Երիտասարդությունը՝ իմպուլսիվ և վառ պահերով լի ժամանակաշրջան է։ Եթե սեր, ուրեմն հավերժ, իսկ եթե ճանապարհորդություն՝ ուրեմն աշխարհի ծայրը։ Բայ որոշները կասկածում են, ասում են, որ դեռ ամեն ինչ առջևում է։ «Ես դեռ կերգեմ, կպարեմ, կհրավիրեմ այն աղջկան կամ կժպտամ այն տղային, կլինեմ Հնդկաստանում կամ կսովորեմ իսպաներեն…»։ Բայց չէ՞ որ ժամանակը կանգ չի առնում, այն ընթանում է բարձր արագությամբ։

Mediamag-ը առաջարկում է Ձեզ «не думать о секундах свысока» և կիսվում է Ձեզ հետ հրաշալի արկածախնդրությունների ցուցակով, որը պետք է անպայման անել՝ չսպասելով ծերունական իմաստությանը։

1. Դիմավորեք արևածագը անսովոր վայրում

Դա կարող է լինել Նորվեգիայում գտնվող Տրոլի լեզուն, փոքրիկ կղզի օվկիանոսում կամ թեկուզ Ձեր տան տանիքը։ Եվ չմոռանաք արևածագը դիմավորելիս երազանք պահել։

2. Կատարեք ճանապարհորդություն

Ասում են, որ մարդն, ով գումար է ծախսում ոչ թե իրերի, այլ ճանապարհորդության վրա, շատ ավելին է ձեռք բերում։ Եվ իրոք, թեկուզ փոքրիկ ճանապարհորդությունը հարևան քաղաք՝ հաճախ նոր աշխարհներ է բացահայտում։ Իսկ որքան հետաքրքրություններ են թաքցնում այլ երկրները։ Ի դեպ, Ավստրալիայում Դուք կարող եք կատարել ձեր կյանքի ամենահրաշալի սելֆին Քուոկկայի հետ։

3. Ժամանակ գտեք փոքրերի համար

Մեծ քույրերը և եղբայրները միշտ զբաղված են, բայց նրանք երբեք չեն ափսոսա փոքրերի հետ անցկացրած ժամանակի համար։ Շատ շուտով, երեկվա փոքրերը կմեծանան և Դուք ընդհանուր բաներ կունենաք։

4. Քայթսերֆինգ տեսականորե՞ն… Միայն պրակտիկա

Ձեզ դո՞ւր է գալիս ջութակ նվագել կամ հիփ-հո՞փ։ իսկ միգուցե Դուք արդեն անգիր եք արել սքեյթբորդինգի և քայթսերֆինգի մասին բոլոր հոդվածնե՞րը։ Ժամանակն է տեսականից անցնել գործնականի։

5. Հաղթահարիր ֆոբիաներդ

Կարելի է երկար տարիներ վախենալ մթությունից, ջրից, բարձրությունից։ Իսկ կարելի է մարտահրավեր նետել սեփական ֆոբիաներին և դառնալ ավելի ուժեղ և ազատ։

6. Անտարբեր մի անցեք նրանց կողքով, ովքեր Ձեր կարիքն ունեն

Միգուցե Դուք հենց այն բարի կախարդն եք, ում արդեն վաղուց ինչ-որ մեկը ինչ-որ մի տեղ սպասում է։ Իսկ սկսել միշտ կարելի է փոքրիկ կախարդանքներից՝ օրինակ, մեկ փաթեթ կեր Ձեր բակի փողոցային շան համար։

7. Ի կատար ածեք Ձեր ամենաանհավանական նախագիծը

Ամեն ինչ կստացվի։Նույնիսկ Ձեր իդեայի իրականացման առաջին քայլը՝ արդեն հաղթանակ է։

8. Յուրաքանչյուր իրավիճակում ժամանակ գտեք ուսման համար

Քննությունները միշտ ծածուկ են մոտենում։ Ժամանակ մի ծախսեք, հարմար առիթի դեպքում կարդացեք կոնսպեկտը…

9. Մրցեք, որպեսզի ավելիին հասնեք

Մրցակցության ոգին օգնում է մեզ կատարելագործվել յուրաքանչյուր ասպարեզում, դա կլինի խոհարարություն, շինարարություն, դիզայն, կինեմատոգրաֆ, թե հնեաբանական պեղումներ։ Մի բավարարվեք ձեռք բերածով։

10. Օգտագործեք պահը վարպետից սովորելու համար

Փորձ կարելի է ձեռք բերել, կատարելով սխալներ։ Բայց Դուք կարող եք զգալի նվազեցնել սխալների տոկոսը՝ գտնելով իմաստուն ուսուցչի։

11. Ընկերներով գնացեք կարնավալ

Ուրախ խառնաշփոթ, վառ էմոցիաներ և հմայիչ կերպարներ։ Այդպիսի բան չի կարելի բաց թողնել։

12. Ի կատար ածեք Ձեր մանկական երազանքը

Ախ այդ մանկական երազանքները։ Այստեղ չկա ոչ մի սահմանափակում։ Մենք երևակայում ենք և տեսնում ենք մեզ բազմապիսի կերպարներում, փորձում ենք մեզ խիզախ մասնագիտություններում։ Իսկ ի՞նչն է խանգարում Ձեզ գնալ մինչև վերջ։

13. Պարեք ջրափոսերի մեջ անծանոթ քաղաքում

Վայելեք երիտասարդությունը և հիասքանչ զգացմունքները։ Ուրախացեք արևին, քամուն, անձրևին։ Եղե՛ք վերջիվերջո վերջին ռոմանտիկը։

14. Խիզախություն ունեցեք՝ մնացեք այնպիսին, ինչպիսին որ կաք

Մենք շատ հաճախ ենք լսում. «դա նորմալ է», «այդպես ընդունված է» արտահայտությունները։ Բայց երբ խոսքը գնում է ստեղծագործելու և տաղանդի ցուցաբերման հարցին, ապա այդ բոլոր «ցանկապատերը» անպիտան են դառնում։ Դուք նա եք, ով կաք։ Եվ հրաշալի կլինի, եթե աշխարհը լսի Ձեր երգը։

15. Պայքարեք Ձեր սիրո համար

Հարաբերությունները կառուցվում են ոչ միայն ուրախ պահերով։ Սիրո մեջ խոչընդոտներ կարող են հայտնվել ինչպես սիրավեպի սկզբում, այնպես էլ որոշ ժամանակ հետո։ Եվ հենց դա կլինի Ձեզ համար փորձություն (իսկ եթե կցանկանաք՝ արկած), որը կփորձի Ձեր զույգի ամրությունը։

16. Մեր մոլորակը մաքուր դարձնելուց՝ մի վախեցեք կեղտոտվել

Այն մեր միակն է։ Մեր տունը՝ մեր գեղեցիչկ Երկիր մոլորակը։ Եկեք հոգ տանենք նրա մասին։

17. Հրաժարվեք թեկուզ մեկ վնասակար սովորությունից

Մեզանից ոչ մեկ իդեալական չէ։ Բայց վնասակար սովորությունների մեջ կգտվեն այնպիսիները, որոնց արժե ասել «հաջողություն»։

18. Ցուցաբերեք Ձեր կրեատիվությունը

Միատարր օրերը գունավորեք Ձեր ներկայությամբ։ Թող աշխատավայրում, տանը և փողոցում Ձեր կրեատիվությունը բացահայտի նոր հորիզոններ։ Եվ նույնիսկ սովորական զբոսանքը կարող է վերածվել մի ամբողջ ներկայացման։

19. Ընկերներով հավաքվեք կրակի շուրջը։ Եվ ոչ մի գաջեթ

Քննարկումներ սոց. ցանցերում, առցանց կոնֆերանսներ, ընկերոջ հետ զրույց սկայպով։ Տեխնոլոգիան՝ հրաշալի բան է։ Բայց Դուք երբեք չեք մոռանա մտերիմների հետ անցկացված երեկոն կրակի շուրջ։

20. Խորհրդակցեք տատիկի հետ

Դուք չարաչար սխալվում եք, եթե կարծում եք, որ Ձեր տատիկը կատարելության է հասել միայն փքաբլիթներ պատրաստելու մեջ։ Մեր տատիկներն ունեն ոչ քիչ գաղտնիքներ։ Եվ մեկ ի սրտե զրույցը նրա հետ երբեմն կարող է շատ ավելի բան տալ, քան թանկարժեք թրեյնինգները։

21. Ուսումնասիրեք բնական երևույթներն ոչ միայն ինտերնետով

Նույնիսկ եթե Ձեր նոթբուքն ունի ուլտրաժամանակակից էկրան, իսկ հյուրասենյակում կանգնեցված է գերնոր պլազմա՝ դա երբեք չի կարող համեմատվել բնության հետ։ Մասնակից եղեք տեղի ունեցող երևույթներում։ Զգացեք քամու բույրը և թռչունների թևերի թափքը։

22. Դեն նետեք բոլոր պայմանականությունները և գրանցվեք պարի դասերի

Ո՞վ է աել, որ Ձեր հասակը, քաշը, կամ շարժուձևը խանգարում են Ձեզ զբաղվել սալսայով կամ բրեյքդանսով։ Այստեղ չկան սահմանափակումներ։ Ուղղակի պարեք հոգով և սրտով և շուրջբոլորը ամեն ինչ կփոխվի։

23. Մի վախեցեք պատասխանատվությունից

Կան որոշումներ, որոնք միայն Դուք պետք է կայացնեք։ Ինչ-որ մեկի կյանքի համար պատասխանատվություն վերցնելով՝ մենք դառնում ենք ավելի հասուն, իմաստուն,…. և երջանիկ։

24. Հիշե՛ք, որ Ձեր առջև է մի ամբողջ աշխարհ

Բախտը հակված է մեզ փորձությունների ենթարկել։ Սակայն այն ուրախ պահերի առումով նաև առատաձեռն է։ Չէ՞ որ երիտասարդությունը այնքան գեղեցիկ է, իսկ բոլոր ճանապարհներն էլ բաց են Ձեր առաջ։ Մի մոռացեք այդ մասին։ Կանցնեն տարիներ, իսկ այդ հրաշալի պահերը ընդմիշտ կմնան Ձեր սրտում։

^{Աղբյուրը՝ adme.ru}