Ալբերտ Էյնշտեյնն օժտված էր հրաշալի հումորի զգացումով: Երբ նրան հարցնում էին, թե որտե՞ղ է գտնվում իր լաբորատորիան՝ նա ժպտում էր և ցույց էր տալիս իր գրիչը:

Mediamag-ը այսօր Ձեզ է ներկայացնում հանճարեղ գիտնականի 20 նուրբ մեջբերումները․

1. Կա միայն երկու անվերջ բան՝ Տիեզերքը և մարդկային հիմարությունը: Չնայած Տիեզերքի առումով ես վստահ չեմ:

2. Միայն անխելքն ունի կարգուկանոնի կարիք՝ հանճարը իշխում է քաոսին:

3. Տեսությունը այն է՝ երբ ամեն ինչ հայտնի է, բայց չի աշխատում: Պրակտիկան՝ երբ ամեն ինչ աշխատում է, բայց ոչ ոք չգիտի թե ինչու: Իսկ մենք միավորում ենք տեսությունն ու պրակտիկան՝ ոչինչ չի աշխատում․․․ և ոչ ոք չգիտի թե ինչու:

4. Կյանքն ապրելու երկու տարբերակ կա: Առաջինը՝ կարծես հրաշքներ գոյություն չունեն: Երկրորդը՝ կարծես շուրջբոլորը միայն հրաշքներ են:

5. Կրթությունն՝ այն է, ինչ մնում է այն բանից հետո, երբ մոռացվում է դպրոցից սովորած ամեն բան:

6. Ես չգիտեմ, թե ինչ զենքերով կպատերազմեն երրորդ համաշխարհայինի ժամանակ, բայց չորորդին հաստատ՝ փայտերով և քարերով:

7. Խելագարություն է՝ անել միևնույն բանը և սպասել այլ արդյունքի:

8. Երևակայությունն ավելի կարևոր է, քան գիտելիքը: Գիտելիքները՝ սահմանափակ են, այն դեպքում, երբ երևակայությունն ընդգրկում է ամբողջ աշխարհը:

9. Դու երբեք չես լուծի պրոբլեմը, եթե մտածես նույնկերպ, ինչ նրանք, ովքեր դա ստեղծել են։

10. Նա, ով ցանկանում է անմիջապես տեսնել իր աշխատանքի արդյունքները՝ պետք է դառնա կոշկակար:

11. Կյանքը նման է հեծանիվ վարելուն: Հավասարակշռություն պահելու համար՝ դու պետք է շարժվես:

12. Բոլորը գիտեն, որ դա անհնար է: Բայց ահա գալիս է մի անկիրթ, որն այդ մասին չգիտի: Հենց նա էլ կատարում է բացահայտումը:

13. Գիտակցությունը, որն արդեն մեկ անգամ ընդլայնել է իր սահմանները, երբեք չի վերադառնա նախկինին:

14. Եթե ցանկանում եք երջանիկ կյանք վարել՝ դուք պետք է կապված լինեք նպատակին, այլ ոչ թե մարդկանց կամ իրերին:

15. Ձգտիր որ թե հաջողության հասնելուն, այլ այն բանին, որպեսզի կյանքդ իմաստ ունենա:

16. Համընկնումների օգնությամբ Աստված պահպանում է իր գաղտնիությունը:

17. Միակ բանը, որ ինձ խանգարում է սովորել՝ իմ ստացած կրթությունն է:

18. Մարդը, ով երբեք սխալներ չի գործել, երբեք նոր բան չի փորձել:

19. Բոլոր մարդիկ ստում են, սակայն դա սարսափելի չէ՝ միևնույն է ոչ ոք միմյանց չի լսում:

20. Եթե դուք դա չեք կարողանում բացատրել Ձեր տատիկին՝ նշանակում է դուք ինքներդ դա չեք հասկանում: