Ինչո՞ւ մենք չենք տեսնում մեր գեղեցկությունը։ Հետազոտությունների համաձայն՝ 10 կանանցից 9-ը ամեն օր քննադատում է իր արտաքինը։ Մինչդեռ շրջապատող մարդկանց 85%-ը նրանց տեսնում է շատ ավելի գրավիչ, քան նրանք իրենք իրենց։

Չմոռանաք բաժանորդագրվել մեր Telegram ալիքին:

Այս պարադոքսը բացատրվում է «հայելիային աղավաղման ֆենոմենով»՝ մեր ինքնընկալումը ձևավորվում է սոցիալական ստանդարտների, օտար գնահատականների և ցավոտ համեմատությունների ճնշման տակ։

Հոգեբան և New Mind հեղինակային մեթոդի ստեղծող Սնեժաննա Տոնը հավաքել է ձեր գեղեցկության 100 հիմնավորված ապացույց՝ բաժանված հինգ հիմնական բաժնի։ Սրանք պարզապես հաճոյախոսություններ չեն՝ յուրաքանչյուր կետ ամրապնդված է հոգեբանությամբ, կենսաբանությամբ և սոցիոլոգիայով։

Ֆիզիկական գրավչություն

1. Ձեր բիբերը՝ անկեղծության հայելի։ Երբ տեսնում եք հաճելի բան, բիբերը լայնանում են մինչև 45%՝ դարձնելով հայացքը ավելի արտահայտիչ։ Հետազոտությունները ցույց են տալիս՝ բիբերի ակտիվ ռեակցիա ունեցող մարդկանց ընկալում են որպես ավելի ազնիվ և էմոցիոնալ հասանելի։

2. Այտերի փոսիկները՝ բնական հմայքի նշան։ Այս սիրուն փոքր փոսերը գոյանում են դեմքի մկանների յուրահատուկ կառուցվածքի պատճառով և հանդիպում են ընդամենը բնակչության 20%-ի մոտ։ Հոգեբանները պնդում են՝ դրանք ենթագիտակցորեն ասոցացվում են բարեհամբույրության և պատանեկան անմիջականության հետ։

3. Յուրաքանչյուր կին ունի անհատական բույր, որը կազմված է մոտ 120 տարբեր ֆերոմոնների խառնուրդից։ Հետաքրքիր է, որ մարդկանց 68%-ը բնական մարմնի հոտը ավելի գրավիչ է համարում, քան ամենաթանկ օծանելիքը։

4. Վարսերի թեթև անխնամությունն ակտիվացնում է ուղեղում այն գոտիները, որոնք պատասխանատու են բնական գեղեցկության ընկալման համար։ Հենց այդ պատճառով է, որ թեթև ալիքավոր մազերը հաճախ ավելի սեքսուալ են թվում, քան իդեալական հարդարվածները։

5. Կրծքի ասիմետրիան՝ բացարձակ նորմա։ Կրծքերի միջև 1–2 չափի տարբերություն ունի կանանց 92%-ը։

6. Քթի ձևը՝ ձեր յուրահատկությունը։ Անտրոպոլոգները ապացուցել են՝ հենց քիթն է դեմքին հաղորդում անհատականություն։ Ձեր յուրահատուկ ձևը ձեր նախնիների կլիմայական ադապտացիայի արդյունք է։

7. Պեպենները արևի համբույրներն են։ Այս պիգմենտային կետերը մելանինի ակտիվ արտադրության նշան են։ Սոցիոլոգիական հարցումները ցույց են տվել, որ մարդկանց 83%-ը պեպենները համարում է գեղեցիկ ու հմայիչ։

8. Մաշկի գույնը՝ ձեր էպիդերմիսի երանգը պարունակում է կարոտինոիդների, մելանինի և հեմոգլոբինի յուրահատուկ խառնուրդ։ Դերմատոլոգները պնդում են՝ առողջ մաշկի գույնը միշտ գրավիչ է, անկախ երանգից։

