1970-ականներին մեծացած մարդկանց մեծ մասը «X սերնդի» ներկայացուցիչներ են, որոնք հաճախ ստիպված էին ինքնուրույն հոգ տանել իրենց մասին՝ առանց ժամանակակից ծնողներին բնորոշ մշտական վերահսկողության ու չափազանց հովանավորչական վերաբերմունքի։
Չմոռանաք բաժանորդագրվել մեր Telegram ալիքին:
Թեև մանկության տարիներին նրանք գուցե դժգոհել են կամ դժվարությամբ են հաղթահարել այդ փորձությունները, իրականությունն այն է, որ 70-ականներին մեծացած տղամարդիկ ձեռք են բերել բազմաթիվ արժեքավոր հատկանիշներ, որոնք այսօր դժվար է գտնել։ Նվիրվածությունից մինչև տոկունություն. այս տղամարդիկ առաջնորդվում են հստակ սկզբունքներով, որոնք օգնում են նրանց ամեն օր դառնալ իրենց լավագույն տարբերակը:
1970-ականների սերնդի տղամարդկանց բնորոշ 11 արժեքավոր հատկանիշները
1. Նվիրվածություն և հավատարմություն
Հաշվի առնելով, որ նրանց ծնողները հաճախ սերմանում էին նվիրվածություն և ազնվություն կյանքի բոլոր ոլորտներում՝ աշխատավայրից մինչև անձնական հարաբերություններ, զարմանալի չէ, որ այս տղամարդիկ աչքի են ընկնում իրենց հավատարմությամբ: Անկախ նրանից՝ դա գործատուի հանդեպ նվիրվածությունից դրդված քրտնաջան աշխատանքն է, թե հավատարմությունը կյանքի ընկերոջը, այս տղամարդիկ չեն վախենում պատասխանատվությունից և հանուն սեփական հարմարավետության չեն խուսափում բարդ իրավիճակներից:
2. Պատրաստակամություն՝ դիմակայելու մարտահրավերներին
Փոխանակ անընդհատ պաշտպանված լինելու դժվարություններից, 1970-ականների երեխաները սովորել են նորմալ վերաբերվել սեփական սխալներին: Քանի որ սովորելն ու հասունանալը նրանց անձնական պատասխանատվությունն էր, սխալներն ու մարտահրավերներն անխուսափելի էին: Կյանքի դժվարություններին դիմակայելու նրանց ունակությունը ոչ միայն արմատավորված է մանկության փորձառության մեջ, այլև օգնում է նրանց շարունակաբար աճել ու զարգանալ հասուն տարիքում: Նրանք չեն խուսափում բարդ խոսակցություններից, կոնֆլիկտները լուծում են տեղում, հեշտությամբ կառավարում են իրենց հույզերը և համարձակորեն ընդունում մարտահրավերները:
3. Համբերատարություն
Սովորելով ինքնուրույն կառավարել սեփական զգացմունքներն ու հաղթահարել ձանձրույթը, երբ ծնողները կողքին չէին, այս տղամարդիկ մեծանալուն զուգընթաց ձեռք են բերել զարմանալի համբերատարություն: Ի տարբերություն ժամանակակից երեխաների, որոնք հարմարավետություն ու ակնթարթային բավարարվածություն են փնտրում էկրանների և չափազանց մեղմ ծնողների միջոցով, այս սերունդը սովորել է համակերպվել անհարմարությունների հետ և տիրապետել սպասելու արվեստին:
4. Աշխատասիրություն
70-ականներին մեծացած տղամարդիկ հասկանում են, որ ջանք գործադրելն ու քրտնաջան աշխատանքը կյանքի բնականոն մաս են: Քանի որ մանկության տարիներին աշխատանքն ու ինքնուրույնությունը պարտադիր էին, այսօր դրանք դարձել են նրանց բնավորության անբաժանելի մասը: Ինչպես ցույց են տալիս Հարվարդի համալսարանի ուսումնասիրությունները, տնային պարտականությունները նպաստում են ամուր աշխատանքային էթիկայի ձևավորմանը: Առանց գովասանքի կամ գրպանի գումարի ակնկալիքի աշխատելը նրանց օգնել է դառնալ ավելի տոկուն: Նրանք մշտական գովեստների կարիք չունեն իրենց պարտականությունները կատարելու համար, քանի որ գիտակցում են՝ դա պարզապես առօրյա կյանքի նորման է:
5. Հոգատարություն սիրելիների նկատմամբ
Տեսնելով, թե ինչպես են իրենց հայրերն ստանձնում ընտանիքն ապահովելու և պաշտպանելու դերը՝ այս տղամարդիկ նույնն են անում իրենց հասուն կյանքում, բայց արդեն յուրովի: Ստեղծելով ապահով և հանգիստ միջավայր իրենց կանանց ու երեխաների համար՝ նրանք պաշտպանում են սիրելիներին անկեղծությամբ, ոչ թե խնդիրներից խուսափելով: Թեև պաշտպանելու և մյուսների ինքնուրույնությունը սահմանափակելու միջև նուրբ սահման կա, այս սերնդի տղամարդիկ բավականաչափ ինքնավստահություն և իմաստություն ունեն դա միանգամայն առողջ եղանակով անելու համար:
6. Ուղիղ և անկեղծ հաղորդակցություն
Ուղիղ շփվող տղամարդիկ չեն փախչում խնդիրներից: Նրանք չեն խուսափում բարդ խոսակցություններից կամ կոնֆլիկտներից, այլ նախընտրում են գիտակցաբար լուծել դրանք: Միևնույն ժամանակ հնարավոր է լինել և՛ շիտակ, և՛ հոգատար: Այն, որ նրանք խուսափում են պասիվ ագրեսիայից և իրենց մտքերն արտահայտում են հստակ, ամենևին չի նշանակում, թե նրանք զուրկ են ջերմությունից և չեն հասկանում շրջապատի մարդկանց:
Կարդացեք նաև՝ 1970-ականներին ծնվածները գրեթե միշտ ավելի խելացի են մյուս սերունդներից. 11 ապացույց
7. Մշտական գովասանքի և հաստատման պահանջի բացակայություն
Թեև հոգեբանները պնդում են, որ գովասանքը խիստ կարևոր է երեխայի զարգացման համար, դրա չարաշահումը կամ ինքնագնահատականն ուրիշների կարծիքի վրա կառուցելը կարող է հանգեցնել կախվածության և անվստահության: 70-ականների երեխաների համար առանց ծնողների մշտական գովեստների ու վստահեցումների ապրելը սովորական էր: Անկախությունն ու պատասխանատվությունը նրանք արագ յուրացրին՝ իմանալով, որ կարող են հենվել միայն սեփական ուժերի վրա:
8. Հնարամտություն դժվար իրավիճակներում
Այս տղամարդկանց սովորեցրել են ապավինել իրենց: Ի տարբերություն ժամանակակից երեխաների, որոնց ծնողները փորձում են բավարարել նրանց բոլոր քմահաճույքները և պաշտպանել ցանկացած անհարմարությունից, 70-ականների սերունդը հաճախ թողնված էր ինքն իրեն և ստիպված էր ինքնուրույն հասունանալ: Հեշտ ու հարմարավետ ճանապարհներ փնտրելու փոխարեն՝ նրանք սովորել են հնարամիտ լինել: Նրանք պետք է ինքնուրույն հաղթահարեին ձանձրույթն ու լուծեին խնդիրները՝ առանց սպասելու, որ որևէ մեկը կգա ու կփրկի իրավիճակը:
9. Գործնական հմտությունների մեծ զինանոց
Փոխարենը տրվելու սպառողականությանը և ամեն ինչ հեշտությամբ փոխարինելու գայթակղությանը, 1970-ականներին մեծացած տղամարդիկ տիրապետում են բազմաթիվ գործնական հմտությունների, այդ թվում՝ կենցաղային իրեր վերանորոգելուն: Նրանց սովորեցրել են խնայել ռեսուրսներն ու պատասխանատվությամբ վերաբերվել ծախսերին, անգամ եթե խոսքը վերաբերում էր մանր կենցաղային տեխնիկային: Իրեր նորոգելը, քարտեզներ կարդալը, մնացորդներից համեղ ընթրիք պատրաստելն ու գումար տնօրինելը հմտություններ են, որոնք ձևավորել են նրանց տոկունությունն ու ճարպկությունը, մինչդեռ մեր օրերում շատերը փնտրում են միայն ակնթարթային բավարարվածություն և հակված են համակախվածության:
10. Ամուր բարոյական արժեհամակարգ
Թեև ծնողները մեծ ազդեցություն ունեն երեխաների աշխարհայացքի վրա, 1970-ականների երեխաների պարագայում, որոնք շատ ժամանակ էին անցկացնում մենակ, բարոյական արժեքների ձևավորումը հիմնականում իրենց ուսերին էր: Այն ժամանակաշրջանում, երբ սոցիալական նորմերն ու ավանդական արժեքները արագ փոխվում էին, նրանք պետք է ինքնուրույն տարբերակեին ճիշտն ու սխալը՝ հիմնվելով սեփական փորձի վրա: Անկախ նրանից՝ դա տանը կրտսեր քույր-եղբայրներին խնամելիս ռիսկերը գնահատելն էր, թե անծանոթների հետ հարգանքով շփվելը, այս սերնդի տղամարդիկ ձևավորել են ամուր բարոյական նկարագիր և արժանապատվության բարձր զգացում:
11. Լռությունն ու միայնությունը գնահատելու կարողություն
Թեև այսօր մեկուսացումն ու միայնությունը լուրջ խնդիրներ են համարվում, առանձնության մեջ անցկացրած ժամանակն իրականում չափազանց կարևոր է: Այն թույլ է տալիս մարդկանց ճանաչել ինքն իրեն, թոթափել սթրեսն ու վերլուծել անցած օրը, ինչպես նաև ծառայում է որպես վահան՝ ընդդեմ միայնության զգացումի: Որքան գիտակցված է մարդը մոտենում իր առանձնությանը, այլ ոչ թե փորձում է փախչել դրանից էկրանների և անընդհատ զբաղվածության միջոցով, այնքան ավելի լավ է նա իրեն զգում: Քանի որ 1970-ականներին մեծացած տղամարդիկ ստիպված էին ինքնուրույն հաղթահարել ձանձրույթը՝ առանց բջջային հեռախոսների ու թվային զվարճանքների, հասուն տարիքում նրանք շատ ավելի լավ են գնահատում լռությունն ու դրա ընձեռած խաղաղությունը:
Գրանցվիր մեր 
