fbpx

Կարման աշխատում է: Ահա դրա ապացույցներից մեկը: Իրական պատմություն

Դա տեղի է ունեցել 1994 թվականի գարնանը։ Ռոնալդ Օփուս անունով երիտասարդ ամերիկացին որոշեց ինքնասպան լինել։ Ինքնասպանության գրառման մեջ գրված էր, որ ինքը՝ Ռոնալդը, այս քայլին է գնացել ֆինանսական դժվարությունների և ծնողների կողմից անհասկացված լինելու պատճառով (նրան ֆինանսապես օգնել չցանկանալու)։ Այս հաղորդագրությունը գրելուց հետո միստր Օփուսը բարձրացավ պատուհանագոգին և իրեն ցած նետեց իններորդ հարկից։

Դժվար թե նա դա աներ, եթե իմանար, որ այդ օրը շենքում աշխատող պատուհան մաքրողները յոթերորդ հարկի մակարդակով անվտանգության ցանց են քաշել։ Այսպիսով, երկու հարկ թռչելով, Օփուսը պարզապես կընկներ զսպանակող ցանցի վրա՝ թաց շալվարով բայց կենդանի։ Բայց այստեղ միջամտեց ուղղակի ֆանտաստիկ պատահարը:

Երբ Ռոնալդը թռչում էր (!) ութերորդ հարկով, պատուհանից որսորդական հրացանից արձակված գնդակը դիպավ նրա գլխին: Մինչ ոստիկանությունը պարզում էր գրեթե ամբողջությամբ ցաքուցրիվ եղած գլխով հանգուցյալի ինքնությունը, դետեկտիվները որոշեցին, որ կրակողը պետք է մեղադրվի ոչ միտումնավոր սպանության մեջ: Ի վերջո, եթե չլիներ կրակոցը, Ռոնալդ Օփուսը ողջ կմնար՝ ընկնելով ցանցի վրա։

Հետագա քննությունը նոր փաստեր բացահայտեց։ Պարզվեց, որ 8-րդ հարկում գտնվող ծերունին կրակել է կնոջ վրա, սակայն վրիպել է, իսկ գնդակն անցել է պատուհանով: Նշանակում է, մտածեցին դետեկտիվները, անհրաժեշտ է ուղղել մեղադրանքը՝  չկանխամտածված սպանությանը ավելացնել սպանության (կնոջ) փորձը։ Կնոջ հետ զայրույթի և վիճաբանության պահերին նա միշտ պատից վերցնում էր չլիցքավորված որսորդական հրացանը և ձգանի սեղմումով վախեցնում կնոջը։ Դա նման էր ընտանեկան ծեսի։ Երկու ամուսինների խոսքով՝ որսորդական հրացանը միշտ կախված է եղել պատից և երբեք ոչ ոք այն չի լիցքավորել։

Կարդացեք նաև՝ Փրկել է 20 մարդու՝ խաչ քաշելով կարիերայի վրա. Շավարշ Կարապետյանի մասին պատմությունը պետք է իմանան մեր սերունդները

Այսպիսով, ամերիկյան օրենսդրության համաձայն, չկանխամտածված սպանության մեղադրանքն այժմ դրված է այն անձի վրա, ով գաղտնի լիցքավորել է որսորդական հրացանը: Բայց ո՞վ: Պարզելով, որ միայն իրենց որդին կարող է ազատորեն մտնել քմահաճ ամուսինների սենյակ, ոստիկանության քննիչները կապվում են նրա ընկերոջ հետ և շատ հետաքրքիր բաներ պարզում։

Իմանալով, որ հայրը հաճախ է սպառնում մորը պատից կախված զենքով, որդին թաքուն լիցքավորել է այն՝ հուսալով, որ առաջին  իսկ վեճի դեպքում հայրը կկրակի մորը և ինքն էլ կգնա բանտ։ Սակայն վերջին մի քանի շաբաթները զույգը զարմանալիորեն խաղաղ էր ապրում, ինչն անասելի վրդովմունք էր պատճառել ձախողված վրիժառուին։

Ո՞ւր է նա, այդ սրիկան։ – Ինչպե՞ս որտեղ, – զարմացավ ծերունին: -Տղաս ապրում է մեկ հարկ վերև…

Այո, փնտրվող որդին պարզվեց, որ … Ռոնալդ Օփուսն է: Հենց նա է լիցքավորել որսորդական հրացանը, և երբ վրեժը ձախողվել է, հուսահատ իրեն նետել է պատուհանից։ Եվ նա գնդակահարվել է իր իսկ կողմից լիցքավորված հրացանից՝ իր իսկ հոր կողմից։

Չնայած այս ամբողջ պատմությունը հորինվածք է թվում, այն փաստագրված իրողություն է: Մի խաղացեք կարմայի հետ: Այս հասկացությունն այս կամ այն ​​ձևով ներկայացված է բոլոր կրոնական և փիլիսոփայական ուղղություններում։ Դեռ հին ժամանակներում գիտեին՝ ով սրով գա, սրով էլ կմահանա։


🎥 Նոր տեսանյութ.

telegramԳրանցվիր մեր Telegram ալիքին։ Ուղարկում ենք միայն թարմ հոդվածները և ամենաառաջինը հենց Ձեզ:

Գնահատեք հոդվածը
( 16 assessment, среднее 4.38 из 5 )
MediaMag
Կարման աշխատում է: Ահա դրա ապացույցներից մեկը: Իրական պատմություն
5 բան կանանց մեջ, որ վանում են տղամարդկանց