fbpx
Գլխավոր ՇՓՈՒՄ ԳԵՂԵՑԻԿԻ ՀԵՏ ԱՌԱՍՊԵԼ ԵՎ ԱՌԱԿ Անտառային արտույտը. ըստ Լեոնարդո դա Վինչիի

Անտառային արտույտը. ըստ Լեոնարդո դա Վինչիի

Խուլ անտառում ապրում էր մի տարեց ճգնավոր: Նա սիրում էր լռությունն ու մենությունը և բարեկամացել էր անտառային արտույտի հետ: Մի անգամ նրա մոտ եկան հարևան դղյակից երկու հոգի և խնդրեցին օգնություն ցույց տալ իրենց հիվանդացած տիրոջը, ով, չնայած բժիշկների ջանքերին, օր օրի հետ ավելի ու ավելի էր տկարանում:

Իր ընկեր արտույտի ուղեկցությամբ, ծերունին անմիջապես ճանապարհ ընկավ, և շուտով նրան ամրոց բերեցին:

Հիվանդի գլխավերևում չորս բժիշկ էին հավաքված: Նրանք անշտապ զրույցի էին բռնված և մերթ ընդ մերթ գլուխներն էին տարուբերում:

– Այլևս ոչնչով օգնել հնարավոր չէ, – ցածրաձայն ասաց նրանցից մեկը, տեսքից՝ ամենակարևորը:

Իսկ ճգնավորը, ով կանգ էր առել շեմին, աչքը չէր կտրում իր փետրավոր ընկերոջից: Արտույտը մի քանի շրջան կատարեց առաստաղի տակ, իսկ հետո նստեց բարձր պատուհանագոգի վրա և աչքերը սևեռած նայեց հիվանդի վրա:

– Կառողջանա, – հաստատողական ասաց ծերունին, հետևելով թռչունին:

– Ինչպե՞ս կարող է այս անգրագետը իր քիթը խոթել ուրիշի գործերի մեջ, – միահամուռ բացականչեցին բորբոքված բժիշկները:

Իսկ մահացողն այդ ընթացքում բաց արեց աչքերը և տեսնելով իր աչքի առաջ, պատուհանագոգին նստած թռչունին, փորձեց ժպտալ:

Նրա այտերը սկսեցին վարդագունել, ուժերը՝ վերականգնվել, և ի զարմանս բոլորի, ամրոցի տերը թույլ ձայնով արտաբերեց.

– Ես ինձ շատ ավելի լավ եմ զգում:

Անցավ մի քանի օր: Վերջնականորեն ապաքինվելով ծանր հիվանդությունից, ճանաչված ասպետը եկավ ճգնավորի մոտ անտառ, ցանկանալով իր երախտագիտությունը հայտնել իրեն դարմանողին:

– Ինձ շնորհակալ մի՛ եղիր, – ասաց նրան ծերունին – Այս թռչունը քեզ բուժեց: Արտույտը շատ զգայուն է ցանկացած հիվանդության նկատմամբ: Երբ նա գտնվելով հիվանդի կողքին մի կողմ է նայում՝ բուժման հույսերը շատ քիչ են, և այլևս շատ դժվար է ինչ-որ բանով օգնել: Իսկ երբ նա սևեռուն հայացքով նայում է հիվանդին, ապա վերջինիս ամենայն հավանականության կհաջողվի հաղթահարել իր հիվանդությունը: Իր բարի և կարեկցող հայացքով, արտույտը ապաքինում է բերում:

Ստվերախիտ անտառներում իրենց բները հյուսող հավքերի նման, բարությունը միշտ բույն է դնում զգայուն ու կարեկից սրտերում:

Հրապարակման ներկայացրեց՝ Աննա Գասպարյանը

[infobox title=’Ուշադրություն’]Դուք նույնպես կարող եք հրապարակել Ձեր նյութը Mediamag.am-ում։ Նյութը հրապարակելու համար սեղմեք ներքևի կոճակը. [/infobox]

Հարապարակիր քո նյութը

կարդացեք նաև

Կենդանակերպի նշաններ, ովքեր կարող են հաղթահարել ցանկացած փորձություն

Կարիճ Բարդ իրադրությունում հայտնվելով՝ Կարիճները երբեք իրենց չեն կորցնում։ Նրանք վայրկենապես ելք են գտնում իրավիճակից։ Կենդանակերպի այս նշանի ներկայացուցիչները երբեք չեն խուսափում խնդիրներից, ընտրում են...

ԹԵՍՏ․ Միայն փայլուն գիտելիքների տեր մարդիկ կարող են հավաքել 10/10՝ ընդհանուր գիտելիքների այս թեստում

Մենք հետևում ենք վիճակագրությանը և նկատել ենք, որ մեր ընթերցողների մեծամասնությանը շատ են դուր գալիս ընդհանուր զարգացվածության թեստերը: Դրանք հետաքրքիր են, թույլ են տալիս...

Ինչպե՞ս են վիրավորանքները փոխում մեր ուղեղի կառուցվածքը

Բանավոր ծաղրանքը հանգեցնում է մարմնի և մտքի միջև հավասարակշռության կորստի: Ցավ հնարավոր է պատճառել ոչ միայն բռունցքներով, այլև նաև բառերով: Այսպես կոչված «բանավոր բռնությունը» կարող...

Կենդանակերպի նշաններ, որոնք սեր և կյանքի ընկեր են գտնում բավական հասուն տարիքում

Աստղաբանությունը ունակ է շատ բաների, օրինակ՝ կանխատեսել, շո՞ւտ, թե՞ ուշ կհանդիպեք ձեր կյանքի երկրորդ կեսին: Սերը նման է ազարտային խաղի: Երբեմն բախտը բերում է երիտասարդ...

Ինտելեկտուալ ԹԵՍՏ․ Դժվարին թեստ, որ կարող են անցնել միայն իրապես գիտակ մարդիկ

Ներկայացնում ենք մեր հերթական ինտելեկտուալ, բազմագիտակության թեստը: Հարցերը հեշտերից չեն և դրանց կարող են պատասխանել իրապես գիտելիքներ ունեցող մարդիկ: Ի՞նչ եք կարծում, դուք կկարողանա՞ք...