Կարող եք առողջ ապրելակերպ վարել, ճիշտ սնվել և կանոնավոր մարզվել, բայց միևնույն ժամանակ ձեր տարիքից ավելի ծեր տեսք ունենալ: Մաշկի վաղաժամ ծերացումը տեղի է ունենում բազմաթիվ գործոնների արդյունքում, ինչպիսիք են օդի որակը, մեր միջավայրը և նույնիսկ տան ինտերիերը:
Քանի որ շատերն են ցանկանում հնարավորինս երկար մնալ երիտասարդ և գեղեցիկ, ուստի որոշեցինք պարզել, թե մեր տան ո՞ր իրերն են, որ կարող են աննկատ ծերացնել մեզ:
Անորակ բարձերեսներ
Բամբակյա բարձերեսները հանգեցնում են դեմքի մաշկի վաղաժամ ծերացմանը: Փաստն այն է, որ քնի ժամանակ գործվածքների հետ շփումը հանգեցնում է ձեր մաշկի ծալքերի և կնճիռների առաջացմանը: Երիտասարդությունը պահպանելու համար մասնագետները խորհուրդ են տալիս հրաժարվել բամբակյա բարձերեսներից՝ հօգուտ մետաքսի: Մաշկն ու մազերը սահում են հարթ գործվածքի վրա, ուստի առավոտյան թարմ տեսքն ապահովված կլինի: Բացի այդ, մետաքսը չի ներծծում քնելուց առաջ քսված քսուքները և շիճուկները:
Լվացող միջոցներ
Քիմիական լվացող միջոցները պետք է օգտագործվեն բացառապես պաշտպանիչ ռետինե ձեռնոցներով: Օրինակ՝ նատրիումի լաուրիլ սուլֆատի նման նյութի բարձր պարունակությունը ոչնչացնում է մաշկի լիպիդային արգելքը՝ պատճառ դառնալով, որ այն չորանա և ծածկվի փոքր ճաքերով:
Միկրոալիքային վառարան
Ժամանակակից միկրոալիքային վառարանները անվտանգ են մարդկանց համար: Այնուամենայնիվ, միկրոալիքները կարող են արտահոսել վնասված և կեղտոտ սարքերից: Ուստի կարևոր է պահել միկրոալիքային վառարանը աշխատանքային վիճակում: Բացի այդ, սառեցված սնունդ օգտագործելը վնասակար է նաև առողջությանը և արտաքին տեսքին: Դա պայմանավորված է նրանով, որ դրանք պարունակում են շատ տրանս ճարպեր և խոլեստերին, որոնք կարող են արգելափակել զարկերակները և առաջացնել սրտի հետ կապված խնդիրներ:
Ջեռուցիչ
Ջուցման սեզոնին կարևոր է վերահսկել ձեր տան ջերմաստիճանն ու խոնավությունը: Ջեռուցիչներն ու ռադիատորները շատ են չորացնում օդը` դրանով նպաստելով ձեր մաշկի ջրազրկմանը: Ենթադրվում է, որ նույնիսկ 30% խոնավության նվազումը կարող է հանգեցնել փոքր կնճիռների առաջացմանը: Հարմարավետ միկրոկլիմա պահելու համար տանը տեղադրեք խոնավեցնող սարք կամ գնեք ավելի թանկարժեք ջեռուցիչների մոդելներ, որոնք «չեն այրում» օդը:
Հեռախոսի էկրան
Ձեր բջջային հեռախոսի կամ համակարգչի էկրանի կապույտ լույսը (HEV) կարող է առաջացնել հիպերպիգմենտացիա և մաշկի վաղաժամ ծերացում: «HEV ճառագայթումը առկա է ցերեկային լույսի ժամանակ, բայց արտանետվում է նաև լյումինեսցենտային լուսավորությամբ և լուսադիոդներով, այդ թվում՝ հեռուստացույցների, սմարթֆոնների, պլանշետների և համակարգիչների միջոցով», – նշում է մաշկաբան Էնդրյու Բիրնին:
Հագուստի ծածկոցներ
Մի պահեք ձեր հագուստը պլաստիկ ծածկոցների կամ պակետների մեջ: Այո, դրանք, իհարկե, պաշտպանում են փոշուց, բայց ձեր մաշկը դրա համար շնորհակալություն չի հայտնի ձեզ: Պոլիէթիլենային և ոչկտորային ծածկոցները թույլ չեն տալիս օդն անցնել, որի պատճառով հագուստի վրա խոնավության չափազանց մեծ կուտակում է ստեղծվում, ինչը հետագայում հանգեցնում է բորբոսի և սնկերի զարգացմանը: Հայտնվելով մարդու մարմնում, բորբոսի սպորները կարող են բացասաբար ազդել առողջության վրա, օրինակ՝ առաջացնել հազ, ասթմայի նոպաներ, ինչպես նաև հանգեցնել մաշկի վիճակի վատթարացման:
Լոգանքի գելեր
Մենք չենք ասում, որ պետք է ամբողջովին հրաժարվել լոգանքի գելերի օգտագործումից: Այնուամենայնիվ, գնելիս ուշադրություն դարձրեք դրանց կազմին: Որոշ նյութեր, որոնք ներառված են շատ սիրված լոգանքի գելերում, ոչ միայն չեն մաքրում, այլ, ընդհակառակը, աղտոտում են ձեր մաշկի ծակոտիները, քանի որ դրանք պատրաստվում են նավթամթերքներից: Ընտրեք SLS և paraben չպարունակող ապրանքներ: Ամենավտանգավոր սուլֆատներից մեկը նատրիումի լաուրետ սուլֆատն է (SLES): Այն չորացնում է մաշկը և պարուրում յուղոտ թաղանթով:
Չուգունե մարտկոցներ
Հնարավորության դեպքում փորձեք ձեր տանը փոխարինել հին չուգունե մարտկոցները: Փաստն այն է, որ տարիների ընթացքում ռադիատորի բնիկներում մեծ քանակությամբ փոշի է կուտակվում: Որպես կանոն, քչերն են պատշաճ կերպով մաքրում այդ դժվարամատչելի վայրերը: Արդյունքում, փոշու մասնիկներով աղտոտված օդը վնասում է մաշկի պատնեշը և ոչնչացնում կոլագենը (կամ, ինչպես կոչվում է նաև երիտասարդության սպիտակուցը), որն ապահովում է ձեր մաշկի առաձգականությունն ու ամրությունը:
Գրանցվիր մեր Telegram ալիքին։ Ուղարկում ենք միայն թարմ հոդվածները և ամենաառաջինը հենց Ձեզ:
