fbpx
Գլխավոր ԻՄ ՍՏԵՂԾԱԾԸ ԽԱՌԸ ՄՏՔԵՐ Հենց դա է երջանկությունը

Հենց դա է երջանկությունը

Մի փոքրիկ անձնական գաղտնիք եմ ուզում բացահայտել:

Երբ ես փոքր էի, մոտավորապես 10-12 տարեկան, չգիտես թե որտեղից ինձ մոտ մի միտք եկավ, որը համոզում էր ինձ, որ ամեն մարդ այս կյանք գալիս է ինչ որ առաքելությամբ: Ու այդպես ինձ մոտ ձևավորվեց մի համոզմունք, որի համաձայն, իբր ես այս կյանք եմ եկել ինչ որ լուրջ առաքելություն կատարելու համար: Ու դա ինձ համար շատ լուրջ էր: Ես ամեն վայրկյան, ամեն րոպե սպասում էի այդ առաքելությանս: Բայց, երբ անցա 25 տարիս ու երբ հասկացա, որ ես յուրահատուկ չեմ և ոչ մի լուրջ առաքելություն տրված չէ ինձ՝ դա ծանր հարված էր ինձ համար: Այն ժամանակ գոնե տեսնում էի կյանքիս իմաստը այդ առաքելության մեջ, բայց երբ հասկացա, որ չկա ոչ մի առաքելություն՝ կյանքը կորցրեց իր բոլոր իմաստները:

Հետո ես գտա մի նոր իմաստ ու մինչ այժմ համոզված եմ դրա ճշմարտացիության մեջ: Ես հասկացա, որ մարդու ամբողջ առաքելությունը այս կյանքում դա սերունդ տալն է, ինչպես Աստվածաշնչում է գրված. “Եվ Աստված տեսավ, որ բարի է, և Աստված ասաց՝ աճեցեք և բազմացեք”: Ես հասկացա, որ մարդ արարածի ամբողջ երջանկությունը թաքնված է իր իսկ ընտանիքում: Ավելի պարզ ասած, եթե ուզում ես երջանիկ լինել՝ ստեղծի՛ր քո ընտանիքը, բազմացի՛ր և հենց քո երեխաները կլինեն քո երջանկությունը և այդժամ դու իրոք կիմանաս ինչ բան է երջանկությունը և այդ երջանկությունդ կլինեն երեխաներդ: Եվ կյանքդ ձեռք կբերի նպատակ՝ իրական նպատակ:

Բայց տարիներն անցնում են: Մարդիկ ամուսնանում են, երեխաներ են ունենում: Դա սովորական կյանքի ընթացք է բոլոր մարդկանց համար: Այո, բոլոր մարդկանց, բայց ոչ իմ: Իմ մոտ ամեն ինչ բարդ է: Այն ինչ համարյա բոլոր մարդկանց համար սովորական է, ինձ մոտ այն  բարդանում և դառնում է անլուծելի մի խնդիր:

Ինչևէ, տարիներս անցնում են: Ու ինչքան անցնում են, այնքան իմ երջանկության հնարավորությունն է փոքրանում:

Երկար, բարակ ասածիս իմաստը ի՞նչն է. մարդիկ ունենալով իրենց մոտ իրական երջանկություն, ընկնում են կեղծ երջանկության հետևից և արդյունքում կորցնում իրական երջանկությունը ևս: Եվ նրանք այդպես էլ չեն հասկանում, որ նրանք եղել են իսկապես երջանիկ, որ նրանք եղել են աշխարհի ամենաերջանիկ մարդը:

Զուր մի փնտրեք ինչ որ կեղծ երջանկություն այն ժամանակ, երբ ձեր բալիկը նստած Ձեր առջև իր խաղն է խաղում: Հասկացե՛ք՝ նա է հենց երջանկությունը:

Նախորդ հոդվածըՔիմիան՝ հայերի գիտություն
Հաջորդ հոդվածըԱրդյո՞ք դու կաս

կարդացեք նաև

ԹԵՍՏ․ Հիշո՞ւմ եք օ-ո -ի ուղղագրությունը

Հիշո՞ւմ եք օ-ո -ի ուղղագրությունը: Կետերի փոխարեն պետք է լինի Օ՞ թե՞ Ո: Ստուգեք մեր այս թեստի օգնությամբ: Վերջում չմոռանաք սոցիալական ցանցերում արդյունքներով կիսվել Ձեր...

ԹԵՍՏ․ Բազմագիտակության թեստ բոլոր նրանց համար, ովքեր վստահ են իրենց գիտելիքների որակի վրա

Իսկ ո՞վ է մեր ամենագետը: Ուզո՞ւմ եք ևս մեկ անգամ համոզվել, որ ունեք հրաշալի գիտելիքներ: Ուրեմն ահա Ձեզ ընդհանուր գիտելիքների ևս մեկ հետաքրքրաշարժ թեստ:...

ԹԵՍՏ․ Հայերեն ուղղագրություն: Ինչպե՞ս է ճիշտ գրվում այս կամ այն բառը

Կարո՞ղ եք անսխալ անցնել ընդամենը 7 հարցից բաղկացած հայերենի ուղղագրության մեր այս թեստը: Փորձեք Ձեր գիտելիքները: Վերջում չմոռանաք սոցիալական ցանցերում արդյունքներով կիսվել Ձեր ընկերների հետ: Հրապարակման...

Տրամադրությանդ բանալին քեզ մոտ պահիր և ոչ մեկին մի տուր

Մենք բոլորս օրվա ընթացքում ունենում ենք տրամադրության անկումներ այն էլ բազմաթիվ: Իսկ ինչո՞ւ, ի՞նչն է պատաճառը մեր տրամադրության փոփոխության: Մենք երբեք չենք մտածում այդ մասին:...

Լևոն Արոնյանի ընտրյալը հրապարակել է իրենց համբույրի լուսանկարը

Անիտա Այվազյանը, ով գրոսմայստեր Լևոն Արոնյանի ընտրյալն է, նոր լուսանկար է հրապարակել սիրելիի հետ։ Գրանցվիր մեր Telegram ալիքին։ Ուղարկում ենք միայն թարմ հոդվածները և ամենաառաջինը...