Երազը՝ զարմանալի երևույթ է, որը մինչև վերջ ուսումնասիրված չէ նույնիսկ ժամանակակից գիտության կողմից: Հին ժամանակներից երազներին վերագրվել է յուրահատուկ, հոգևոր նշանակություն: Համարվում էր, որ երազներում խորհրդանիշերի տեսքով կարող է «կոդավորված» լինել կարևոր իրադարձություններ մարդու անցյալից, ներկայից և ապագայից: Երազների մեկնությամբ զբաղված էին քրմերը կամ իմաստունները: Ի դեպ, առաջին երազահանը ի հայտ է եկել դեռևս Հին Եգիպտոսում, մոտ 4000 տարի առաջ:
Եվ այսպես, ո՞ր տարածված երազներն են կանխատեսում Ձեզ համար հաջողություն և հարստություն:
Թռիչք
Երազում թռիչքը ամենաբարենպաստ խորհրդանիշերից է: Սովորաբար արթնանալով այդպիսի երազից հետո՝ մարդը իրեն ուժեղ և ոգեշնչված է զգում: Եվ ոչ իզուր, որովհետև թռիչքը կանխատեսում է ոչ միայն նյութական հաջողություն, այլ նաև հաջողություն մնացած բոլոր ոլորտներում, ներառյալ անձնական երջանկությունը:
Պար
Երազում այս խորհրդանիշը կանխատեսում է հաջողություն յուրաքանչյուր գործում և նախաձեռնություններում: Պար զույգով՝ ռոմանտիկ հարաբերություններ: Եթե պարում են ծեր մարդիկ՝ Ձեզ սպասում է լուրջ առաջընթաց կարիերայի աստիճաններով:
Վանք
Երազում վանք տեսնելը ընդհանուր առմամբ լավ նախանշան է: Իսկ եթե դուք գտնվում եք վանքի ներսում և տեսնում եք խորանը՝ տարին Ձեզ խոստանում է հաջողություններ ֆինանսական առումով:
Հղի կին
Հղի կինը երազում՝ նշանակում է անսպասելի և խոշոր հաջողություն: Ստեղծագործ մարդականց համար այդպիսի երազը կարող է նշանակել համաձակ պլանների և նախագծերի շուտափույթ իրագործում:
Դագաղ
Որքան էլ որ սարսափեցնող թվա այս խորհրդանիշը՝ դրա նշանակությունն երազում բոլորովին հակառակն է և դրական: Մարդուն դագաղում տեսնելը նշանակում է, որ նրան դեռ սպասվում է երկարտև լիարժեք և առողջ կյանք: Իսկ հենց դագաղը նշանակում է, որ շատ շուտով կհեռանան բոլոր պրոբլեմներն ու տագնապները, իսկ կյանքը կդառնա առավել հանգիստ և հավասարակշռված:
Գրանցվիր մեր 
