Գլխավոր ՕԳՏԱԿԱՐ, ՀԵՏԱՔՐՔԻՐ, ԱՆՀԱՎԱՆԱԿԱՆ «Ոչ բոլորն են, ում կորցրել եք՝ կորուստ: Եվ ոչ բոլորին է, ում...

«Ոչ բոլորն են, ում կորցրել եք՝ կորուստ: Եվ ոչ բոլորին է, ում գտել եք, պետք պահել»

Հրաշալի տեքստ․․․

Նա պետք է դառնար միակը: Այն միակը, ով պետք է դառնար նա, ով միշտ կողքիս է՝ ուրախ, թե տխուր պահերին, ով պետք է լիներ իմ կյանքի հենարանը, իմ կեսը: Ով կօգներ փչել մոմերը իմ 80-ամյակին:

Նա պետք է լիներ միակը՝ միակը, քանի դեռ նրան չկորցրեցի:

Սկզբից շատ ցավոտ էր: ԱՆՏԱՆԵԼԻ ցավոտ: Շատ անքուն գիշերներ եմ ունեցել, երբ պառկած էի անկողնում, ճմրթված սավանով և արցունքներից թաց բարձով: Ես զգում էի, որ դա երբեք չի ավարտվի, ես կասկածների մեջ էի, ինձ թվում էր ամբողջ մեղավորությունը իմ մեջ է:

Բայց հետո, մի գեղեցիկ օր ես հասկացա, որ ինձ հետ ամեն ինչ կարգին կլինի: Եվ ոչ ուղղակի կարգին, այլ շատ ավելի լավ, քան նախկինում էր: Ես կլինեմ ազատ: կապրեմ վերջապես այն կյանքով, ինչ կյանքով ցանկանում եմ ապրել:

Որովհետև ես մի օր հասկացա, որ ոչ բոլորն են, ում կորցրել եք՝ կորուստ: Եվ ոչ բոլորին է, ում գտել եք, պետք պահել:

Մարդիկ մեր կյանք են գալիս ինչ-որ պատճառով, ինչ-որ նպատակով: Նրանք մեզ դասեր են տալիս, բերում երջանկություն կամ տխրություն, բացում են մեր աչքերը ինչ-որ բանի վրա, օգնում են ճանաչել ինքներս մեզ և հասկանալ թե ինչ ենք իրականում ցանկանում:

Երբեմն նաև մարդիկ հեռանում են մեր կյանքից ինչ-որ պատճառով, ինչ-որ նպատակով: Նրանք հեռանում են, որովհետև ավարտել են իրենց առաքելությունը մեր կյանքում, որովհետև սովորեցրել են արդեն այն, ինչ պետք է սովորեցնեին և այժմ մենք պետք է շարունակենք առաջ շարժվել: Այն մարդիկ, որ գալիս և գնում են՝ չպետք է մնային:

Երբ նրանք հեռանում են՝ ցավոտ է: Դուք Ձեզ դատարկված եք զգում, կարծես հեռացել են Ձեզանից, թողնելով հորդառատ անձրևի տակ առանց անձրևանոց, կարծես շխկացրել են դուռը Ձեր դեմքին: Ձեզ թվում է նրանք իրենց հետ են տարել Ձեր սիրտը, դուք Ձեզ դավաճանված եք զգում, անհուսալի և փշրված:

Այդ զգացումները սկզբում նորմալ են: Բայց մի քանի շաբաթ կամ ամիս հետո դուք պետք է ետ քայլ անեք: Դուք պետք է գիտակցեք, որ կորցնելով այնպիսի մարդկանց, որոնք Ձեզ նեղացրել են, որոնք անզգույշ են վարվել Ձեր սրտի հետ՝ դուք միայն շահել եք: Դուք շահել եք Ձեր ազատությունը, ուրախությունը, խաղաղությունը և հոգու հանգստությունը:

Եվ հենց այդ պատճառով դադարեք Ձեզ պահել այնպես, կարծես որևէ արժեքավոր բան եք կորցնում, դադարեք նրան տալ այդպիսի ուժ: Հավաքվեք, կտոր առ կտոր հավաքեք Ձեր սիրտը և ամեն օր ասացեք ինքներդ Ձեզ, որ դա կորուստ չէ, այլ հաղթանակ:

Այո, դուք կարող եք շատ բան կորցնել նրանց գնալով: Դուք կարող եք կորցնել հիշողությունները, ապագայի մասին միացյալ երազանքները, առավոտյան գրկախառնությունները: Դուք կարող եք կորցնել գիշերային հաճելի sms-ները, ֆեյսբուքում հարաբերության կարգավիճակը, հանգստությունը այն գիտակցումից, որ միայնակ չեք:

Ես նույնպես կորցրեցի այդ ամենը, երբ կորցրեցի նրան: Ես լավ եմ հասկանում, թե ինչ ես զգում, որ պառկած ես գիշերը միայնակ և այնքան միայնակ ես զգում, որ ծանր է դառնում շնչելը:

Բայց ահա թե ինչ: Ես կորցրեցի նաև այլ բան:

Ես կորցրեցի հաղորդագրություններն ու հեռախոսային զանգերը, որը նա անտեսում էր, սառնարյուն մանիպուլյացիան, զգացումը, որ ինչ-որ բան պակասում է: Ես կորցրեցի ցավագին զգուշացումները, մեղադրանքները, որ ես եմ ամեն ինչում մեղավոր, նրա թքած ունենալը:

Ես կորցրեցի մի մարդու, ով էմոցիոնալ վիրավորում էր ինձ:

Եվ չնայած դա ծանր է, բայց դա կորուստ չէ: Նա եկավ իմ կյանք և դաս տվեց: Եվ դրա համար ես շնորհակալ եմ: Ես շնորհակալ եմ այն կարճ ժամանակի համար, երբ մենք երջանիկ էինք, և որ նա ցույց տվեց, թե որքան ուժեղ կարող եմ լինել ես:

Բայց նրան կորցնելը՝ լավ է: Դա նույնիսկ շատ ավելին է, քան լավը: Որովհետև կորցնելով նրան՝ ես գտա ինձ: Ես կրկին գտա իմ երազանքները:

Եթե Ձեր մոտ նմանատիպ զգացմունքներ են, եթե դուք վերջապես բաց եք թողել այդքան անպետք և Ձեզ ցավեցնող մի բան, և Ձեզ մեղադրում եք ինչ-որ բանում՝ պետք չէ: Նրանք այլևս չարժեն Ձեր էներգիային և Ձեր արցունքներին:

Հնարավոր է դուք կորցրեցիք նրանց, բայց շահեցիք շատ ավելին: Դուք հաղթել եք, վերադարձրել եք Ձեզ Ձեր կյանքը:

Պատրաստված է Soulpost-ի նյութերով

Загрузка…

 

կարդացեք նաև

Գեորգի Գյուրջիևի 63 կարճ խորհուրդները իր դստերը

Գեորգի Գյուրջիևը հայազգի մտավորական, միստիկ, հոգևոր ուսուցիչ, կոմպոզիտոր, պարուսույց և փիլիսոփա էր: Ներքին կատարելագործման «քառակի ճանապարհ» ուսմփունքի հեղինակն է: Այս ամենից բացի նա չափազանց...

Արքայադստերից մինչև կախարդ։ Ինչպե՞ս են փոխվում հարսանիքից հետո Կենդանակերպի նշանի կանայք

Երբեմն ուղղակի քար ես կտրում, թե ինչպես են ամուսնությունից հետո փոխվում կանայք։ Որոշ աղջիկներ հարսանիքից հետո դառնում են իսկական օջախի պահապաններ, իսկ մյուսները բառացիորեն...

ԹԵՍՏ. Ընտրեք կողպեքը, որը կբացի Ձեր անձի գաղտնիքները

Այս անձնային ԹԵՍՏԸ թույլ կտա Ձեզ իմանալ որոշ հետաքրքիր փաստեր Ձեր անձի մասին և դուրս կբերի այն բանալին, որը համապատասխանում է Ձեր ընտրությանը:   Նախ նայեք...

Մարդկությանը մնացել է 49 տարի: Հսկայական երկնաքարը թռչում է դեպի Երկիր

Աշխարհի վերջի ժամկետը հայտնի է՝ 2068 թվական, գրում է ռուսական Life.ru տեղեկատվական պորտալը: Կործանիչ երկնաքարը ուղղությունը վերցրել է դեպի Երկիր և այս անգամ, թվում...

Ընտրեք ծաղիկը և իմացեք, թե որն է Ձեր սիրո լեզուն

Շատ հաճախ մենք սխալվում ենք, կարծելով, որ բոլորը սիրում են միանման: Իրականում կան անվերջ տարբեր տարբերակներ, թե ինչպես կարելի է սիրել, և առաջին հերթին՝...