Երբ երիտասարդ ենք, մտածում ենք, որ դեռ շատ ժամանակ ունենք մեր երազանքներն իրականացնելու համար։

Բայց կյանքը շատ արագ է թռչում, և մենք դա հասկանում ենք միայն ծերության ժամանակ, երբ արդեն շատ դժվար է ինչ-որ բան փոխել:

Նման պահերին գրեթե բոլոր մարդիկ զղջում են այս 10 բաների համար:

1. Չափից շատ ենք ուշադրություն դարձրել ուրիշների կարծիքներին

Մենք հակված ենք չափից շատ ուշադրություն դարձնել այն բանին, թե ինչ են մտածում ուրիշները: Բայց շատ հաճախ, այն մարդիկ, ում համար անհանգստանում եք, ձեր մասին նույնիսկ չեն էլ մտածում:

Եթե ​​դուք գոհ եք ձեր կյանքից, չեք անում ոչ մի անօրինական բան և դիտավորյալ որևէ մեկին չեք վիրավորում, ապա ձեզ ընդհանրապես չպետք է հուզի ուրիշի կարծիքը։

2. Չենք պաշտպանել սեփական շահերը

Մենք հակված ենք մտածելու, որ պետք է գոհացնենք մեր շրջապատում գտնվող բոլորին, հակառակ դեպքում մեզ կհեռացնեն աշխատանքից, մեզ կլքի զուգընկերը, իսկ մեր ընկերները կհեռանան։ Մեզ սովորեցրել են լավը լինել և չվիրավորել ուրիշների զգացմունքները, բայց մենք չենք կարող դա անել մեր երջանկության հաշվին։

3. Չենք գնացել մեր երազանքի հետևից

Մի դառեք բժիշկ, իրավաբան կամ գիտնական միայն այն պատճառով, որ ձեր ընտանիքն է այդպես ուզում: Արեք այն, ինչ սիրում եք և վայելեք ձեր աշխատանքը:

4. Կոպտել ենք մտերիմ մարդկանց

Կյանքը կարճ է, և չգիտես, թե սիրելի մարդիկ երբ կհեռանան քեզնից։ Վերջին խոսքերը, որ ասում ես նրանց, կհիշես ամբողջ կյանքում։ Ուստի երբեք խոսակցությունը մի ավարտեք բարձր և վիրավորական արտահայտություններով։

5. Չենք ապրել ներկայով

Հետևելով, թե ինչպես են մեծանում երեխաները, հասկանում ես, թե որքան կարճ և թանկ է ժամանակը: Մեզանից շատերն ավելի ու ավելի քիչ են ապրում ներկայով:

Մենք միշտ զբաղված ենք աշխատանքով, առօրյայով, հեռախոսով խոսելով։ Մի կողմ դրեք ձեր բոլոր գաջեթները, աշխատանքը և տնային գործերը և վայելեք պահը լիարժեք:

6. Չափից շատ ենք աշխատել

Ձեր երեխաները փոքրիկ կլինեն միայն մեկ անգամ: Դուք միայն մեկ անգամ երիտասարդ կլինեք: Ֆինանսական հաջողությունը կամ կարիերան միշտ չէ, որ նշանակում է երջանիկ և լիարժեք կյանք։

7. Չենք լսել մեր սրտին

Ինքնուրույն որոշումներ կայացնելը և սեփական կյանքի համար պատասխանատվություն ստանձնելը ձեզ ուրախություն կպարգևի: Միշտ լսիր սրտիդ, այն քեզ հաստատ կասի ճիշտ ուղին։

8. Չափից շատ ենք նյարդայնացել

Բոլորն էլ խնդիրներ ունեն, բայց անհանգստությունը ոչ մի կերպ չի շտկի իրավիճակը: Ամեն ինչ արեք խնդիրը լուծելու համար։ Իսկ եթե խնդիրը լուծելն անհնար է, ապա անիմաստ է դրա համար անհանգստանալը։

9. Չենք հոգացել մեր մասին

Առողջական խնդիրները միշտ ստիպում են մտածել, թե նախկինում ինչպես ենք ապրել։ Եթե ​​առողջ սնվեիք, մարզվեիք և ավելի քիչ նյարդայնանայիք, ավելի առողջ կլինեի՞ք: Միայն դուք եք որոշում, թե ինչ առողջություն կունենաք մի քանի տարի հետո։

10. Չենք գնահատել կյանքը

Մենք գիտակցում ենք իրերի արժեքը միայն այն ժամանակ, երբ կորցնում ենք դրանք: Ուստի իմաստ ունի ավելի շատ վայելել այս կյանքը, հանգստանալ և ժամանակ անցկացնել ձեզ համար թանկ մարդկանց հետ։