Պլաստիկը սկսել է օգտագործվել դեղահաբեր պահելու համար Երկրորդ համաշխարհային պատերազմից հետո, սակայն դեղերի ժամանակակից պլաստիկ շշերն ու բանկաները, ինչպիսին մենք գիտենք այսօր, իրենց բնորոշ նարնջագույն երանգով (տեխնիկապես կոչվում է սաթագույն) և սպիտակ կափարիչներով, հայտնվել են միայն 1968 թվականից հետո: Ջենիֆեր Բուրժուան, դեղագործ և առողջության փորձագետ  է SingleCare Pharmacy ընկերությունից: Նա կիսվել է որոշ հետաքրքիր փաստերով դեղերի այժմ տարածված փաթեթավորման մասին:

Չմոռանաք բաժանորդագրվել մեր Telegram ալիքին:

Ժամանակակից փաթեթավորման համակարգերը կարող են պարունակել տարրեր, որոնք վերահսկում են դեղամիջոցի պահպանման պայմանները (օրինակ՝ ջերմաստիճանը և խոնավությունը): Նման «ակտիվ» փաթեթավորումն օգնում է երկարացնել պահպանման ժամկետը և պահպանել դեղամիջոցների արդյունավետությունը:

Ինչպե՞ս են փաթեթավորվում դեղերը

Դեղերի տարաների սաթագույնը էսթետիկայի համար չէ։

1. «Դեղատոմսով դուրս գրվող դեղահաբերի շշերը վառ նարնջագույն են մի քանի կարևոր պատճառներով»,- ասում է Ջենիֆեր Բուրժուան։
2. «Կարևոր է դեղամիջոցները պաշտպանել լույսից, քանի որ ուլտրամանուշակագույն լույսի ազդեցությունը կարող է հանգեցնել դրանց անպիտանելիության կամ պակաս արդյունավետության», – բացատրում է փորձագետը:
3. Այսպիսով, նարնջագույն գույնը օգնում է ցրել ուլտրամանուշակագույն լույսը. նման փաթեթավորումը հարմար է գրեթե բոլոր տեսակի դեղամիջոցների համար՝ սկսած հակադեպրեսանտներից և հակաբիոտիկներից մինչև ցավազրկողներ և քնաբերներ:

Միևնույն ժամանակ, բոլոր ուլտրամանուշակագույն ճառագայթները արգելափակելու համար բանկաները կարելի է ամբողջովին անթափանց դարձնել (և այդ պատճառով շատ դեղամիջոցներ մատակարարվում են այս ձևով): Այնուամենայնիվ, դա կարող է դժվարացնել դրանց օգտագործումը: Այդ պատճառով, որոշ երկրների դեղատներում մասնագետները կարող են դեղերը տեղափոխել թափանցիկ սաթագույն տարաների մեջ, որպեսզի հիվանդը կարողանա տեսնել դեղը ներսում:

Անվտանգության և շուկայավարման տեսանկյունից, դեղահաբերի շշերը մեկ եզակի գույնի դարձնելը խելացի քայլ է: «Նարնջագույն շշերը դարձել են միջազգային ստանդարտ պրակտիկա: Երբ ինչ-որ մեկը տեսնում է նման շիշ, մարդիկ այն կապում են դեղամիջոցի հետ և հասկանում, որ այդ իրը պետք է զգուշությամբ օգտագործել»,- ասում են մասնագետները։

Ձեզ կարող է հետաքրքրել՝ Ինչո՞ւ են վիրաբույժները միշտ կանաչ համազգեստ կրում

Դեղահաբերի փաթեթավորման առանձնահատկությունները

Նաև դեղորայքը վառ գույնի բանկաների մեջ փաթեթավորելը երեխաներին պաշտպանելու նախազգուշական միջոց է: Ավելին, նման շշերն ունեն բացման հատուկ համակարգ, որպեսզի նույնիսկ եթե երեխան հասնի վտանգավոր դեղամիջոցին, ոչ ոք չտուժի։

1. Այս բացման համակարգը հորինել է Անրի Բրաուլտը, մանկաբույժ, ով 1960-ականների սկզբին սկսեց իրազեկման արշավ՝ նվազեցնելու երեխաների պատահական թունավորումները:
2. Այնուամենայնիվ, հանրային իրազեկման արշավը քիչ ազդեցություն ունեցավ, ուստի 1967-ին նա համագործակցեց ինժեների հետ՝ ստեղծելով սաթագույն տարաների համար նախատեսված երեխաներից պաշտպանությամբ առաջին կափարիչը:
3. Սա ոգեշնչեց ԱՄՆ իշխանություններին 1970 թվականին ընդունել «Թունավորումից կանխարգելման փաթեթավորման մասին» օրենքը, որը պահանջում էր հատուկ փակման միջոցներ. այդ ժամանակվանից մինչև հինգ տարեկան երեխաների շրջանում դեղերից պատահական թունավորումից մահացության մակարդակը նվազել է ավելի քան 80 տոկոսով:

Հաբերի որոշ փաթեթներ ստեղծված են մարքեթինգային տեսանկյունից՝ օգնելու հիվանդներին բարձրացնել ապրանքանիշի ճանաչելիությունը: Մյուսները հատուկ նախագծված են դեղամիջոցները պաշտպանելու համար, օրինակ՝ դեղամիջոցները, որոնք պետք է հեռու պահել արևի լույսից: Օրինակ՝ հակաբիոտիկների որոշ տեսակներ, հաճախ վաճառվում են ամբողջովին անթափանց շշերի մեջ: Բայց սաթագույնը այսօր ամենաօգտագործվողն է, քանի որ այն համարվում է ստանդարտ: