Եթե դուք անկանխատեսելի Կենդանակերպի նշաններից եք, ապա մարդիկ Ձեզ հետ չեն ձանձրանա։ Սակայն այդ անկանխատեսելի բնավորության թերություններից կարող է լինել անհուսալիությունը, քանի որ ոչ մեկ չգիտի թե հաջորդ պահին ինչ սպասել Ձեզանից։ Դուք զարմացնում եք Ձեզ և շրջապատին և դուք բաց եք ամեն նորի համար և նաև սիրում եք ռիսկի դիմել։ Դե ի՞նչ, ուզում եք իմանալ, արդյո՞ք պատկանում եք անկանխատեսելի Կենդանակերպի նշաններից մեկին, թե՞ ոչ։
Խոյ
Այս Կենդանակերպի նշանի մարդկանց իմպուլսիվությունը դարձնում է Խոյ-մարդկանց բացարձակ անկանխատեսելի։ Իրականում նրանք կարող են լինել նույնիսկ մի փոքր վտանգավոր, որովհետև շատ հաճախ ընդհանրապես չեն մտածում հետևանքների մասին։ Խոյը սիրում է անել այն, ինչը իրեն վախեցնում ու մարտահրավեր է նետում։ Հենց այդ պատճառով նա միշտ փնտրում է ադրենալինային արկածներ և տպավորություններ։ Բացի դրանից, նա բավական անզուսպ է և նրան հատկանշական են բարկության և կատաղության բռնկումները։
Երկվորյակ
Երկվորյակները ատում են նախապես պլանավորումը, պլաններ կազմելը համարելով տաղտկալի և անպետք բան։ Նրանք սովորաբար գտնվում են եռացող գործունեության վիճակում և արդյունքում միշտ ուշանում են և նույնիսկ մոռանում են որոշ հանդիպումների և գործերի մասին։ Երկվորյակները սիրում են ինքնաբուխությունը, այդ պատճառով դուք երբեք չեք իմանա, թե ինչ սպասել նրանցից։ Քանի որ երբեմն Երկվորյակների մոտ բացակայում է ապագայի տեսլականը, նրանք կախված են իրենց բնազդներից՝ անտեսելով առողջ միտքն ու տրամաբանությունը։
Աղեղնավոր
Աղեղնավորն ուղղակի պաշտում է փոփոխությունները և հենց այդ պատճառով զարմանալի չէ, որ նա կարող է լինել բացարձակ անկանխատեսելի։ Նրա սրտով չէ հստակ և պրագմատիկ պլանավորումը և նա գերադասում է որոշումներ կայացնել ոտքի վրա։ Երբ դուք մտածում եք, որ ամբողջապես բացահայտեցիք և ճանաչեցիք նրա բնավորությունը և հետագա մտադրությունները, Աղեղնավորն անպայման կկատարի բոլորովին անսպասելի մի բան։
Ջրհոս
Ջրհոսները անհրաժեշտ չեն համարում հետևել ինչ-որ մեկի օրենքներին։ Նրանք նույնիսկ չեն հետևում սեփական օրենքներին։ Այս նշանը թույլ չի տալիս մարդկանց թելադրել այն, թե ինչ նա պետք է կամ չպետք է անի և հազվադեպ են գտնվում ինչ-որ մեկի ազդեցության տակ։ Ջրհոսն ապրում է ներկա պահով. նա որպես օրենք ասում է այն, ինչ մտածում է և փորձում է չափսոսալ և չվշտանալ, երբ գործերն այնպես չեն ընթանում, ինչպես ինքն էր սպասում։
Ձկներ
Ձկները՝ զարմանալի և խորհրդավոր մարդիկ են։ Նրանք չեն ապրում այն ստանդարտ կյանքով, ինչ ուրիշները և հակված են անել այն, ինչ իրենք են պետք համարում և նաև հետևում են իրենց տրամադրության թելադրանքին։ Դուք երբեք չեք իմանա, թե ինչ են նրանք պատրաստվում ասել կամ անել, բայց դուք կարող եք վստահ լինել, որ նրանք ինչ-որ ոչստանդարտ բան կանեն։ Ձկները աշխարհը տեսնում են իրենց սեփական, յուրահատուկ տեսանկյունից, և հենց այդ պատճառով նրանք միշտ անկանխատեսելի են և հետաքրքիր։