fbpx
Գլխավոր ՇՓՈՒՄ ԳԵՂԵՑԻԿԻ ՀԵՏ ՀԱՅԱՍՏԱՆ Պատերազմը ավարտված չէ: Այն թեժ փուլում է և ընթանում են դաժան...

Պատերազմը ավարտված չէ: Այն թեժ փուլում է և ընթանում են դաժան մարտեր

Մենք ամեն տեղ, առիթ եղած ժամանակ հպարտությամբ բարձրաձայնում ենք, որ մենք պատերազմում հաղթած ժողովուրդ ենք, որ հաղթել ենք Ադրբեջանին: Իսկ Դուք գիտե՞ք, որ պատերազմը ավարտված չէ, այլ ընդհակառակը այն գտնվում է թեժ փուլում և ընթանում են դաժան մարտեր: Ուղակի ժամանակներն են փոխվել և պատերազմի բնույթն է փոխվել: Այժմ ինֆորմացիոն՝ տեղեկատվական պատերազմի դարաշրջան է և մենք գտնվում ենք այդպիսի շատ դաժան  մի պատերազմում: Եվ ցավով պետք է նշեմ, որ մենք առայժմ անընդհատ պարտվում ենք:

Մի քանի օր առաջ նայում էի National Geographic-ի History հեռուստաալիքը, որը ինձ համար երևի ամենալավագույն հեռուստաալիքներից մեկն է: Եվ հանկարծ հաղորդման արանքում անոնսի տեսքով մտնում է մի տեսանյութ՝ “Ադրբեջան՝ հինավուրց գույների երկիր” անվանմամբ և ցուցադրվում են հայկական, արաբական և պարսկական զարթանախշերով կարպետներ: Բայց ինձ հունից չհանեց այդքան կարպետները, որքան “հինավուրց” բառը: Դուք հասկանու՞մ եք դա ինչ է նշանակում: Նրանք շատ գրագետ կերպով, ամեն հնարքով և պարտադրաբար աշխարհի գլուխը մտցնում են, որ իբր իրենք այս տարածքում էթնոս են: Իսկ աշխարհն էլ հավատում է: Եվ նրանք գործում են ոչ միայն աշխարհահռչակ հեռուստաալիքների միջոցով, այլ նաև ինտերնետում և ամեն տեղ, որտեղ դա հնարավոր է:

Եվ այս ամենում ես չեմ գտնում National Geographic հեռուստաալիքի մեղքը: Նրանց մեղքը այստեղ ամենևին չկա: Այստեղ մեղավորը միմիայն մենք ենք և էլ ոչ մեկ: Նրանք հարձակվում են մեզ վրա ծանր հրետանիյով իսկ մենք լուռ թաքնվում ենք խրամատներում, կամ լավագույն դեպքում պաշտպանվում, այն էլ ատրճանակներով: Հրետանու դեմ դուրս գալ ատրճանակո՞վ՝ ծիծաղելի է:

Եվ ես չեմ կարում ոչ մի կերպ հասկանալ մեր իշխանությունների դիրքը այս հարցում: Ի՞նչ են ախր նրանք մտածում:

Ես գիտեմ, որ հիմա շատերիդ մտքով անցավ այն, որ նրանք նավթի հաշվին ունեն լավ փողեր և ունակ են մեծ փողեր ներդնել այս գործում, իսկ մենք աղքատ ենք:

Ամենևին, կասեմ ես: Փոխանակ հրապարակներում ճոխ միլիարդանոց համերգներ կազմակերպելը փորձեք այդ ռեսուրսները ուղել այս գործին: Ֆինանսավորեք պայծառ ուղեղներին, որ վերջապես նրանք էլ կարողանան և ցանկանան շարժվել: Եվ ի վերջո հազար ու մի այլ մեթոդներ կան, որոնց մասին ես չպետք է որ խոսեմ, այլ համապատասխան մասնագետները:

Մի խոսքով մտահոգիչ է մեր անընդհատ պարտությունների շարքը այս պատերազմում: Ու պետք չէ մատների արանքով նայել ու քմծիծաղով մոտենալ տեղեկատվական պատերազմին: Սա խաղ չէ հարգելիներս, սա շատ լուրջ է և որի արդյունքում մենք կարող ենք շատ բաներ կորցնել:

Խնդրում եմ, սթափվի՛ր հայ ազգ:

կարդացեք նաև

Կենդանակերպի ամենաէգոիստ նշանները

Ահա հենց այստեղ էլ կիմանանք ճշմարտությունը․․․ Խոյ Խոյերն էգոիզմի արքաներն են: Նրանք ամեն հարցում իրենց շահն են փնտրում: Սա չի նշանակում, որ նրանք լիովին չարամիտ մարդիկ...

ԹԵՍՏ․ Դուք բազմագիտակ չեք, եթե չպատասխանեք թեստի թեկուզ 7/10 հարցերին

Սիրելի գիտակներ ահա ևս մեկ թեստ, որ կազմել ենք հատուկ Ձեզ համար: Ձեր թանկարժեք ժամանակից տրամադրեք 1-2 րոպե և փորձեք անցնել տարբեր ոլորտներին վերաբերող...

Նույնիսկ ամենաուժեղ մարդը հոգնում է ուժեղ լինելուց և ընդմիջման կարիք ունի

Նույնիսկ առավել համառ մարդը հոգնում է ուժեղ լինելուց, քանի որ այդ ուժը նրան չի տրվել ի ծնե: Նա սովորել է այսպիսին լինել, բախվելով բազմաթիվ...

ԹԵՍՏ․ Եթե պատասխանեք այս բոլոր հարցերին, ապա դուք իսկապես բազմագիտակ մարդ եք

Իսկ դուք կկարողանա՞ք պատասխանել բոլոր հարցերին․ *ՈւՇԱԴՐՈՒԹՅՈՒՆ․ թեստում առկա է մեկ սխալ՝ «Էթիլային սպիրտի ֆորմուլա» - ճիշտ տարբերակն է՝ «Էթիլ սպիրտի բանաձև»: Աղբյուրը՝ entertrain.1in.am Գրանցվիր մեր Telegram ալիքին։ Ուղարկում...

Տղամարդիկ խոստովանել են, թե կանանց մեջ ինչն է նրանց անմիջապես գրավում

12 տղամարդ կիսվել են, թե կոնկրետ կնոջ մեջ ինչն է նրանց գրավել: 1. «Նրա տեսքը և ժպիտը: Պարզապես այն, թե ինչպիսի տեսք ուներ նա երկար ամառային...