Արդեն երկար տարիներ գիտությունը փորձում է դուրս բերել մարդու գրավչության ունիվերսալ բանաձևը։ Վերջիվերջո հետազոտությունները ավարտվեցին ինչ-որ ընդհանուր եզրահանգումներով, քանի որ սեքսուալության համար պատասխանատու են բազմաթիվ պարամետրեր։ Սակայն շոտլանդացի գիտնականներին այնուամենայնիվ հաջողվեց հստակ որոշել, որ կնոջ սեքսուալ գրավչության համար պատասխանատու է այնպիսի կարևոր պարամետր, ինչպիսին է՝ մարմնի զանգվածի ինդեքսը (ՄԶԻ)։

Իսկ ի՞նչ է դա

ՄԶԻ բանաձևը օգտագործում են շատ վաղուց՝ մարդու զանգվածի և հասակի համապատասխանության աստիճանը որոշելու համար։ ՄԶԻ-ն հաշվելու համար, հարկավոր է զանգվածը կիլոգրամներով բաժանել մարդու հասակի վրա՝ քառակուսի բարձրացրած մետրերով (I=m/h²): Տղամարդկանց և կանանց համար գոյություն ունի այս պարամետրի սեփական նորմը։ Բայց վերընշված շոտլանդացի գիտնականները նշում են, որ առավել սեքսուալ կանայք համարվում են նրանք, ում մոտ այդ պարամետրը գտնվում են 22.8 — 24.8 միջակայքում։

Կարևոր պահ. այդ տվյալները ստանալու համար, հետազոտողները բացի հաշվարկներից կատարել են նաև որոշակի քանակով տղամարդկանց մոտ հարցումներ։ Եվ այստեղ մենք բախվում ենք հիմնական պրոբլեմի հետ՝ յուրաքանչյուր հարցվողի անձնական նախասիրությունները և նաև այնպիսի հասկացողություն, ինչպիսին է՝ նորաձևությունը։ Այսօր, շատ երկրներում,  կանացի գեղեցկության էտալոն է համարվում նիհար, համեմատաբար բարձրահասակ՝ 50 կգ-ից ցածր զանգված և 170սմ և բարձր հասակ ունեցող աղջիկը։

Մյուս կողմից, հաճախ տղամարդիկ կնոջը գնահատում են այնպիսի պարամետրով, ինչպիսին է ՝ կրծքի, մեջքի և կոնքերի ծավալը, հիմնականում այն պատճառով, որ այդ պարամետրերը պատասխան են տալիս կնոջ պոտենցյալ մայրանալու հնարավորության համար։ Բացի դրանից, պետք չէ մոռանալ, որ ամեն մի ազգ ունի գեղեցկության իր չափանիշները։ Եվ Չինաստանից սեքսուալ գրավիչ կինը ավելի քիչ գրավիչ կլինի, ենթադրենք, Հարավային Ամերիկայում, որտեղ գեղեցկության չափանիշները մի փոքր այլ են։

^{Աղբյուրը՝ menslife.com}