9. Նույնիսկ առանց շրթներկի՝ ձեր շուրթերի եզրագիծը նշմարվում է վարդագույն երանգով, շնորհիվ հատուկ մազանոթային ցանցի։ Սա գրավչության կարևոր գործոններից մեկն է։

10. Հոնքերը՝ դեմքի բնական շրջանակ։ Դրանց ձևն ու կորությունն այնքան յուրահատուկ են, որքան մատնահետքերը։ Փորձարկումները ցույց են տվել՝ ճիշտ ձևավորած հոնքերը կարող են բարձրացնել ընկալվող գրավչությունը 40%-ով։

11. Նույնիսկ ամենակարճ թարթիչներն ունեն կարևոր գործառույթ՝ պաշտպանել աչքերը և հայացքը դարձնել արտահայտիչ։ Յուրաքանչյուր թարթիչ ապրում է 3–5 ամիս և մշտապես թարմացվում է։

12. Ձեր ժպիտը՝ յուրահատուկ նախշ։ Շուրթերի, ատամների ու փոսիկների համադրությունը ձևավորում է անհատական, անկրկնելի նկար։

13. Կատարյալ համաչափ դեմք գոյություն չունի։ Թեթև ասիմետրիան (2–3 մմ սահմաններում) դեմքը դարձնում է ավելի հետաքրքիր և հիշվող։

14. Ուսերը՝ ձեր նրբագեղության կառուցվածքը։ Դրանց թեք կամ քառակուսի ձևը՝ ժառանգականության արդյունք է։

15. Գոտկատեղի ու կոնքերի հարաբերակցությունը՝ առողջության ցուցիչ։ Կենսաբաններն ապացուցել են՝ այս ցուցանիշը գենետիկորեն կանխորոշված է և այն արհեստականորեն փոխել պետք չէ։

16. Պորտից ներքև փոքրիկ ուռուցիկություն կա կանանց 95%-ի մոտ։ Սա ներքին օրգանների պաշտպանության միջոց է։ Դիետոլոգները զգուշացնում են՝ հարթ փորը առողջության ցուցիչ չէ։

17. Կոնքերը՝ կանացիության մարմնավորում։ Դրանց կլորությունը պայմանավորված է ճարպային հյուսվածքի յուրահատուկ բաշխմամբ։

18. Պորտը՝ ձեր կենսագրության առաջին հետքը։ Դրա ձևը՝ ծննդից հետո բուժման յուրահատուկ գործընթացի արդյունք է։ Կենսաբանները պնդում են՝ «ոչ իդեալական» պորտը հանդիպում է բնակչության 96%-ի մոտ։

19. Եղունգները՝ ձեր բնական վահանները։ Դրանց ձևը և աճի արագությունը առողջության ցուցիչ է։ Դերմատոլոգները նշում են՝ եղունգների թեթև ալիքավոր ձևը՝ նորմալ է։

20. Դաստակի շրջանագիծը՝ գենետիկորեն նախորոշված ցուցանիշ է։ Ռևմատոլոգներն ասում են՝ այստեղ եղած ոսկրերի նրբությունը՝ նուրբ շարժումների ադապտացիայի արդյունք է։

21. Բնական կարմրությունը՝ կենսական ուժի ցուցիչ։ Այն առաջանում է այտերի մազանոթների յուրահատուկ դասավորության շնորհիվ։ Նույնիսկ կարմրության իմիտացիան լուսանկարում բարձրացնում է գրավչությունը 23%-ով։

22. Միմիկական կնճիռները՝ էմոցիաների քարտեզ։ Ճակատի հորիզոնական գծերը՝ բազում հույզերի ու հետաքրքրության նշան։ Հոգեբանները դրանք կոչում են «հետաքրքրասիրության նշաններ»։

23. Մատների բարձիկների նախշերը պարունակում են 3 անգամ ավելի շատ նյարդային վերջավորություններ, քան մաշկի այլ հատվածներում։ Նյարդաբանները ապացուցել են՝ «սրտի գծի» արտահայտվածությունը կապված է բարձրտակտիլ զգայունության հետ։

24. Յուրաքանչյուր մազի սոխուկ պարունակում է տեղեկատվություն ձեր սննդակարգի, սթրեսի և միջավայրի մասին վերջին 5 տարիների ընթացքում։ Տրիխոլոգները կարող են «կարդալ» այս պատմությունը մազի կառուցվածքից։

25. Ժպիտի գիծը՝ ձեր էմոցիոնալ ստորագրությունը։ Շուրթերի անկյունները հանգիստ վիճակում ձևավորում են յուրահատուկ կոր։

26. Կազմվածքը՝ ձգված լինելու համար պարտադիր չէ ունենալ կատարյալ որովայն և մարզված հետույք։ Պարզապես ակտիվ ապրելակերպը բավարար է։ Որովհետև ձգված մարմինը ենթագիտակցաբար ընկալվում է որպես առողջության նշան, իսկ առողջությունն անպայման գրավիչ է։

27. Գոտկատեղի և կոնքի հարաբերակցությունը ազդում է գրավչության ընկալման վրա։ Այս ցուցանիշները կապված են հորմոնալ ֆոնի և վերարտադրողական առողջության հետ՝ ենթագիտակցորեն ընկալվելով որպես գեղեցկություն։

28. Կեցվածք։ Ուղիղ մեջքն ու ինքնավստահ շարժումները վկայում են մկանային և նյարդային համակարգերի առողջության մասին՝ դարձնելով արտաքին տեսքն ավելի գրավիչ։

29. Դեմքի գծերի հակադրությունը։ Մաշկի բաց գույնի և մուգ հոնքերի/թարթիչների (կամ հակառակը) համադրությունը ստեղծում է արտահայտիչություն։ Այս հակադրությունը ենթագիտակցորեն գրավում է ուշադրությունը։

30. Ծիածանաթաղանթի եզակի նախշերը։ Ձեր աչքի «մատնահետքը» պարունակում է բարդ ֆրակտալ նախշեր, որոնք ստեղծում են հայացքի խորություն։ Դա բնության կալեյդոսկոպ է, որը անհնար է կրկնել։

Էմոցիոնալ գեղեցկություն

31. Երբ կարմրում եք՝ դուք ակտիվացնում եք ուրիշների հոգատարության բնազդը։ Երբ արյունը հոսում է դեպի դեմք, դիտողների ուղեղում ակտիվանում է էմպատիայի գոտին, և ձեզ ավելի հաճախ ներում են փոքր սխալների համար՝ սա «խոցելիության էֆեկտն» է։

32. Ձեր ծիծաղը՝ բնական հակադեպրեսանտ շրջապատի համար։ Ամեն անգամ, երբ դուք ծիծաղում եք, լսողների մոտ բարձրանում է էնդորֆինների մակարդակը, իսկ դուք տարածում եք «էմոցիոնալ վարակ»՝ ձեր ծիծաղից 3 րոպե անց մյուսները նույնպես սկսում են ժպտալ։ Առավել գրավիչ է համարվում անկառավարելի ծիծաղը։

33. Աչքերի շուրջ կնճիռները՝ անկեղծ հույզերի կնիք։ «Սագի թաթիկներ» առաջանում են ՄԻԱՅՆ անկեղծ ժպիտի ժամանակ՝ մարդիկ նման կնճիռներով ընկալվում են որպես ավելի վստահելի։

34. Շուրթերի կծելը՝ հնագույն մարմնի լեզու է։ Այս ժեստը մտնում է գրավչության ենթագիտակցական ազդանշանների լավագույն հնգյակի մեջ՝ այն ուժեղացնում է ուշադրությունը ձեր խոսքի նկատմամբ։

