fbpx
Գլխավոր ՇՓՈՒՄ ԳԵՂԵՑԻԿԻ ՀԵՏ ԱՌԱՍՊԵԼ ԵՎ ԱՌԱԿ Հրաշալի առակ սեփական ուժերի վրա վստահ լինելու մասին

Հրաշալի առակ սեփական ուժերի վրա վստահ լինելու մասին

Մի գործարար մինչև ականջները խրվել էր պարտքերի մեջ և այլևս ելք չէր տեսնում ստեղծված իրավիճակից: Նա պարտք էր վարկատուներին, իսկ առաքիչները ամեն օր պահանջում էին վճարել: Նա որոշում է դուրս գալ այգի, որպեսզի մի փոքր ցրվի: Սակայն մտքերը չէին դադարում պտտվել նրա գլխում: Տղամարդը գլուխը վերցրած ափերի մեջ մտովի փորձում էր վերլուծել և հասկանալ, թե ինչը կարող է դուրս բերել նրան այս իրավիճակից:

Հանկարծ նրա առջև հայտնվում է մի ծերունի:

– Ես տեսնում եմ, որ ինչ-որ բան ձեզ անհանգստացնում է, – ասում է ծերունին, -չե՞ք կիսվի:

Գործարարը պատմում է նրան իր պրոբլեմների մասին:

Ծերունին լսում է նրան առանց ընդհատելու: Եվ երբ գործարարը վերջացնում է պատմել իր պատմությունը, ծերունին ասում է.

– Կարծում եմ ես կարող եմ օգնել:

Նա գործարարից հարցնում է անունը, չեկ դուրս գրում և դնում այն զարմանքից քար կտրած գործարարի ձեռքերի մեջ:

– Վերցրեք այս փողը: Ուղիղ մեկ տարի հետո մենք կհանդիպենք այս նույն վայրում և դուք կկարողանաք այն ինձ ետ վերադարձնել:

Չհասցրեց գործարարը ինչ-որ բան ասել, երբ ծերունին անհետացավ ամբոխի մեջ:

Գործարարը նայում է չեկին: Չեկի վրա գումարի տողում նշված էր «$500 000», իսկ ներքևում ստորագրված՝ «Ջոն Ռոքֆելլեր»: Ջոն Ռոքֆելլերը աշխարհի ամենահարուստ մարդկանցից մեկն է:

«Ես կկարողանամ վերջ դնել իմ բոլոր պրոբլեմներին մեկ ակնթարթում», – մտածում է գործարարը: Բայց դրա փոխարեն նա որոշում է չեկը պահել սեյֆում: Միայն այդ գումարի գոյության մասին միտքը նրան մեծ ուժ էր տալիս տարբերակներ մշակել բիզնեսի պահպանման համար:

Նորից ի հայտ եկած լավատեսությամբ նա կնքում է բազբաթիվ շահավետ գործարքներ և ընդլայնում վճարման ժամկետները: Մի քանի ամսվա ընթացքում նա փակում է բոլոր պարտքերը և նորից սկսում գումար աշխատել: Եվ մեկ տարի անց նա վերադառնում է այն նույն այգին, այն նույն չեկը ձեռքին:

Պայմանավորված ժամին ծերունին նորից հայտնվում է: Տղամարդը արդեն պատրաստվում էր ետ վերադարձնել չեկը և պատմել իր հաջողությունների մասին, երբ հանկարծ վազելով մոտենում է բուժքույրը, բռնում ծերունու ձեռքից:

– Այնքան ուրախ եմ, որ վերջապես կարողացա բռնել նրան, – ասում է բուժքույրը, – հույսով եմ նա չի անհանգստացրել ձեզ: Նա հաճախ է փախչում տնից և մարդկանց պատմում իբր ինքը Ջոն Ռոքֆելլերն է:

Գործարարը կանգնած էր ապշահար: Ուղիղ մեկ տարի նա բիզնես էր անում, գնելով և վաճառելով՝ լի վստահությամբ, որ յուրաքանչյուր պահին նրան օգնության կարող է հասնել այդ կես միլիոն դոլարը:

Եվ հանկարծ նա հասկանում է, որ այդ իրական կամ երևակայական փողերը չեն փոխել իր կյանքը: Այդ նրա նոր ինքնավստահությունն է տվել այն ուժը, որպեսզի հասնի այն ամենին, ինչ հիմա ունի:

Վերցրե՛ք նախաձեռնությունը ձեր ձեռքը: Որոշիչ պահին, սեփական ուժերի հանդեպ վստահությունը կարող է որոշիչ դեր խաղալ:

կարդացեք նաև

«Գրավիչ շրթունքներ ունենալու համար բարի խոսքեր ասեք»․ Օդրի Հեփբերնի հրաշալի խորհուրդները կանանց

Երբ խնդրել են բացահայտել իր գեղեցկության գաղտնիքները, Օդրի Հեփբերնը գրել է այս գեղեցիկ տեքստը, որը ավելի ուշ կարդացվել է նրա հուղուրկավորության ժամանակ: ✅ «Գրավիչ շրթունքներ...

Գիտելիքների կարճ ԹԵՍՏ․ Իսկական գիտակ եք, եթե կարողանաք պատասխանել 8 հարցից թեկուզ 5-ին

Եկեք ստուգենք Ձեր գիտելիքները տարբեր ոլորտներին առնչվող մեր այս փոքրիկ թեստի օգնությամբ: Պատրա՞ստ եք ստուգել Ձեր գիտելիքները և անսխալ պատասխանել բոլոր հարցերին: Եթե այո,...
video

ԱՀԱ ԿՅԱՆՔԻ ԻՄԱՍՏԸ | Դիտեք և Ձեր կյանքը գլխիվայր կփոխվի դեպի լավը (տեսանյութ)

Փնտրո՞ւմ եք կյանքի իմաստը, փորձո՞ւմ եք գտնել «ի՞նչ է կյանքը» հարցի պատասխանը․․․ Դիտեք այս տեսանյութը և կգտնեք, կբացահայտեք Ձեր կյանքի իմաստը, կմոտիվացվեք հաջողության, երջանկության...

Հոգեբանորեն 6 ամենաուժեղ կենդանակերպի նշանները, որոնք կարող են հաղթահարել ցանկացած բան

Ամենահետաքրքիրն այն է, որ ուժը գալիս է նրանց մոտ ճիշտ ժամանակին և ճիշտ տեղում... Իրականում մենք բոլորս ուժեղ ենք: Մենք գոյատևեցինք՝ չնայած ամեն ինչին, ինչը...

Բազմագիտակության ԹԵՍՏ․ Ոչ հեշտ հարցեր տարբեր ոլորտներից

10 հետաքրքրաշարժ հարցեր տաբեր ոլորտներից: Կկարողանա՞ք անսխալ պատասխանել բոլորին: Եկեք ստուգենք․․․ Վերջում չմոռանաք սոցիալական ցանցերում արդյունքներով կիսվել Ձեր ընկերների հետ: Գրանցվիր մեր Telegram ալիքին։ Ուղարկում ենք միայն...