Չնայած ինքնաընդունման կոչերին, հասարակությանը մինչ հիմա տանջում է այն հարցը, թե դեմքի ո՞ր գծերն են առավել գրավիչ համարում տղամարդիկ:
Չմոռանաք բաժանորդագրվել մեր Telegram ալիքին:
Մադրիդի Ինքնավար Համալսարանի գիտնականները հետազոտություն են անցկացրել. 266 կին ուսանողներ գնահատել են իրենց գրավչությունը, որից հետո 44 հետերոսեքսուալ տղամարդիկ գնահատել են նրանց սև և սպիտակ լուսանկարները դեմքի չեզոք արտահայտությամբ:
Հիմնական չափանիշներն են համաչափությունը, բնորոշ տեսքը, տարիքը։
«Դեմքի համաչափությունը կարևոր հատկանիշ է, որը որոշում է գրավչությունը, երբ այն ընկալվում է հենց կանանց կողմից կամ գնահատվում է տղամարդկանց կողմից: Բացի այդ, տղամարդիկ հատկապես գրավիչ են համարում երիտասարդ դեմքի դիմագծերով կանանց», – բացատրում է դոկտոր Էնրիկե Տուրիեգանոն:
Կանայք, սակայն, ըստ հետազոտողների, ավելի շատ են գնահատել կանացիությունը։ Այսինքն՝ ինքնաընկալման մեջ շեշտադրումը տեղաշարժվում է։
Տղամարդիկ նախընտրում էին հենց «միջին» արտաքինը, որը հակասում է իդեալի մասին տարածված պատկերացումներին։ Զգալի դեր է խաղացել նաև երիտասարդությունը։ Էվոլյուցիոն համատեքստում դա կարելի է բացատրել. երիտասարդ դեմքը առողջության և պտղաբերության նշան է:
Կարդացեք նաև՝ Ինչպիսին է իդեալական կինը տղամարդու աչքերում
Կենսաբանական տրամաբանություն է նկատվում նաև ցանկալի կազմվածքում․
«Գոտկատեղի շրջագիծը, որը կազմում է ազդրի շրջագծի 70%-ը, բնազդաբար ասում է տղամարդկանց, որ կինը առողջ է և ունակ է բեղմնավորման», – ասվում է 2024 թվականի ուսումնասիրության մեջ:
Տղամարդիկ փնտրում են ոչ միայն գեղեցիկ կազմվածք, այլ նաև պոտենցիալ առողջ և գենետիկորեն բազմազան զուգընկեր: Միջին տեսքը կապված է «բարձր հետերոզիգոտության» հետ, ինչը նշանակում է գենետիկ խանգարումների ավելի ցածր ռիսկ:
Գրանցվիր մեր 