35. Երբ դուք խորասուզվում եք մտքերի մեջ և նայում հեռուն՝ դա բարձրացնում է ձեր գրավչությունը 30%-ով, ստեղծում է առեղծվածի աուրա և ակտիվացնում շրջապատի հետաքրքրությունը ձեր անձի հանդեպ։

36. Երբ ձեր աչքերը փայլում են հիացմունքից։ Հետազոտությունները ցույց են տալիս՝ մարդիկ ենթագիտակցորեն ավելի երկար են նայում նրանց, ում աչքերը «փայլում են»։ Դա կապված է դոֆամինի արտազատման հետ։

37. Դուք ակամայից կրկնում եք զրուցակցի ժեստերը։ Դա կոչվում է «միմիկրիա» և համարվում է էմպատիայի բարձրագույն դրսևորում։ Երբ դուք ակամայից կրկնում եք մյուսի շարժումները՝ նա զգում է․ «ինձ հասկանում են»։

38. Երբ վրդովմունքից պտտում եք աչքերը։ Պարադոքսալ է, բայց դա ուժեղացնում է վստահությունը։ Մարդիկ, ովքեր թույլ են տալիս իրենց ցույց տալ թեթև վրդովմունք, ընկալվում են որպես ավելի ազնիվ։

39. Ձեր սովորությունը՝ խաղալ մազերի հետ, երբ մտածում եք։ Այս ժեստը գալիս է նախամարդկանցից (մազերի խնամքը = համակրանքի դրսևորում)։ Մարդկային հասարակության մեջ այն դարձել է ոչ բառային ազդանշան՝ «Ես ինձ հարմար եմ զգում քո կողքին»։

40. Երբ կտրուկ բարձրացնում եք հոնքերը հանդիպման ժամանակ։ Տևում է վայրկյանի փոքրիկ մի մաս, բայց ուղեղը դա ընկալում է որպես «Ես ուրախ եմ քեզ տեսնել»։ Սա բնածին ռեակցիա է՝ դա ցուցաբերում են նույնիսկ ծննդյան պահից կույր մարդիկ։

41. Ձեր կարողությունը լացել ուրիշների ներկայությամբ։ Առանց ամաչելու արցունքները՝ հուզական կապի ամենաուժեղ գործիքներից մեկն է։ Հետազոտությունները ցույց են տալիս՝ ուրիշի արցունքներ տեսնելու ժամանակ առաջանում է պրոլակտինի (հոգատարության հորմոն) արտազատում։

42. Ձեր սովորությունը՝ թեքվել զրուցակցի կողմը։ Մարմնի թեթև թեքումը առաջ՝ ֆիզիկական հետաքրքրության նշան է։ Դա ընկալվում է որպես՝ «Դու ինձ համար կարևոր ես»։

43. Երբ դուք ակամայից դիպչում եք կրծքին՝ խոսելով զգացմունքների մասին։ Սա անկեղծության ժեստ է. ձեռքը ձգվում է դեպի սիրտ, երբ խոսքը գալիս է «հոգու խորքից»։ Մարդիկ ենթագիտակցորեն ավելի շատ վստահում են այդպիսի ժեստերին, քան բառերին։

44. Երբ դուք սեղմում եք բռունցքները հիացմունքից։ Այս մանկական ժեստը շրջապատում առաջացնում է նոստալգիա և ջերմ հուշեր։

45. Երբ դուք կկոցում եք աչքերը՝ լսելիս։ Այս ժեստը նշանակում է հիպերկենտրոնացում և ընկալվում է որպես՝ «Ես ամբողջությամբ կենտրոնացած եմ քո խոսքի վրա»։

Կարդացեք նաև՝ 5 նուրբ նշաններ, որ դուք շատ ավելի գեղեցիկ եք, քան մտածում եք

46. Երբ դուք թեթև շարժում եք գլուխը զրուցակցի խոսքի տակ։ Դա ուժեղացնում է նրա վստահությունը իր խոսքի մեջ՝ սա հայտնի է որպես «ոչ բառային հաստատման էֆեկտ»։

47. Ձեր սպոնտան գրկախառնությունները։ 10 վայրկյանանոց գրկախառնությունները նվազեցնում են կորտիզոլի (սթրեսի հորմոն) մակարդակը երկու անձանց մոտ։

48. Երբ դուք աչքերը փակում եք ծիծաղելուց։ Դեմքի ամբողջական վերահսկողության կորուստը՝ անկեղծության բարձրագույն աստիճան է։

49. Ձեր «ոչ գեղեցիկ» վրդովմունքի դիմախաղը։ Այն թեթևացնում է իրավիճակը, քանի որ ցույց է տալիս՝ դուք կենդանի մարդ եք։

50. Երբ դուք կտրուկ հետ եք նետում գլուխը ծիծաղելիս։ Բաց պարանոցը՝ վստահության և անպաշտպանության հնագույն ազդանշան է։ Ահա թե ինչու այդպիսի ծիծաղը առավել վարակիչ է թվում։

51. Ձեր սովորությունը՝ ոտքը թեթև շարժել մտածելիս։ Ռիթմիկ շարժումները համաժամեցնում են զգացմունքային վիճակը զրուցակցի հետ։

52. Երբ դուք դադար եք վերցնում՝ պատասխանելուց առաջ։ Այդ 2–3 վայրկյան լռությունը ընկալվում է որպես մտածողություն։ Հոգեբանները դա կոչում են «իմաստության էֆեկտ»՝ մարդիկ ձեզ վերագրում են ավելի մեծ բանիմացություն։

53. Երբ զարչմանալիս՝ դուք ակամայից շշնջում եք «վա՜յ»։ Նման միջբառերը դարձնում են էմոցիաները «վարակի նման»։ Լեզվաբանները պարզել են՝ բնական միջբառերը (ո՜հ, ա՜հ, ու՜հ) ավելի արագ են կապ ստեղծում մարդկանց միջև, քան ցանկացած բառ։

54. Ձեր սովորությունը՝ թեթևակի պարել տեղում անհամբերությունից։ Երեխայական ուրախություն հիշեցնող շարժումները բարձրացնում են դիտողների օքսիտոցինի մակարդակը։ Էթոլոգները դա համեմատում են ձագերի վարքի հետ։

55. Ձեր պահվածքը՝ լայն բացել ձեռքերը պատմելիս։ Բաց շարժումները մեծացնում են վստահության տարածքը։ Անտրոպոլոգները ապացուցել են՝ նման միմիկայով մարդիկ ընկալվում են որպես ավելի առատաձեռն։

56. Երբ դուք մեկ վայրկյանով փակում եք աչքերը երաժշտություն լսելիս։ Այս ժեստը բացահայտում է ձեր խոցելիությունը։ Կալիֆոռնիայի համալսարանի հետազոտությունը ցույց է տվել՝ մարդիկ, ովքեր չեն վախենում ցույց տալ էսթետիկական հիացմունք, ընկալվում են որպես ավելի գրավիչ։

57. Ձեր սովորությունը՝ դիպչել ծնոտին, երբ լսում եք։ Դեմքին դիպչելը ակտիվ լսման ընթացքում բարձրացնում է զրուցակցի էմպատիայի մակարդակը։

58. Ձեր սովորությունը՝ լիզել շուրթերը կարևոր բառերից առաջ։ Թեև դա կարող է թվալ ֆիզիոլոգիական, բայց ենթագիտակցորեն ուժեղացնում է ուշադրությունը ձեր խոսքի հանդեպ՝ 25%-ով։

59. Երբ դուք ակամայից ցատկում եք ուրախ լուրի պատճառով։ Այս սպոնտան երջանկության դրսևորումները վարակիչ են՝ դրանք էնդորֆինների արտազատում են առաջացնում ոչ միայն ձեզ մոտ, այլև բոլոր ականատեսների։

60. Ձեր սովորությունը՝ շփել ձեռքերը կարևոր գործից առաջ։ Այս ժեստը՝ ժառանգված նախնիներից, ազդանշան է անկեղծ ներգրավվածության։ Նյարդաբանները նշում են՝ նման միկրաշարժումները բարձրացնում են ենթագիտակցական վստահությունը։

61. Կնոջ ձայնի մոգությունը։ Կանացի ձայնի ցանկացած տեմբր ավելի ուժեղ է ակտիվացնում լսողական կեղևը, քան տղամարդու ձայնը։ Ցածր տոները ընկալվում են որպես մետաքսանման, իսկ բարձրերը՝ առաջացնում են սերոտոնինի արտազատում։

62. Ձեր քայլվածքը ակտիվացնում է դիտողների տեսողական կեղևը։ Քայլքի օպտիմալ ռիթմը (մոտ 120 քայլ/րոպե) ուղեղում առաջացնում է ալֆա-ռիթմ՝ ասոցացվելով առողջության և էներգիայի հետ։

63. Ձեր ձեռքերը ավելի ջերմ են, քան մյուսներինը։ Մաշկի օպտիմալ ջերմաստիճանը ասոցացվում է առողջության հետ։

Սոցիալական ապացույց

64. Անծանոթ մարդիկ հաճախ օգնություն են խնդրում ձեզնից։ Եթե ձեզ հաճախ են հարցնում, թե ուր գնալ կամ ինչ անել, սա «վստահելի դեմքի էֆեկտն» է՝ դեմքի օվալաձև ձևը ենթագիտակցորեն վստահություն է առաջացնում։

65. Երեխաները ձեզ ժպտում են։ Մանկական ռեակցիան՝ գրավչության ամենաազնիվ ցուցիչն է։ 4 ամսականից սկսած երեխաները երկար են նայում «պայմանական գեղեցիկ» դեմքերին և ճանաչում են անկեղծ ժպիտը աչքերի շուրջ մկանների յուրահատուկ շարժման միջոցով։

66. Ձեր վրա հաճախ են նայում։ Օրական 3 և ավելի հայացք՝ բնածին գրավչության նշան է։ Ձեր հագուստի գույնը ենթագիտակցորեն համահունչ է ձեր մաշկի գույնին, իսկ ձեր շնչառության և քայլքի ռիթմը՝ շրջապատի հետ։

67. Անծանոթ մարդիկ պատմում են ձեզ իրենց պատմությունները։ Ձեր միմիկան խթանում է անկեղծությունը։

68. Ձեզ ընդգրկում են խմբակային լուսանկարներում։ Նույնիսկ քիչ ծանոթ մարդիկ ցանկանում են «ֆիքսել» ձեզ։

69. Սպասարկող անձնակազմը հիշում է ձեր պատվերը առաջին անգամից։ Սա «հաճելի հաճախորդի էֆեկտն» է՝ երբ մարդը դուր է գալիս, ծառայողն ակամայից ավելի ուշադիր է լինում։

70. Ձեզ հաճախ տալիս են «ավելորդ» բաներ (լրացուցիչ սոուս, նմուշ խանութում)։ Սա կենցաղային սոցիալական հավանության ձև է։ Վաճառողները և գանձապահները դա անում են միայն նրանց համար, ովքեր առաջացնում են ակնթարթային համակրանք։

71. Ձեզ հաճախ ընդունում են որպես «իրենց մարդ» նոր միջավայրում։ Մարդիկ սխալմամբ կարծում են, թե ձեզ արդեն տեսել են կամ ճանաչում են։ Սա «քամելեոն դեմքի էֆեկտն» է՝ ձեր դիմագծերը ասոցացվում են բարեհամբույրության հետ։

72. Ձեզ զանգահարում են՝ «ուղղակի զրուցելու» դժվար պահին։ Ընկերները ենթագիտակցորեն զգում են, երբ ձեզ աջակցություն է հարկավոր։ Սա խոր հուզական կապի նշան է։

73. Ձեզ հաճախ ասում են՝ «Ինչ լավ է, որ դու այստեղ ես»։ Նույնիսկ չեզոք միջոցառումների ժամանակ։ Ձեր ներկայությունը ցանկացած վայրում ստեղծում է «տան ջերմության» էֆեկտ։

74. Ձեզ խնդրում են ասել կենաց՝ տոնակատարությունների ժամանակ։ Թեև դուք գուցե ամենամոտ մարդը չեք այդ հավաքույթում։ Ձեր խոսքը ընկալվում է որպես հուզականորեն վարակիչ։

75. Ձեզ վստահում են կարևոր գրանցումները կամ բանալիները։ Հատկապես մի իրավիճակում, երբ պետք է ինչ-որ մեկին վստահել առանց հարցեր տալու։

76. Ձեր ներկայությամբ մարդիկ ավելի հաճախ են լռում հաճույքով։ Դա չի նշանակում ձանձրույթ՝ ընդհակառակը, ձեր ներկայությունը հանգստություն է բերում։

77. Գործընկերները կրկնում են ձեր սովորությունները։ Ձեր թեյ խմելու եղանակը, արտահայտություններն կամ նույնիսկ հագուստի ոճը։ Անգիտակից ընդօրինակումն՝ բարձրագույն հաճոյախոսություն է։

78. Ձեզ հաճախ հարցնում են՝ «Ի՞նչ ես կարծում»։ Նույնիսկ այն հարցերի մասին, որոնց մասնագետը դուք չեք։ Ձեր կարծիքը ընկալվում է որպես «առողջ բանականության չափանիշ»։

79. Ձեզ հրավիրում են ընկերախմբեր, որտեղ ոչ ոքի չեք ճանաչում։ Ընկերները վստահ են՝ դուք ամեն տեղ կմտնեք։ Սա սոցիալական ճկունության նշան է։

80. Անծանոթները ձեզ վստահում են իրենց իրերը։ Թողնում են պայուսակ կամ նոթբուք՝ ձեր հսկողության տակ։ Սա կենցաղային բարձրագույն վստահության ձևն է։ Հոգեբանները նշում են՝ դա աշխատում է միայն այն մարդկանց վրա, ովքեր ճառագում են հուսալիություն։

81. Երեխաները ձեզ ցույց են տալիս իրենց «գաղտնիքները»։ Քարեր, նկարներ, գտածոներ՝ մանկական վստահությունը հնարավոր չէ գնել։

82. Ձեզ վստահում են օտար ընտանի կենդանիներ։ Շները և կատուները ավելի արագ են շփվում ձեզ հետ՝ կենդանիները զգում են ձեր հանգիստ և խաղաղ էներգիան։

83. Ձեզ ասում են՝ «Դու կարծես փայլում ես»։ Նույնիսկ մռայլ օրերին։ Սա մետաֆորա չէ՝ հետազոտությունները ցույց են տալիս՝ հուզականորեն բաց մարդիկ իսկապես փոխում են մաշկի երանգը՝ արյան միկրոշրջանառության հաշվին։

84. Մարդիկ կիսվում են ձեզ հետ իրենց նախընտրություններով։ Դա նշանակում է՝ նրանք իրենց հարմար են զգում ձեր կողքին և հավատում են, որ դուք կհետաքրքրվեք կամ կաջակցեք։

85. Մարդիկ հիշում են ձեր անձնական նախասիրությունները։ Սա ցույց է տալիս, որ ձեր փոխհարաբերությունը նրանց հետ արժեք ունի և դուք թողնում եք անջնջելի տպավորություն։

86. Ձեզ համար միշտ հեշտ է եղել աշխատանք գտնել։ Հետազոտությունները ցույց են տալիս՝ գրավիչ մարդիկ առավելություն ունեն հարցազրույցների ժամանակ։

87. Ձեզ հետ չեն փորձում պահպանել հեռավորություն՝ ընդհակառակը՝ ձգտում են ավելի մոտ լինել։

88. Մարդիկ հաճախ զարմանում են, երբ իմանում են, որ դուք ունեք կոմպլեքսներ։

89. Ձեր ընկերները/զուգընկերները հաճախ ընդօրինակում են ձեր ոճը։ Եթե ինչ-որ մեկը սկսում է կրկնել ձեր շարժումները, հագնվելու ձևը կամ նույնիսկ խոսքի տոնայնությունը՝ սա գրավչության անգիտակցական նշան է։

90. Ձեզ ասում են՝ «Դու ունես խարիզմա»։ Խարիզման միայն բնավորությունը չէ, այլև ֆիզիկական արտահայտչություն՝ ժեստեր, հայացք, ձայնի տեմբր։

91. Անծանոթները հիշում են ձեր արտաքինի մանրամասները։ «Իսկ որտե՞ղ է ձեր կապույտ հերակալը»՝ եթե մարդիկ հիշում են նման բաներ, նշանակում է՝ ձեր կերպարը գրավել է նրանց ուշադրությունը։

92. Ձեզ հաճախ համեմատում են հայտնի մարդկանց հետ։ «Դու նման ես…»: Նման համեմատությունները առաջանում են, քանի որ ձեր դիմագծերը տեղավորվում են եզակիության և էթալոնի «ոսկե միջինում»։

93․ Տրանսպորտում ձեզ մոտ են նստում։ Նույնիսկ երբ կան ազատ տեղեր։ Մարդիկ ենթագիտակցորեն ընտրում են նրանց, ում մոտ էներգիան հանգիստ է և արտաքինը՝ հաճելի։

94. Մարդիկ հաճախ կրկնում են ձեր անունը խոսակցության մեջ։ Սա ենթագիտակցական փորձ է՝ ամրացնել հաճելի տպավորությունը. մեր ուղեղը ավելի լավ է հիշում այն անունները, ում սիրում ենք։

95. Ձեզ տալիս են տնային բույսեր/ծաղիկներ առանց պատճառի։ Բույսերը՝ կյանքի հնագույն խորհրդանիշն են։ Նման նվերները նշանակում են՝ ցանկություն երկար պահել ձեզ հետ կապը։

96. Ձեր կատակները ավելի ծիծաղելի են թվում, քան կան։ Նույնիսկ միջին հումորը ընկալվում է ավելի վառ՝ «գրավչության լուսավորության էֆեկտի» շնորհիվ։

97. Ձեզ թողնում են վերջին կտորը։ Հնագույն ավանդույթ․ «լավագույն մասը տալը»՝ առանձնահատուկ վերաբերմունքի նշան է։

98. Անծանոթները ձեր կողքին շտկում են իրենց սանրվածքը կամ հագուստը։ Սա անգիտակցական ցանկություն է՝ ձեր ներկայությամբ ավելի լավ երևալու։ Դա նշանակում է՝ դուք սահմանում եք բարձր «մակարդակ»։

99. Ձեզ ասում են՝ «Դու ճաշակ ունես»։ Թեպետ դուք դիզայներ չեք՝ մարդիկ վստահում են ձեր էսթետիկական զգայարաններին, որովհետև ձեր տեսքը ներդաշնակ է։

100. Ձեզ հազվադեպ են ընդհատում զրույցում։ Մարդիկ ուզում են ձեզ լսել մինչև վերջ՝ հաճելի ձայնի և արտահայտիչ միմիկայի շնորհիվ։