fbpx
Գլխավոր ՏՏ ԵՎ ԲԱՐՁՐ ՏԵԽՆՈԼՈԳԻԱՆԵՐ ԲԼՈԳՈՍՖԵՐԱ Բլոգերը դա ոչ պաշտոն է, ոչ էլ պատվավոր կոչում

Բլոգերը դա ոչ պաշտոն է, ոչ էլ պատվավոր կոչում

Հայերիս մոտ ընդհանրապես ցուցամոլությունն ու նորաձևության հետևից վազելը վաղուց արդեն դարձել է ապրելակերպի մի մաս:

Հայաստանում հայտնվել է մի նոր նորաձևություն: Դա այն է, որ ում չես հարցնում բլոգեր է, որ լրատվականում նայում ես հարցազրույց այս կամ այն բլոգերի հետ: Երբեմն այնպիսի բլոգերների անուններ ես լսում, որոնց մասին ոչ մեկ մինչ այդ չէր լսել և ինտերնետում չէր տեսել:

Մոտենում է Ազգային ժողովի ընտրությունները և բնականաբար սրվում է հիվանդագին նորաձևությունամոլությունը:

Ինձ համար անչափ ծիծաղելի է երբ բացում ես թվում է թե լուրջ լրատվական կայք ու կարդում վերնագիր ասենք. «Հարցազրույց բլոգեր xxxx-ի հետ. համամասնական ցուցակների մասին» կամ «Հարցազրույց բլոգեր xxxx-ի հետ. ընտրությունների մասին» և այլն: Ու շատ հպարտ տոնով՝ որ բլոգերի նման «խելամիտ ու անփոխարինելի մասնագետ» մարդ են գտել, սկսում են իրենց «լուրջ» հարցազրույցը: Հատկանշականը այն է, որ սովորաբար այդ բլոգերը լինում է բոլորի համար անհայտ մեկը, որի բլոգը (եթե իհարկե կա բլոգ) օրական 1-2 հոգի են այցելում: Բա էլ ի՞նչ հայ, էն էլ ԲԼՈԳԵՐ (հզոր է թնդում չէ՞), որ քաղաքականությունից չհասկանա…

Ուզում եմ բոլորին և հատկապես մեր լրագրողներին ասել, որ բլոգերը դա պաշտոն չէ և ոչ էլ պատվավոր կոչում հարգելիներս: Եվ ամենևին չի նշանակում, որ եթե բլոգեր է, ուրեմն շատ խելացի և պարտադիր քաղաքականությունից հասկացող է:

Հասկացե՛ք վերջապես բլոգեր կարող է դառնալ յուրաքանչյուրը 10-100 տարեկան, խելոք թե անխելք (ինչին իմիջայլոց ականատես ենք լինում ամեն օր՝ օր-օրի աճող աղբ բլոգներով):

Եվ վերջապես հասկացե՛ք. բլոգերը դա ամենագետ, ամենախելոք, սուպեր հերոս, պատգամավոր, լրագրող կամ արտոնյալ անձ չէ: Բլոգերը սովորական, շատ սովորական մի մարդ է, որը ուղղակի սիրում է գրել, ինչպես ասենք կգրեր սովորական տետրում:

Արդեն քիչ է մնում ամաչեմ և վիրավորվեմ, երբ ինձ անվանում են բլոգեր…

Նախորդ հոդվածըԳոհարիկի աղավնին
Հաջորդ հոդվածըԷքսպրոմտ N3

կարդացեք նաև

Հակառակորդը, մեծ կորուստներից սարսափած, կիրառել է ծանր «ՏՕՍ» հրանետ. ՊՆ խոսնակը տեսանյութ է հրապարակել

ՊՆ խոսնակ Շուշան Ստեփանյանը ֆեյսբուքյան իր էջում տեսանյութ է հրապարակել այն մասին, թե ինչպես է հակառակորդը, մարդկային եւ զինտեխնիկայի մեծ կորուստներից սարսափած, այսօր ժամը...

Ունենք մոտ 200 վիրավոր. Արծրուն Հովհաննիսյան

Արծրուն Հովհաննիսյանը հայտնում է․ Ունենք մոտ 200 վիրավոր, 80 վիրավոր զինծառայող տեղափոխվել է Երևանի հոսպիտալներ և քաղաքացիական հիվանդանոցներ:

Գիշերվա ընթացքում շարունակված մարտերի ընթացքում ՊԲ-ն վերականգնել է նախկինում կորցրած մի շարք դիրքեր (տեսանյութ)

Գիշերվա ընթացքում ճակատային գծի հարավային, հարավ-արևելյան և հյուսիսային ուղղություններում շարունակվել են ինտենսիվ մարտական գործողությունները: Այս մասին հայտնում է Արցախի ՊԲ-ն։ ՊԲ-ի ստորաբաժանումների ձեռնարկած հակագրոհի արդյունքում...

Գիշերվա ընթացքում մարտերը շարունակվել են տարբեր ինտենսիվությամբ։ Վաղ առավոտյան հակառակորդը վերսկսել է հարձակողական գործողությունները

ՀՀ ՊՆ մամլո խոսնակ Շուշան Ստեփանյանը գրում է․ Գիշերվա ընթացքում մարտերը շարունակվել են տարբեր ինտենսիվությամբ։ Վաղ առավոտյան հակառակորդը վերսկսել է հարձակողական գործողությունները՝ կիրառելով հրետանային միջոցներ,...