Գլխավոր ՕԳՏԱԿԱՐ, ՀԵՏԱՔՐՔԻՐ, ԱՆՀԱՎԱՆԱԿԱՆ 2012թ. 10 կարևորագույն հայտնագործությունները

2012թ. 10 կարևորագույն հայտնագործությունները

.2012 թ. դեռ չի ավարտվել, սակայն գիտնականները արդեն իսկ ամփոփում են արդյունքները, վերհիշում են ամենակարևոր բացահայտումները, որոնք կատարվել են հեռացող տարում:

Նոր Մոլորակներ, նոր կենդանիներ, անհավանական ձեռքբերումներ, որոնք արժան են Գիննեսի ռեկորդի գրքին…

Առաջարկում եմ միասին վերհիշենք 2012թ. ամենաաղմկալի բացահայտումները: Եվ այսպես.

10. Հսկայական կոկորդիլոս, որը անցնում է բոլոր ռեկորդները

Հսկա կոկորդիլոս Լոլոնգը հասնում է 6.17 մետր երկարության: Այն ապրում է անազատության մեջ և պաշտոնապես համարվում է ամենահսկա կոկորդիլոսը, որը հուլիսին գրանցվել է Գիննեսի ռեկորդների գրքում:

Ինչպես հայտնում է National Geographic-ը, այս սողունի մասին նորությունը դարձել էր այս տարվա 10 ամենաքննարկվող նորություններից մեկը:

.

Նրանից հետո, երբ կոկորդիլոսին մեղադրեցին մարդկանց վրա հարձակման և 2 մարդու սպանության մեջ, նրան 2011թ. որսացին Ֆիլիպիններում և տեղավորեցին Բունավան հետազոտական կենտրոնի էկոպարկում:

9. Շաքար տիեզերքում

Վերջերս աստղագետները «քաղցր բացահայտում» էին կատարել. շաքարի պարզագույն մոլեկուլներ են լողում մեզանից 400 լուսնատարի հեռու աստղերի շուրջ կուտակված գազերում: Սա թույլ է տալիս ենթադրել, որ այլ մոլորակներում կարող է կյանք գոյություն ունենալ:

.

Արտաերկրային կյանքի որոնումները շարունակվում են

Այս օգոստոսյան բացահայտումը, իհարկե, չի կարող ապացույց հանդիսանալ, որ արտաերկրային կյանք այնուամենայնիվ գոյություն ունի: Սասկայն այն էականորեն մեծացնում է հավանականությունը, որ երբևե մենք կարող է իմանանք այլմոլորակային կյանքի մասին:

Ածխաջրածիններով հարուստ մոլեկուլները դրանք կյանքի ձևերի շինանյութեր են: Այժմ բացահայտվեց, որ դրանք գոյություն ունեին աստղային փոշում՝ մինչ մոլորակների ձևավորման սկիզբը:

8. Արեգակնային համակարգի նոր մոլորակներ

Համաձայն հետազոտությունների, որոնց արդյունքները հրապարակվել են մայիսին՝ Արեգակնային համակարգի ամենածայրում գոյություն ունեն չբացահայտված մոլորակներ: Այդ մոլորակները գտնվում են շատ հեռու և շատ մութ միջավայրում, որպեսզի հնարավոր լինի նրանց տեսնել ասղադիտակների միջոցով:

.

Բրազիլիայի ազգային աստղադիտարանի աստղագետ Ռոդնի Գոմեսը հայտնում է, որ այդ անտեսանելի մոլորակների գոյությունը հնարավոր է այն պատճառով, որ նրանք մի փոքր շեղում են Կոյպերի գոտու օբյեկտների օրբիտան: Այդ օբյեկտները իրենցից ներկայացնում  են փոքր սառցե մարմիններ և նաև թզուկ մոլորակներ, որոնք տեղակայված են Նեպտունի օրբիտայից դուրս:

7. Գտնվել է Աստծո մասնիկը՝ Տիեզերքը կապող էլեմենտը

Հուլիսին երկու անկախ հետազոտողներ, որոնք աշխատում էին մեծ ադրոնային կոլայդերի հետ, հայտնեցին, որ 99% հավանականությամբ նրանք հայտնաբերել են Հիգսի բոզոնը, որը միանգամից անվանեցին «Աստծո մասնիկ»:

.

Մասնիկը, որին փնտրում էին երկար ժամանակ, հնարավորություն է տալիս պատկերացում կազմել ավարտուն ֆիզիկական մոդելի մասին և բացատրել, ինչո՞ւ են օբյեկտները մեր տիեզերքում օժտված զանգվածով: Բացի դրանից, այս մասնիկի շնորհիվ գոյություն ունեն գալակտիկաները, մոլորակները և նույնիսկ մենք :

6. Կորուսյալ աշխարհ Անտարկտիդայում

Դեռևս պաշտոնական անվանում չստացած Յետի ծովախեցգետինը ապրում է Անտարկտիդայից ոչ հեռու օվկիանոսի տաք աղբյուրներում, որոնք հարուստ են միներալներով: Գիտնականները հայտնեցին, որ մեծ խորություններում հայտնաբերել են գիտությանը անհայտ, անցյալում երբեք չհայտնաբերված կենդանի արարածների «կորուսյալ աշխարհ»:

06228f5079f9d5bd0f38928d21bd80db

Ծովային խորությունները հետազոտելու համար նախատեսված ստորջրյա սարք-ռոբոտը, որը համալրված էր տեսախցիկով, ուղևորվել է օվկիանոսի խորքերը, որում հայտնաբերել է նախկինում անհայտ բեղիկավոր ոտքերով խեղգետիններ, ծովախեցգետիններ,անեմոններ և նույնիսկ ութոտնուկ: Բոլոր այս արարածները գործնականում զերծ են գունավորումից, քանի որ նրանք բնակվում են կատարյալ խավարում մոտ 2400 մ խորություններում:

5. Հիդրայի համաստեղությունում հայտնաբերվել է աստղային համակարգ իր 9 մոլորակներով

Երկիր մոլորակից 127 լուսնատարի հեռու տեղակայված աստղը իր օրբիտայի վրա կարող է ունենալ ավելի շատ մոլորակներ, քան Արեգակը, ինչը թույլ է տալիս այդ Աստղային համակարգը համարել «ամենաբնակեցվածը» բոլոր հայտնի աստղային համակարգերից:

.

Համաձայն հետազոտությունների արդյունքների, որը հրապարակվել է ապրիլին, Հիդրայի համաստեղությունում գտնվող HD 10180 աստղը նման է արևին, նրա շուրջը պտտվում է ոչ պակաս քան 9 մոլորակ, այն դեպքում, երբ մեր Արեգակնային համակարգում պաշտոնապես հայտնի են ընդամենը 8 մոլորակ:

4. Կենդանիների նոր տեսակներ Հարավային Ամերիկայում

Գիշերային կապիկի նոր տեսակը Պերույի հյուսիսային շրջանում հայտաբերված 8 նոր տեսակի կաթնասուններից մեկն է:

Պերույից և Մեքսիկայից մի խումբ կենսաբաններ 2009-2011թթ. իրենց հանրաճանաչ արշավի ժամանակ հայտնաբերել են կենդանիների նոր տեսակներ: Այն, որ դրանք նախկինում գիտությանը անհայտ տեսակներ են՝ ապացուցվել է 2012-ին:

.

3. Նոր անոտ երկկենցաղներ

Այս արարածները ամենևին էլ օձ կամ որդ չեն, ինչպես կարող է թվալ: Սրանք հողափոր անոտ երկկենցաղներ են, որոնք գիտության համար բոլորովին նոր կենդանիներ են՝ հայտարարել են փետրվարին գիտնականները:

.

Chikilidae ընտանիքին պատկանող երկկենցաղները բնակվում են հյուսիս-արևելյան Հնդկաստանում: Գիտնականները գտել են արդեն այդ բոլորովին նոր կենդանիների 6 տեսակ:

2. Ապացույցը նրա, որ Մայաները չեն կանխատեսել Աշխարհի վերջը

Մայաների վերջին բացված մեծ քաղաքում հնեաբանները հայտնաբերել են զարդանախշերով զարդարված մի տուն: Ընդ որում այդ զարդանախշերը հասարակ զարդանախշեր չէին:

.

