fbpx

14 բան կյանքում, որոնցից ժամանակն է ազատվել

Մեր արածի, ուզածի կամ ունեցածի մեծ մասը չարժե ո՛չ մեր ժամանակին, և ո՛չ էլ ջանքերին: Եվ եթե հրաժարվեք դրանից, վերջապես կարող եք ավելի երջանիկ դառնալ: Կոնկրետ ինչի՞ մասին է խոսքը։

1. ՎԱԶՔԸ ԿԱՏԱՐԵԼՈՒԹՅԱՆ ՀԵՏԵՎԻՑ

Կատարյալ զուգընկերոջ հետևից: Մարմնի: Աշխատանքի։ Տան: Մենք հաճախ ենք վազում անհասանելի իդեալի հետևից՝ չհասկանալով գլխավորը՝ ոչ ոք և ոչինչ կատարյալ չէ։ Այո, փորձել տրվել 100%-ով՝ վատ չէ, գլխավորը նշաձողը շատ բարձր չդնելն է, այլապես հիասթափության ցավից խուսափել չի լինի։

Փոխարենը, մենք պետք է ինքներս մեզ հարց տանք, թե ինչու պետք է ինչ-որ մեկին ինչ-որ բան ապացուցենք և փորձենք ավելի լավը լինել, քան մյուսները: Երջանկությունը ներդաշնակության և հավասարակշռության մեջ է, այլ ոչ թե անվերջ պայքարում:

2. ՇՓՈՒՄԸ, ՈՐ ՔԱՄՈՒՄ Է ՁԵՐ ԲՈԼՈՐ «ՀՅՈՒԹԵՐԸ»

Միգուցե ունեք ընկերներ կամ ծանոթներ, որոնց հետ շփվելուց հետո ձեզ ավելի վատ եք զգում, քան նախկինում։ Միգուցե նրանց հետ հանդիպելը դատարկում է ձեզ կամ ստիպում կասկածել ինքներդ ձեզ, բայց դուք չեք դադարում հանդիպել նրանց, քանի որ երբեմն իսկապես կարող եք միասին զվարճանալ:

Այնուամենայնիվ, եթե «վատը» սկսում է գերակշռել «լավին», արժե մտածել: Քիչ բաներն են այդքան շատ ազդում մեր ինքնազգացողության և երջանկության մակարդակի վրա, որքան ուրիշների հետ կապերը, ուստի արժե առավել զգույշ լինել ձեր սոցիալական շրջանակը ձևավորելիս:

3. ՓՈՐՁԵՐԸ ԻՆՉ-ՈՐ ԲԱՆ ՀԱՄՈԶԵԼ ՆՐԱՆՑ, ՈՎՔԵՐ ՊԱՏՐԱՍՏ ՉԵՆ ԼՍԵԼ

Մեզ թվում է, որ եթե ընդիմախոսին նորից ու նորից ինչ-որ բան բացատրենք հանգիստ ու վստահ, վաղ թե ուշ նա կլսի մեզ ու կընդունի մեր տեսակետը։ Ավաղ, այդպես չէ։ Կան մարդիկ, ովքեր սկզբունքորեն պատրաստ չեն փոխվել ու ավելի լայն նայել իրերին, ու դա ուղղակի պետք է ընդունել:

4. ՓՈՐՁԵՐԸ ԳՐԱՎԵԼ ՆՐԱՆՑ ՈՒՇԱԴՐՈՒԹՅՈՒՆԸ, ՈՎՔԵՐ ՀԵՏԱՔՐՔՐՎԱԾ ՉԵՆ ՄԵԶԱՆՈՎ

Ցանկացած հարաբերություն՝ լինի ընկերական, թե ռոմանտիկ, պահանջում է փոխադարձ հետաքրքրություն։ Որպես կանոն՝ կա՛մ կա, կա՛մ չկա, իսկ դիմացինին «գրավելու» փորձերը ոչ մի լավ բանի չեն հանգեցնում։

5. ՁԳՏՈՒՄԸ ՇՐՋԱՊԱՏԻՆ ԱՊԱՑՈՒՑԵԼՈՒ, ՈՐ ԴՈՒ ԻՆՉ-ՈՐ ԲԱՆ ԱՐԺԵՍ

Մենք բոլորս ինչ-որ չափով հավանություն ենք փնտրում և ուրախանում, երբ մեզ գնահատում և գովաբանում են, բայց հաստատ չարժե դրա վրա շատ ջանք ծախսել։ Արեք այն, ինչ ձեզ դուր է գալիս, փորձեք հասնել այն նպատակներին, որոնց դուք անկեղծորեն ձգտում եք, և եթե ինչ-որ մեկը հիացած է ձեր ձեռքբերումներով, ապա թող դա լավ բոնուս լինի:

6. ԶՈՀԻ ԴԵՐԸ

Բոլորս ի ծնե կամ պատահաբար հայտնվում ենք տարբեր պայմաններում. մեզանից ոմանք ավելի հաջողակ են, քան մյուսները: Բայց արժե՞ ժամանակ ու էներգիա վատնել ուրիշներին նախանձելու և սեփական աննախանձելի ճակատագրի համար ողբալու համար։

Զոհի կարգավիճակում կյանքը փոխելը շատ դժվար է, ուստի ժամանակն է հետ վերցնել վերահսկողությունը: Փոխեք այն, ինչի վրա կարող եք ազդել, սա ձեզ կտա այն բանի տպավորությունը, որ դուք կառավարում եք ձեր կյանքը:

7. ՈՒՐԻՇՆԵՐԻՆ ՆԱՅԵԼԸ

Ֆրանսիացի գրող Շառլ դը Մոնտեսքյոն գրել է. «Եթե մենք պարզապես ցանկանայինք երջանիկ լինել, ապա դրան հասնելը հեշտ կլիներ: Բայց մենք ուզում ենք ավելի երջանիկ լինել, քան մյուս մարդիկ, և դա գրեթե անհնար է, քանի որ մեզ միշտ թվում է, որ շրջապատող մարդիկ մեզանից ավելի երջանիկ են»: Այս թակարդը դարեր շարունակ եղել է, սակայն այսօր՝ սոցիալական ցանցերի դարաշրջանում, դրա մեջ ընկնելը շատ ավելի հեշտ է դարձել։

Սա մեկ անգամ չէ, որ ասվել է, բայց մենք էլի կկրկնենք. թեև ամբողջ օրը սոցցանցերում դիտում ենք ուրիշների կյանքը, բայց իրականում պատկերացում չունենք, թե ինչ է թաքնված այդ գունեղ «ֆասադի» հետևում։ Ցանկացած համեմատություն կողմնակալ է, իսկ եթե դա այդպես է, արժե՞ համեմատել:

8. ՎԱԶՔԸ ԱՐԱԳ ՓՈՂԻ ՀԵՏԵՎԻՑ

Մենք բոլորս երբեմն շտապ փողի կարիք ունենք, և անհանգստանալու ոչինչ չկա։ Խնդիրները սկսվում են այն ժամանակ, երբ արագ հարստանալը դառնում է մեր հիմնական նպատակը: Շատ ավելի կարևոր է ուսումնասիրել մեր ոլորտը, ուսումնասիրել, շփվել մասնագետների հետ, քրտնաջան աշխատել և, իհարկե, անել այն, ինչ մեզ իսկապես դուր է գալիս։ Ամենայն հավանականությամբ, վաղ թե ուշ այս բոլոր ջանքերը իրենց պտուղները կտան։

9. ՓՈՐՁԵՐԸ ՓՈԽԵԼ ՈՒՐԻՇՆԵՐԻՆ

Լուրջ, պարզապես վերջ տվեք: Անկախ նրանից, թե որքան էլ մենք ցանկանում ենք «վերափոխել» զուգընկերոջը, երեխաներին, ծնողներին, ընկերներին կամ այլ հարազատներին, միայն մեր ցանկություններն ու ջանքերը բավարար չեն: Մարդը փոխվում է, երբ ուզում է: Մեր խնդիրն է սովորել ընդունել այն այնպես, ինչպես կա: Կամ, եթե շփումը դառնում է անտանելի, բաժանվել, եթե հնարավոր է:

10. ՈՒՐԻՇՆԵՐԻՆ ՀԱՐՄԱՐՎԵԼԸ 

Մեզանից ոմանք ձգտում են «հարմարավետ» լինել, որպեսզի ավելորդ խնդիրներ չստեղծեն, չվիրավորեն մյուսներին և ի վերջո չմերժվեն։ Սա հասկանալի է, և, այնուամենայնիվ, սեփական ցանկություններն ու զգացմունքները ճնշելը և իրական էության մերժումը սովորաբար ոչ մի լավ բանով չեն ավարտվում:

Խոսքը ոչ թե ամեն փոքր բանի համար ուրիշների հետ վիճելու մասին է, այլ այն մասին, որ կարևորը մնաք այնպիսին, ինչպիսին կաք և թույլ չտաք ուրիշներին մոլորեցնել ձեզ:

11. ԴԻՄԱԿՆԵՐ կրելը (Իհարկե ՈՉ ԲԺՇԿԱԿԱՆ)

Մեզանից շատերին մանկուց սովորեցրել են, որ «բացասական» հույզերը պետք է թաքցնել: Որ պետք է ուժեղ լինել և չպետք է կախել սեփական խնդիրները ուրիշներից: Ժպտալ, նույնիսկ եթե շատ է ցավում: Եվ դրա համար մենք դիմակներ ենք կրում, որպեսզի աշխարհը չտեսնի, թե իրականում ինչ է կատարվում մեր ներսում։

Ինչո՞վ է դա վատ: Այն, որ նախ՝ այս «զրահը» ստեղծելու և պահպանելու համար մեծ ռեսուրսներ են պահանջվում, և երկրորդ՝ մեր շրջապատի մարդիկ կորցնում են հնարավորությունը՝ պարզելու, թե ով ենք մենք իրականում, ընդունելու և սիրելու մեզ։

12. ՎՐԵԺԻ ԵՐԱԶԱՆՔՆԵՐԸ

Բոլորիս հետ գոնե մեկ անգամ վատ են վարվել, այնքան վատ, որ կարող էր վրեժխնդրության ցանկությունը նստել մեր մեջ։ Ինչքան շուտ ազատվենք նրանից, այնքան լավ։

Այո՛, «ամեն ինչ մոռանալն ու առաջ գնալը» հեշտ չէ, բայց հակառակ դեպքում մենք մեր մեջ թույն ենք կրելու, որը հենց մեզ կթունավորի։ Խոսքը ոչ թե ներման, այլ այս էջը վերջնականապես շրջելու հնարավորության մասին է։

13. ԻՆՔՆԱԽԱՐԱԶԱՆՈՒՄԸ

Իսկ ահա թե ում անպայման պետք է ներես՝ դա դու ես, հատկապես, եթե հակված ես քեզ քննադատելու ամենափոքր սխալի համար: Մեղքի և ամոթի ներքին կրակը վառելը ոչ մի տեղ չի տանի: եթե սխալ եք թույլ տվել, ընդունեք այն, զբաղվեք դրա հետևանքով և փորձեք այլևս չկրկնել նման սխալները:

14. ՍՊԱՍԵԼԸ, ՈՐ ՄԻ ՕՐ ՊԱՏՐԱՍՏ ԿԼԻՆԵՆՔ

Մեզանից շատերը մեծ երազանքներ ունեն և հավատում են, որ պատրաստ կլինեն սկսել իրականացնել ծրագրերը հենց որ…

…կորցնեն N կիլոգրամ: Կվաստակեն իրենց առաջին միլիոնը: կփոխեն աշխատանքը։ Կտեղափոխվեն այլ երկիր։

Բայց կյանքն այն է, ինչ տեղի է ունենում այստեղ և հիմա: Այն անցնում է, մինչ մենք պլաններ ենք կազմում, բայց երբեք չենք սկսում դրանք իրականացնել: Ժամանակն արագ է թռչում, այնպես որ ոչ մի րոպե մի կորցրեք: Փորձեք այսօր մի փոքր ավելի երջանիկ լինել։


🎥 Նոր տեսանյութ.

telegramԳրանցվիր մեր Telegram ալիքին։ Ուղարկում ենք միայն թարմ հոդվածները և ամենաառաջինը հենց Ձեզ:

Գնահատեք հոդվածը
( 3 assessment, среднее 3.67 из 5 )
MediaMag
14 բան կյանքում, որոնցից ժամանակն է ազատվել
Կենդանակերպի 5 առավել տաղանդավոր նշանները