fbpx

Բերմուդյան եռանկյունի

Աշխարհի  այս առեղծվածային պատմության մասին լսել են գրեթե բոլորը:  «Բերմուդյան եռանկյունը» մարդկանց ուշադրությունը գրավել է վաղուց`այնտեղ տեղի ունեցող խորհրդավոր աղետների պատճառով. հաճախ անհետանում են նավեր ու օդանավեր` առանց որևէ աղետի ազդանշան ուղարկելու կամ հետք թողնելու:

Այդ շրջանում հայտնաբերվել են լքված նավեր, որտեղ եղել են կենդանի շուն, կատու կամ սոխակ, սակայն չեն հայտնաբերվել աղետյալների դիեր: Նման «համբավի» համար «Բերմուդյան եռանկյունը» կոչվել է նաև «Դժոխքի օղակ», «Վհուկների ծով», «Կորած նավերի ծովախորշ» և այլն:

«Բերմուդյան եռանկյան» առեղծվածի մասին խոսում էին դեռևս Քրիստափոր Կոլումբոսի ժամանակներից, երբ նա 1492 թ.-ին առաջին անգամ հասավ Ատլանտյան օվկիանոսի այդ շրջանը:

Իր գոյության շուրջ 500 տարվա ընթացքում «Եռանկյան» առեղծվածն այնպես է հիմնավորվել մարդկանց գիտակցության մեջ, որ դարձել է թևավոր խոսք` համարժեք խորհրդավոր անհետացման: «Բերմուդյան եռանկյունում» տեղի ունեցող երևույթները ժամանակին պատճառ են դարձել տարբեր վարկածների. ոմանց կարծիքով՝ այդ շրջանում գոյություն ունեն «երկնային անցքեր», և աղետյալները, իբր, այնտեղ ընկնելով, հայտնվում են այսպես կոչված «չորրորդ չափողականության» թակարդում, որտեղ ժամանակի ընթացքն այլ է: Վարկած կա նաև, որ «Բերմուդյան եռանկյան» շրջանում այլմոլորակայինները տեղադրել են ճառագայթող հզոր աղբյուրներ` իրենց տիեզերանավերը կողմնորոշելու համար, և դրանց զանազան գործողությունների հետևանքով տեղի են ունենում խորհրդավոր անհետացումներ: Մյուսները պնդում են, որ ժամանակին խորասուզված Ատլանտիդայի բնակիչները երբեմն դուրս են գալիս ջրի երես ու հափշտակում իրենց «թերզարգացած» եղբայրներին: Վարկած կա նաև, որ «Եռանկյան» շրջանում օվկիանոսի հատակը պատռվում է, ջուրը հորդում է ցած` իր հետ տանելով նավերը:

Bermuda-Triangle01

Գիտնականները, սակայն, պնդում են, որ «Բերմուդյան եռանկյան» շրջանում օվկիանոսի վարքը նույնն է, ինչ մյուս վայրերում, և այնտեղ տեղի չեն ունենում արտառոց երևույթներ, որոնք պատճառ դառնային նման խորհրդավոր անհետացումների: Նրանք պարզել են նաև, որ այդ շրջանի ջրաօդերևութաբանական պայմանները բարդ են. հաճախակի մոլեգնող ցիկլոններն ու փոթորիկները հանկարծակի առաջացնում են շատ ուժեղ հոսանքներ, որոնք կարող են արագությամբ քշել վթարված օբյեկտի մնացորդները` ստեղծելով անհետացման պատրանք: Իսկ ինչ վերաբերում է աղետների հաճախությանը, ապա այն հնարավոր միջինից տարբերվում է լոկ այնքանով, որքանով լարված է նավագնացությունը ծանծաղուտներով հարուստ այդ շրջանում:

Գիտնականներն առաջարկել են տեսություններ, որոնք բացատրում են «Բերմուդյան եռանկյունում» նավերի և ինքնաթիռների հանկարծակի անհետացումները: Դրանցից մեկի համաձայն՝ ծովի հատակում տեղի ունեցող մեթանի հիդրատի քայքայման հետևանքով արտանետվում է մեծ քանակով մեթան գազ, որը ջրի մեջ առաջացնում է մեթանով հագեցած վիթխարի պղպջակներ: Դրանց մեջ ջրի խտությունն այնքան փոքր է, որ այդտեղ հայտնված նավերը վայրկենաբար սուզվում են:

06747663

Գիտնականների մյուս մասը ենթադրում է, որ մեթան գազը, թափանցելով նաև օդի մեջ, փոքրացնում է նրա խտությունը, հետևաբար՝ վերամբարձ ուժը, և ինքնաթիռները վայր են ընկնում: Բացի այդ` օդին խառնված մեթանը, նվազեցնելով թթվածնի պարունակությունն օդում, կարող է շարժիչների խափանման պատճառ դառնալ:

Մեկ այլ տեսության համաձայն՝ նավերի կործանման պատճառ կարող են դառնալ այսպես կոչված «թափառող ալիքները», որոնք հասնում են մինչև 30 մ բարձրության: Ենթադրում են նաև, որ որոշակի պայմաններում օվկիանոսում կարող է առաջանալ տագնապի զգացողություն առաջացնող ենթաձայն (ականջի համար անլսելի ցածր հաճախության ձայն), որից խուճապահար անձնակազմը լքում է նավը՝ նետվելով ջրի մեջ:

Դեռևս շարունակում է խորհրդավոր մնալ «Բերմուդյան եռանկյան» առեղծվածը:

Հրապարակման ներկայացրեց՝ Գևորգ Ղուկասյանը

[infobox title=’Ուշադրություն’]Դուք նույնպես կարող եք հրապարակել Ձեր նյութը Mediamag.am-ում։ Նյութը հրապարակելու համար սեղմեք ներքևի կոճակը. [/infobox]

Հարապարակիր քո նյութը

կարդացեք նաև

Կենդանակերպի 3 ամենաօրհնված նշանները, որոնց հովանավորում են Վերին ուժերը

Ահա կենդանակերպի 3 առավել երանելի նշանները, որոնց դժվարին իրավիճակներում միշտ օգնության են հասնում Վերին ուժերը: Մեզանից շատերը գուցե նկատել են, որ ոմանք կյանքում ավելի հաջողակ...

Ընդհանուր գիտելիքների ԹԵՍՏ, որի վերջում կպարզվի իրո՞ք բազմագիտակ եք, թե՞ գլուխ եք գովում

Հարգելի ընթերցողներ մենք ընդհանուր գիտելիքները ստուգող նոր թեստ ունենք: Մենք գիտենք, որ դուք այս թեստերը սիրում եք և հաճույքով անցնում: Փորձեք նաև մեր այս...

Նումերոլոգիա. Ի՞նչ է նշանակում ձեր տան կամ բնակարանի համարը

Նումերոլոգիայի ոլորտի մասնագետները պնդում են, որ տան կամ բնակարանի համարը էապես ազդում է մեր կյանքի վրա: Իմացեք այդ ազդեցության առանձնահատկությունների մասին պարզ հաշվարկով: Կարևոր է...

Թեստ-պատրանք, որը կօգնի ձեզ ավելին իմանալ ձեր և ձեր ապագայի մասին

Թեստ-պատրանքները հիմնված են որոշակի պատկերներ կամ ֆիգուրներ առանձնացնելով` մարդու պատկերն ընկալելու ունակության վրա: Այսպիսի թեստերն ավելի հետաքրքրական են, քանի որ յուրաքանչյուր անձ նույն պատկերում...

Երջանիկ կյանքի բաղադրատոմսը՝ իմաստության 13 մարգարիտներում

Հիշեք՝ կյանքը անարդար է, բայց այն դեռ այնքան էլ վատը չէ: Իսկ եթե լավ մտածել՝ այն հրաշալի է: 1. Քայլեք ամեն օր 10-30 րոպե: Քայլելիս...