Նրանց վրա պատկերված էր բավական կենդանի տեսարան տիրակալի և իր արքունիքի կյանքից: Նաև հաշվարկներ, որը թույլ տվեց գիտնականներին հետևել ժամանակի բավական մեծ հատվածի իրադարձություններին: Այդ օրացույցը ամենևին չէր վերջանում, այլ շարունակվում էր ևս 1000 տարի, որը և ապացուցում է, որ Մայաները ամենևին չեն կանխագուշակել 2012-ի դեկտեմբերի 21-ին կայանալիք աշխարհի վերջը:

1. Մայաների ոչ սովորական տաճար Գվատեմալայի ջունգլիներում

Մոտավորապես 1600 տարի առաջ Գիշերային Արևի Տաճարը հանդիսանում էր արյունե կարմիր փարոս, որը կարելի էր տեսնել բավական մեծ հեռավորություններից: Այն զարդարված էր Մայաների արևի աստծո  դիմակներով, որը ներկայացված է օձի, արյունախումի կամ հովազի տեսքով:

.

Երկար ժամանակ այս տաճարը կորսված էր ջունգլիներում, սակայն 2012-ին մի խումբ հնեաբաններ հայտնաբերեցին այն: Այս գտածոն հնարավորություն է տալիս հետազոտողների ավելին իմանալ Մայանների հին քաղաքակրթության մասին:

Աղբյուրը՝ news.nationalgeographic.com

Загрузка…

կարդացեք նաև

10 փաստ նորածինների մասին, որոնց մասին նույնիսկ չեն էլ կասկածում մայրիկների և հայրիկների 90%-ը

Նորածինները ամենաքնքուշ և ամենազարմանալի արարածներն են աշխարհում։ Շատ մարդիկ մտածում են, որ նրանց մասին գիտեն ամեն ինչ՝ չէ՞ որ նրանք ընդամենը փոքրիկ մարդուկներ են,...

ԹԵՍՏ. Հայերեն ուղղագրություն: Բաց թողած տեղերում լրացրու Բ,Պ,Փ

Mediamag-ը պատրաստել է Ձեզ համար թեստ, պարզելու թե որքան լավ գիտեք Բ-Պ-Փ ուղղագրությունը։ 15 հարցից քանիսի՞ն կկարողանաք ճիշտ պատասխանել։ Չմոռանաք թեստով կիսվել ընկերների հետ։ Դե ի՞նչ,...

Յուրաքանչյուր ազգ գեղեցիկ է յուրովի: 11 աղջիկ, որոնց գեղեցկությունը կստիպի թրթռալ նույնիսկ քարե սիրտը

Այսօր մենք ցանկանում ենք ավելորդ անգամ հիշեցնել մեր ընթերցողներին և ինչու չէ՝ ինքներս մեզ, որ յուրաքանչյուր ազգի ներկայացուցիչ աղջիկ օժտված է անկրկնելի գեղեցկությամբ: Այս աղջիկները...

Հետաքրքիր և անհավանական փաստեր Ադոլֆ Հիտլերի կյանքից

Ադոլֆ Հիտլերը նախորդ դարում ամենահայտնի անուններից մեկն էր, որը մինչ օրս իր ազդեցությունն ունի պատմության վրա: Այս մարդը ֆաշիցմի կենտրոնական կերպարներից էր ու Գերմանիայի...

Կենդանակերպի ամենաչար նշանները (ռեյթինգ). իսկ ձեր նշանը ո՞ր հորիզոնականում է

Ահա թե որոնք են կենդանակերպի ամենաչար նշանները: Աղբյուրը՝ BlogNews Գրանցվիր մեր Telegram ալիքին։ Ուղարկում ենք միայն պոպուլյար հոդվածները և օրը միայն մեկ անգամ: Գրանցվիր մեր Viber ալիքին։ Եվ ստացիր...