքն այն ամենն է, ինչ դուք տոնում եք: Բացարձակապես ամեն ինչ, նույնիսկ նրա վերջը», – Ջոան Հարիս:

Ես գիտեմ, որ այս կետը կարելի է վիճարկել, քանի որ ամեն օր չէ, որ մեզ ուրախություն է պատճառում։ Դրանցից մի քանիսը բավականին բարդ են։ Փորձում են մեզ ու ծնկի են բերում։ Բայց անթափանց խավարի մեջ կան նաև պայծառ ճառագայթներ, այնպես որ, հնարավորության դեպքում, փորձեք ձեր օրվա մեջ լավ բան գտնել և ուրախանալ:

Գրող Լորետա Լարոշն ամենալավն է ասել. «Կյանքը կարճ է, այնպես որ հագեք ձեր երեկույթի տաբատը»: