Սովորաբար մարդկանց մասին դատում են՝ հաշվի առնելով, թե ինչպես են նրանք վարվում, խոսում, հագնվում կամ ինչպես են ապրուստի միջոց վաստակում: Սոցիալական կարգավիճակն ու «իմիջը» ամեն ինչ են։ Մտածել, ավելի խորը նայել, հասկանալ մարդուն՝ դրա համար մեծամասնությունը չունի բավարար ժամանակ կամ ցանկություն:

Որքան էլ տխուր է խոստովանելը, բայց դա է ճշմարտությունը: Փաստն այն է, որ մենք ապրում ենք «դատող» հասարակության մեջ, որը գրեթե ամեն րոպե «թեստավորում» է բոլորին. «Իսկ այնպիսի՞ն ես, ինչպես բոլորը՝ ժպտերե՞ս ես, հաջողա՞կ, քայլո՞ւմ ես նույն մոտիվացված ու «հարմարավետ» մարդկանց շարասյուներով»։

Մեր հասարակությունը չափազանց քննադատական ​​է դարձել. Այն պահանջում է կամ «համապատասխանել», կամ անմիջապես դատապարտում է։ Ի՞նչ անել: Ընտրե՞լ նվազագույն դիմադրության ուղին և դառնալ այն, ինչպիսին ուզում են մեզ տեսնել (կամ հմտորեն ձևացնել, ինչը վաղ թե ուշ, միևնույնն է, կձանձրացնի), թե՞ մնալ այնպիսին, ինչպիսին կանք՝ գնալով ռիսկի, որ չենք արդարացնի ինչ-որ մեկի սպասելիքները, կառաջացնենք թյուրըմբռնում և հակակրանք։

Որոշումը ձերն է։ Ինչ-որ մեկին հարմար է բոլորի նման լինելը, և սա նրա ընտրությունն է, իսկ ինչ-որ մեկը միշտ մնում է այնպիսին, ինչպիսին կա: Խնդիրն այն է, որ ուժեղ անհատականությունները, ովքեր չեն ճկվում այս աշխարհի տակ, հաճախ համարվում են կոպիտ: Նրանց դատապարտում են, նրանց հետ դժվար է։ Սակայն ուրիշների կարծիքը նրանց քիչ է հետաքրքրում. նրանք միշտ և ցանկացած պարագայում կգործեն իրենց տեսակետին համապատասխան։

Այնպես որ, նման ուժեղ անհատականությունների պահվածքը սարսափեցնում է։ Չնայած այն հանգամանքին, որ նրանք բացարձակապես ոչ մի վտանգ չեն ներկայացնում, նրանք պարզապես միշտ կարող են պաշտպանել իրենց և այն, ինչին անկեղծորեն հավատում են:

Տես նաև՝ Կանանց 5 տեսակ, որոնք դուր են գալիս հարուստ տղամարդկանց

Ցավոք, մի աշխարհում, որտեղ ամեն ինչ լցված է անհանգստությամբ և վախով, նման մարդկանց ուժեղ գծերը շփոթվում են կոպտության և անքաղաքավարության հետ: Ուստի դրանք համարվում են վտանգի աղբյուր։

Բայց իզուր։ Որովհետև դուք պետք է վախենաք ոչ թե շիտակ ու ազնիվ (ձեր և ուրիշների առջև) մարդկանցից, այլ ժպտերես ու լռակյաց մարդկանցից, ովքեր առաջին իսկ հնարավորության դեպքում մեջքիցդ դանակով կխփեն։

Որպեսզի ավելի լավ հասկանանք, թե ինչ է թաքնված ուժեղ (և հետևաբար՝ վախեցնող) մարդկանց կոշտ արտաքինի հետևում, ահա նրանց բնավորության 10 հիանալի գծերը: Միևնույն ժամանակ, դուք կկարողանաք որոշել, թե արդյոք դուք ինքներդ պատկանում եք այս տեսակին, ոչ թե առավել «հարմարավետ», այլ իսկապես հիացմունք առաջացնող:

«Վախեցնող մարդիկ» զարմանալիորեն.

1. Հուսալի են

«Ամենահաջողակ մարդիկ, որոնց ես ճանաչում եմ, նաև ամենահուսալիներն են»: – Ուեյն Ջերարդ Թրոտման

Նրանք չեն քչփչում և չեն փորձում հաճոյանալ, պարզապես միշտ փորձում են լինել ազնիվ և պատասխանատու։ Ի դեպ, հենց այս հատկանիշն է օգնում նրանց հասնել հաջողությունների ոչ միայն մասնագիտական, այլև անձնական կյանքում։ Օրինակ, եթե նրանք խոստանան ինչ-որ բան անել, նրանք իրենց խոսքի տերը կլինեն՝ անկախ նրանից, թե ինչ գնով:

2. Ազնիվ են

«Դուք պետք է սովորեք անկեղծ լինել աշխարհի հետ. անկեղծությունը ազնվության և քաջության զավակն է»: – Ռոբերտ Է. Լի:

Բարեբախտաբար, այս մարդիկ ազնվության դասերի կարիք չունեն, քանի որ նրանք այն հազվագյուտ տեսակն են, ով համարձակորեն ասում է այն, ինչ մտածում է՝ չվախենալով հնարավոր հետևանքներից կամ ուրիշների արձագանքից։ Նրանք ազնվորեն ասում են ճշմարտությունը աչքերի մեջ, ոչ թե ինչ-որ մեկին վիրավորելու կամ նվաստացնելու համար, այլ նրանք պարզապես վստահ են, որ անհնար է ստել: Նույնիսկ եթե գիտեն, որ իրենց խոսքերը կվշտացնեն ինչ-որ մեկին կամ կփչացնեն հարաբերությունները:

Նրանց «աջ ու ձախ ճշմարտությունը բարձրաձայնելու» այս հատկանիշը ազնիվ լինելու լավագույն միջոցը չէ, բայց, համաձայնվեք, ավելի լավ է լսել դառը ճշմարտությունը, քան ապրել ստի ու պատրանքների մեջ։

3. Միշտ բաց են նոր բաների համար

«Ազատվեք նախապաշարմունքներից. Հակառակ դեպքում, դուք երբեք իրական հաջողության չեք հասնի»: – Մարթա Ստյուարտ

Այս մարդիկ իրականում միշտ բաց են նոր հեռանկարների և նոր փորձառությունների համար: Նրանք փորձում են օգտագործել բոլոր հնարավորությունները, որոնք ի հայտ են գալիս։ Հաճախ դա շատերի կողմից չի ընկալվում, նույնիսկ նյարդայնացնում է: Եթե ​​նրանք որոշեն «թռչել դեպի Մարս», դա տեղի կունենա ցանկացած եղանակին: Նրանց ամբիցիաներն ու վճռականությունը վախեցնում են ուրիշներին, բայց դա կանգ առնելու պատճառ չէ:

4. Անգերազանցելի են արագ լուծումներ գտնելու ունակությամբ

Այս մարդիկ յուրահատուկ են նաև նրանով, որ միշտ գտնում են օպտիմալ լուծումներ։ Նույնիսկ ամենաանհուսալի իրավիճակներում։ Փաստն այն է, որ նրանք ունեն շատ լավ հատկություն՝ երբեք կախված չեն խնդիրներից և չեն արդարանում: Փոխարենը նրանք պարզապես անում են այն, ինչ պետք է: Բնականաբար, նման պահվածքը վախեցնում է թույլ մարդկանց։

5. Ունեն երկաթե կամք

«Կյանքը լի է երջանկությամբ և արցունքներով. եղիր ուժեղ և հավատա», – Կարինա Կապուր Խան

Անկախ նրանից, թե ինչպես են զարգանում հանգամանքները, և որքան էլ ինչ-որ բան անհնարին թվա, նման մարդիկ երբեք չեն կասկածում, որ ի վերջո ամեն ինչ լավ է լինելու։ Հավատքը նրանց առաջնորդող աստղն է և հաջողության գրավականը։ Բացի այդ, նրանք դժվարություններին շատ լուրջ չեն վերաբերվում՝ հասկանալով, որ կյանքն այսպես է աշխատում՝ սպիտակ շերտը փոխարինվում է սևով, իսկ հետո՝ հակառակը։

Տառապելու և իրենց խղճալու փոխարեն, նրանք պայքարում են և հաղթահարում դժվարությունները՝ քայլ առ քայլ։ Նրանք երբեք չեն հանձնվում, քանի որ իրենց թույլ չեն տալիս անգամ պարտության մասին մտածել։ Եվ դա աշխատում է. նրանք հաղթում են:

Տես նաև՝ Մարդու 3 հիմնական որակ, որոնք խոսում են նրա բարձր ինտելեկտի մասին

6. Դրամայի հանդեպ անհանդուրժող են

«Դժվարություններն անխուսափելի են: Իսկ ահա դրաման արդեն ընտրություն է », – Անիտա Ռենֆրո:

Այս մարդիկ իրենք չեն բողոքում և չեն հանդուրժում նվնվացողներին ու միշտ ամեն ինչից դժգոհներին։ Փաստն այն է, որ նրանք պարզապես ժամանակ չունեն հիմար դրամաների համար։ Բամբասանք, դատարկ խոսակցություն, անտեղի քննադատություն՝ այս ամենը նրանց համար ոչ այլ ինչ է, քան դատարկ աղմուկ: Նրանք խորապես համոզված են, որ խնդիրները պետք է լուծել, այլ ոչ թե ժամերով քննարկել, իսկ դժվարությունները հաղթահարել, այլ ոչ թե նվնվալ ու լացել։

Բնականաբար, ուրիշների դրամաների նկատմամբ նման անհանդուրժողականությունն ընկալվում է որպես կոպտություն և անզգամություն։ Չնայած իրականում այդ մարդիկ պարզապես չեն ընդունում կեղծ ու անպետք թատրոնը։

7. Անաչառ են

«Երբ դուք դատում եք մեկ այլ անձի, դա ձեզ է սահմանում, ոչ թե նրան»: – Ուեյն Դայեր

Այս մարդիկ գիտեն, որ ոչ ոք կատարյալ չէ (այդ թվում՝ իրենք), ուստի նրանք երբեք չեն դատում ուրիշներին և չեն հանդուրժում, երբ ինչ-որ մեկը դա անում է իրենց ներկայությամբ։ Դրա համար կա՛մ անմիջապես կոպտորեն կտրում են զրուցակցին, կա՛մ հեռանում։

8. Նրանք կարողանում են պաշտպանել իրենց

«Պաշտպանեք Ձեզ միշտ: Երբեք թույլ մի տվեք, որ որևէ մեկը վիրավորի կամ նվաստացնի ձեզ»: – Լայլա Գիֆթի Ակիտա

Այս մարդիկ միշտ օգտագործում են ամեն առիթ՝ նոր բան սովորելու համար, քանի որ հասկանում են, որ շատ բան չգիտեն։ Այդ իսկ պատճառով նրանք այդքան գնահատում և հարգում են ուրիշների կարծիքը։ Սակայն նրանք նաև գնահատում են իրենց տեսակետը։

Նրանք կպաշտպանեն իրենց համոզմունքները՝ նույնիսկ հասկանալով, որ դա վախեցնում և նյարդայնացնում է ուրիշներին: Ընդ որում, նման մարդիկ չեն բղավում, չեն անցնում անձնականին, պարզապես մեթոդաբար ու համբերատար փաստարկներ են ներկայացնում։ Իսկ ինչո՞ւ ոչ, եթե հաստատ գիտեն, որ ճիշտ են։

9. Խուսափում են դատարկ խոսակցություններից

«Իմաստուն մարդիկ խոսում են, որովհետև ասելիք ունեն։ Հիմարները, քանի որ նրանք պետք է ինչ-որ բան ասեն», – Պլատոն.

Եղանակի և ընդհանուր ծանոթուների մասին փոքր խոսակցությունները հաճախ միայն նյարդայնացնում են այս մարդկանց։ Նրանք կնախընտրեն մենակ նստել, քան իրենց կյանքի թանկագին ժամանակը վատնել նման դատարկ բաների վրա։

Ոչ, նրանք ոչ մի կերպ ճգնավոր չեն։ Ընդհակառակը! Նրանք պարզապես սիրում են խոսել իսկապես բովանդակալից և հետաքրքիր բաների մասին: Ուստի, եթե նրանք գիտեն, որ ինչ-որ ընկերական շրջապատում անհնար է խոսել ինչ-որ խորը և բովանդակալից բաների մասին, ապա նրանք պարզապես քաղաքավարի կերպով հրաժեշտ են տալիս և հեռանում։

10. Բարի են

«Մեր աշխարհում կա՞ ավելի մեծ իմաստություն, քան բարությունը»: – Ժան-Ժակ Ռուսո.

Այս մարդիկ կարող են լինել ամենաբարին, բայց դա չի նշանակում, որ բոլորի հետ և միշտ (հատկապես երբ պետք է ինչ-որ մեկին ճշմարտությունն ասել ուղիղ աչքերի մեջ): Ավելին, նրանք արտասովոր կարողություն ունեն բարություն դրսևորելու նույնիսկ նրանց հանդեպ, ովքեր վատ են վերաբերվում իրենց։ Սա հազվագյուտ հատկություն է, և շատերի համար այն կասկածելի և վախեցնող է:

***

Այսպիսով, հիմա դուք տեսնում եք, որ ուժեղ մարդիկ իսկապես կարող են վախեցնել, բայց միայն այն պատճառով, որ նրանք ավելի լավն են, ավելի ազնիվ, ավելի էֆեկտիվ և ավելի արդյունավետ, քան մյուսները: Այսպիսով, մի վախեցեք, այլ սովորեք նրանցից: Սովորեք պաշտպանել ձեր տեսակետը, սովորեք ասել ճշմարտությունը և սովորեք չվախենալ լինել այնպիսին, ինչպիսին կաք: