Միյամոտո Մուսաշին ճապոնացի ռոնին է և ճապոնական պատմության ամենահայտնի սուսերամարտիկներից մեկը: Ժամանակակից աշխարհում նա հայտնի է նաև իր «Հինգ օղակների գիրքը» աշխատությամբ։ Ռազմական ռազմավարության և փիլիսոփայության այս աշխատությունը դեռ տպագրվում է ամբողջ աշխարհում: Օրինակ, Honda Motor-ի հիմնադիր Սոիչիրո Հոնդան այս գիրքը համարում էր իր կյանքի ուղեցույցը:
Մուսաշին գրել է. «Եթե դուք հասկանաք իմ ռազմավարությունը, ձեզ համար անհասկանալի ոչինչ չի լինի… Դուք ամեն ինչի մեջ կտեսնեք ճանապարհը»: Նա իր կյանքով հաստատեց այս թեզը։ Նրա համար անհնարին ոչինչ չկար, ինչ էլ որ ձեռնարկեր, հաջողվում էր։
Մուսաշին դարձավ միանգամից մի քանի արվեստների և արհեստների վարպետ։ Բացի մարտարվեստում իր հմտությունները հղկելուց, նա ստեղծել է նկարներ, եղել է հմուտ գեղագիր, քանդակագործ, մետաղի փորագրիչ… Ասում են՝ գրել է նաև բանաստեղծություններ, երգեր, բայց դրանք չեն պահպանվել մինչև մեր օրեր։ Ինչպե՞ս է նա դա արել: Գաղտնիքը նրա ռազմավարության մեջ է:
Այս հոդվածում մենք կխոսենք յոթ մարտական հնարքների մասին, որոնք Մուսաշին շարադրել է իր հիմնական՝ «Հինգ օղակների գիրքը» աշխատության մեջ։ Այս հնարքները նրա անսովոր ռազմավարության մի փոքր մասն է միայն:
Չմոռանաք բաժանորդագրվել մեր Telegram ալիքին:
Հնարք 1. «Փոփոխություններ՝ լեռ և ծով»
Նույն հնարքը կրկնելը վնասակար է։ Երբեմն ստիպված ես լինում ինչ-որ բան կրկնել երկրորդ անգամ, բայց դա անել երրորդ անգամ՝ չի կարելի: Փորձեք ինչ-որ նոր բան և զարմացրեք ձեր հակառակորդին: Եթե դա չի աշխատում, նորից փորձեք ինչ-որ նոր բան: Այսպիսով, երբ հակառակորդը լեռներ է ակնկալում, նրան տվեք ծով, իսկ երբ ծովեր՝ առաջ մղեք սարերը։
Հնարք 2. «Դառնալ հակառակորդ»
Դառնալ հակառակորդ նշանակում է պատկերացնել, որ քո մարմինը հակառակորդ է դարձել: Եթե դու քեզ դնես հակառակորդի տեղը, կտեսնես, թե նա ինչ է զգում։ Սա խորը իմաստ է պարունակում։
Հնարք 3. «Թարմացում»
Թարմացումը կիրառվում է, երբ դուք հայտնվում եք փակուղում: Եթե դուք խճճվել եք հաշվարկներում («ոգով») և չեք կարողանում որոշում կայացնել, դեն նետեք ձեր սկզբնական պլանը, տրամադրեք ձեզ նոր բան սկսելու և, գտնելով այս ռիթմը, կարող եք գտնել հաղթելու միջոց:
Հնարք 4. «Առնետի գլուխ և ցլի վիզ»
Այս մեթոդը վերաբերում է այն դեպքին, երբ դուք մեծ ուշադրություն եք դարձնում փոքր մանրուքներին և հայտնվում եք բարդ իրավիճակում։ Նման իրավիճակում անհրաժեշտ է անմիջապես մի կողմ թողել սևեռումը փոքրի վրա և անմիջապես անցնել մեծին: Սա կլինի ձեր առավելությունը:
Հնարք 5. «Նպաստավոր դիրքի իմացություն»
Դուք պետք է իմանաք թշնամու վերելքի և անկման ժամանակը, նրանց միջև ընկած ընդմիջումների ռիթմը, տեսնեք նրա մարդկային գծերը, թույլ և ուժեղ կողմերը: Որքան մեծ է ձեր մտքի ուժը, այնքան ավելի լավ կտեսնեք ամեն ինչի բարենպաստ վիճակը:
Կարդացեք նաև՝ 400 տարի առաջ գրված ճապոնական սամուրայի 20 կանոն, որոնք կփոխեն ձեր կյանքը
Հնարք 6. «Պահել գլխավերևում»
Երբ թշնամին քո դեմ հնարք է կիրառում, դու պետք է նրան թողնես այն, ինչը կարևոր չէ և հետ պահես նրանից, ինչը կարող է քեզ վնաս պատճառել, քանի որ հատկապես կարևոր է թշնամուն հնարավորություն չտալ քեզ վերահսկել։ Հարկավոր է զսպել թշնամու հարվածը նույնիսկ նախքան ձեր գիտակցության մեջ «հարված» բառից «հ» ձայնը առաջանալը. սա է «գլխավերևում պահելու» իմաստը:
Հնարք 7. «Հետևելով ուղու ռիթմին»
Ամենուր ռիթմ է: Յուրաքանչյուր ճանապարհի ռիթմ ունի իր տարբերությունները: Կա ծառայության ռիթմ և անհաջողության ռիթմ, պարտականությունների կատարման և չկատարման ռիթմ: Պետք չէ մոռանալ բոլոր արվեստների ու արհեստների ռիթմի մասին։ Ռիթմ կա նաև անտեսանելիի մեջ (դատարկություն): Կա հարստացման ռիթմ և աղքատացման ռիթմ: Պետք է լավ հասկանալ և տարբերել ծաղկման և թոշնելու ռիթմը: Առաջին հերթին պետք է պարզել համապատասխան ռիթմը և մեկուսացնել դրան հակառակ գնացողը։ Առանց դեն նետելու այս հակասական ռիթմը, դուք երբեք կատարյալ չեք դառնա ճանապարհին:
Գրանցվիր մեր 
