Կարող եք հավատալ, կարող եք՝ ոչ, սակայն ամեն իր և ամեն բան ունի իր էներգետիկան։ Կան բաներ, որ ունեն վատ էներգետիկա և վանում են փողը։ Ուրեմն եկեք տեսնենք որոնք են դրանք։

1. Հնոտիք

Հագուստն ու մյուս իրերը, որոնք նախկինում մեկ այլ մարդու են պատկանել, հսկայական ճեղք են առաջացնում ձեր էներգետիկայում։ Յուրաքանչյուր իր ունի իր տիրոջ զգացմունքները, ապրումներն ու խնդիրները ներծծելու հատկություն։ Դրա համար էլ երբեք ձեր տուն մի բերեք ու առավել ևս մի օգտագործեք կամ հագեք այնպիսի իրեր, որոնք իրենց վրա կրում են մեկ ուրիշ մարդու էներգետիկան։

2. Հանգուցյալի իրեր

Ձեր տանը դուք հանգուցյալի իրե՞ր եք պահում։ Ու դուք զարմանո՞ւմ եք, թե ինչու չեք հարստանում։ Չէ՞ որ հանգուցյալի իրերը հաճախ արգելափակում են էներգետիկ տեղեկատվական հոսքերը։ Հետևաբար, պետք չէ ակնկալել որևէ ուրախություն, երջանկություն ու նյութական բարեկեցություն այն տանը, որտեղ բազմաթիվ նման իրեր կան։

3. Իրեր, որոնց հետ կապված վատ հիշողություններ ունեք

Յուրաքանչյուր մարդ ունենում է թռիչքներ ու անկումներ, որոնց մասին հիշողությունը տարիների ընթացքում բթանում է։ Բայց իրերի հիշողությունը չի բթանում։ Իրերը, ինչպես արդեն նշեցինք, հիշում են ձեր բոլոր զգացմունքները, բոլոր ապրումներն ու հետագայում էլ են նմանատիպ իրադարձություններ ձգում դեպի իրենց։ Այլ կերպ ասած՝ դրանք բառացիորեն ստիպում են, որ դուք, ձեր կամքին հակառակ, մտովի վերապրեք նույնատիպ պահեր, որոնց հետ կապված հիշողություններ են կրում իրենց մեջ։ Դա և ուրախությանն է վերաբերում, և տխրությանը։

4. Կոտրված, պատռված իրեր

Առարկաները, որոնք արդեն վաղուց ապրել են իրենց դարը, բայց թանկ են ձեզ համար որպես հիշողություն, պարտադիր չէ, որ աղբանոցում հայտնվեն։ Սակայն պետք է գիտակցեք, որ հիշողությունները պահպանելու գինը կարող է բավականին բարձր լինել։ Դուք կարող եք դրա դիմաց հատուցել ձեր հաջողությամբ։ Բանն այն է, որ ոչ միայն այդ իրերն են ներծծում սեփականատիրոջ էներգետիկան, այլև սեփականատերն է իր էնեգետիկայով կապակցված այն իրերի հետ, որոնք օգտագործում է։ Այդ կոտրված իրերի ճաքերի միջոցով ձեր կյանք է ներթափանցում բացասական էներգետիկան, որից ազատվելը գրեթե անհնար է։ Հենց այդ պատճառով էլ դա գործարկում է աղքատության, անհաջողության անդառնալի գործընթացը։

5. Որոշակի գույների իրեր

Գույներն առհասարակ բավականին լավ են կատարում իրենց ֆունկցիաները։ Սև, մոխրագույն ու սպիտակ երանգները ձեզ ներգրավում են գորշ, անհետաքրքիր իրականության մեջ։ Հաջողակ մարդիկ ձգտում են իրենց տան հարդարանքն ու զգեստապահարանը հագեցնել վառ գույներով։

Հիմա դուք գիտեք, թե ինչն է վանում ձեր հաջողությունը՝ կործանարար ու բացասական էներգիան, որը սարդոստայնի պես տարածվում է ձեր կյանքի բոլոր ոլորտների վրա։ Բայց էներգետիկան բավականին ընդարձակ հասկացություն է, որը սերտ կապակցված է հոգեբանության հետ։ Յուրաքանչյուր մարդ առաջնորդվում է առաջին հերթին իր մտքերով, հենց դրանք են նրա շուրջ էներգետիկ տարածք ստեղծում։