1. Դադարեք արտաժամյա աշխատել
Ձեր արդյունավետությունը մնում է բարձր մակարդակի վրա, եթե դուք շաբաթվա մեջ աշխատում եք 40 ժամ, ոչ ավել: Եթե ցանկանում եք բարելավել ձեր արտադրողականությունը` մի չարաշահեք աշխատանքի հետ, լավ քնեք: Ահա առաջին կանոնը:
2. Շատ հաճախ մի ասեք «այո»
Ելնելով Պարետո արդյունավետությունից` 20% ջանքը տալիս է 80% արդյունք, իսկ մնացած 20% արդյունքը կազմում է 80% ջանք: Կենտրոնացեք այն ջանքերի վրա, որոնք տալիս են 80% արդյունք և դադարեք ասել «այո» նրանց, որոնք արդյունք չեն տալիս: «Հաջողակ և առավել հաջողակ մարդկանց տարբերությունն այն է, որ առավել հաջողակները համարյա ամեն ինչին պատասխանում են «ոչ»,- ասել է Ուորրեն Բաֆֆեթը:
3. Դադարեք ամեն ինչ ինքնուրույն անել և թույլ տվեք, որ ուրիշները օգնեն ձեզ
Հիշեք, որ միշտ հնարավորություն կա օգնություն խնդրել, եթե դա անհրաժեշտ է: Անհնար է ամեն ինչ ինքնուրույն անել: Եթե որևէ մեկը կարող է օգնել ձեզ և անել այդ գործն ավելի լավ, ապա վստահեք այդ գործը նրան, դրա արդյունքում դուք նաև կունենաք ազատ ժամանակ` առավել կարևոր հարցերի վրա կենտրոնանալու համար:
4. Դադարեք լինել իդեալիստ
Ահա մի քանի խնդիրներ, որոնք առաջանում են իդեալիստ մարդկանց մոտ`
- Նրանք առաջադրանքին ավելի շատ ժամանակ են տրամադրում, քան տրված է:
- Նրանք սպասում են իդելական պահի, որպեսզի սկսեն: Սակայն բիզնեսում իդեալական պահը կարող է գալ այն ժամանակ, երբ դուք արդեն ամեն ինչ կորցրած կլինեք:
- Նրանք ընդհանուր պատկերին ուշադրություն չեն դարձնում և կենտրոնանում են մանրուքների վրա:
Հիշեք, որ իդեալական պահը հենց հիմա է:
5. Մի պահ գործերից կտրվեք և ոչինչ մի արեք
Շատ կարևոր է երբեմն ամեն ինչից կտրվել և մի փոքր զբոսնել ու մնալ մենակ: Որոշ ուսումնասիրություններ ցույց են տալիս, որ մենակության որոշ չափաբաժինը մարդկանց դարձնում է առավել ընկալունակ և նրանք առավել արդյունավետ են աշխատում:
