Mediamag-ը սիրով կիսվում է 20 օգտակար խորհուրդներով՝ բոլոր նրանց համար, ովքեր սիրում են լուսանկարել:

1. Հաղորդեք լուսանկարին խորություն

Գտեք հետաքրքիր որևէ մոտիվ (օրինակ, լուսանկարում ժայռի մի մաս) և տեղադրեք կադրի առաջին պլանում: Ի շնորհիվ դրա, լուսանկարը բնապատկերում կունենա հստակ ըդգծված խորություն:

2. Մի կտրեք մարմնի մասերը

Լուսանկարելով մարդկային ֆիգուրաներ՝ աշխատեք կադրից դուրս չթողնել, կտրել ոտքի թաթերը, կամ գլուխը: Լավ կլինի մեծ տարածություն թողնել սիլուետի շուրջը: Անհրաժեշտ մոնտաժը միշտ կարելի է հետո անել՝ համակարգչային մշակման ժամանակ:

3. Փորձեք նկարել լույսով

Լուսային նախշեր լուսանկարներում կարելի է ստանալ մի քանի բավական պարզ մեթոդներով: Բավական է ֆոտոապարատի վրա նշանակել գիշերային լուսանկարման ռեժիմ, տեղադրել այն շտատիվի վրա, սեղմել մեկնարկի կոճակը, և օդում, բենգալյան կրակների կամ լուսադիոդների օգնությամբ նկարելնախշեր:

4. Երեխաներին լուսանկարեք իրենց մակարդակից

Երբեք երեխաներին մի լուսանկարեք վերևից: Դա պետք է անել միմիայն իրենց «բարձրությունից», թեկուզ, եթե դրա համար անհրաժեշտ լինի կռանալ:

5. Օպտիկան միշտ մաքուր պահեք

Երբեք օբյեկտիվի լինզաներին մատերով մի դիպչեք: Հակառակ դեպքում դրանց վրա մնում են ճարպային հետքեր, որի հետևանքով լուսանկարները անորակ են ստացվում:

6. Զգույշ եղեք թվային զումի պարագայում

Աշխատեք լուսանկարելու ընթացքում չօգտագործել թվային զումը (մեծացում): Հատկապես դա վերաբերում է սմարթֆոններին: Քանի որ դա բերում է պատկերի աղավաղման:

7. Արագության համար օգտվեք ավտոմատ լուսանկարման ռեժիմից

Եթե Դուք լավ չեք տիրապետում Ձեր ֆոտոապարատի հնարավորություններին՝ օգտագործեք ավտոմատ լուսանկարման ռեժիմը: Իհարկե դա իդեալական տարբերակ չէ, սակայն դա կօգնի Ձեզ արագ անցնել բուն լուսանկարման պրոցեսին:

8. Մի խմբագրեք լուսանկարի օրիգինալը

Երբեք մի խմբագրեք լուսանկարի օրիգինալը: Որպեսզի անհաջողության դեպքում հետո չփոշմանեք լուսանկարը փչացնելու համար: Միշտ պատճենեք լուսանկարը և խմբագրեք պատճենը:

9. Գիշերային լուսանկարներ շտատիվով

Գիշերային լուսանկարահանումը ավելի լավ է կատարել շտատիվով: Կայուն հիմքը թույլ կտա լուսանկարել մեծ պահումներով և ցածր լուսազգայնությամբ՝ երկար ժամանակ և ստանալ որակյալ լուսանկարներ: Պետք է հիշել նաև, որ այդ ռեժիմում՝ շարժվող օբյեկտները լղոզված են ստացվում:

10. Ճիշտ ուղղություն

Եթե կադրում օբյեկտը նայում, գնում կամ շարժվում է որոշակի ուղղությամբ՝ կադրում այնտեղ տարածք թողեք: Այդպիսով Ձեր լուսանկարը կստանա հավելյալ արտահայտչություն:

11. Ֆոտոապարատը ճիշտ բռնեք

Ֆոտոապարատը ճիշտ բռնելու դեպքում Դուք կապահովեք ստաբիլություն: Հատկապես դա կարևոր է մեծ կամերաների դեպքում, օրինակ, հայելայինների: Աջ ձեռքով բռնեք աջակողմյան բռնիչը, իսկ ձախ ձեռքի մատներով բռնեք օբյեկտիվը:

12. Ընդգծված աչքեր

Դեմք լուսանկարելու ժամանակ՝ սրությունը ուղղեք աչքերին: Դա վերաբերվում է նաև կենդանիներ լուսանկարելուն:

13. Անդրադարձող լույս

Եթե Դուք արտաքին առկայծող լամպի հնարավորություն ունեք, ուղղեք այն դեպի առաստաղ կամ պատեր: Օբյեկտը, որը լուսավորված է անդրադարձող լույսով՝ ավելի լավ է նայվում, քան անմիջապես նրա վրա ուղղված լույսի դեպքում:

14. Բնական լույսը գերադասելի է

Եթե դա հնարավոր է, աշխատեք լուսանկարել առանց առկայծող լամպի: Բնական լուսավորությունը շատ ավելի լավ է նայվում:

15. Օգտագործեք դեմքերի ճանաչման ֆունկցիան

Դիմանկարների, նույնիսկ խմբակային, լուսանկարման դեպքում օգտագործեք դեմքերի ճանաչման ֆունկցիան: Այդ դեպքում կամերան ինքնուրույն նշանակում է սրության, էքսպոզիցիայի և դեքերի համար լույսի օպտիմալ նիշերը:

16. Ուրվագծի էֆեկտ

Եթե Դուք ուզում եք ստանալ մուգ ուրվագծի էֆեկտը ռոմանտիկ տեսարանի ֆոնին՝ կարելի է օգտագործել ոչ բավարար լույսի հնարքը: Դրանում կօգնի էքսպոզիցիայի կարգավորևման ֆունկցիան: Պետք է այն դնել «մինուսի» վրա:

17. Լուսանկարեք տեղեկատվական նշաններ

Այդպիսի լուսանկարները թույլ են տալիս Ձեզ հիշել, որտեղ էիք գտնվում ճանապարհորդության ընթացքում: Դա հատկապես օգտակար է, եթե Ձեր ապարատը GPS-ի հնարավորություն չունի:

18. Հետևեք ֆոնին

Միշտ պլանավորեք պատկերն այնպես, որ լուսանկարվող օբյեկտի ետևում չլինի այնպիսի բան, որը կփչացնի կադրը՝ օրինակ, աղբաման: Նաև կարելի է օգտագործել դիաֆրագմայի մեծ արժեք (օրինակ f/1.8, f/2.8)՝ այդ դեպքում ֆոնը լղոզված է ստացվում:

19. Օգտագործեք HDR ռեժիմը

Եթե լուսանկարը չափազանց կոնտրաստային է ստացվում՝ օգտագործեք HDR (High Dynamic Range Imaging) ռեժիմը, որը կօգնի հավասարապես բաշխել լուսավորությունը:

20. Օգտագործեք շարունակական լուսանկարման ռեժիմը

Երբ լուսանկարում եք շարժվող օբյեկտներ, կամերան դրեք շարունակական ռեժիմի վրա: Որքան մեծ է կադրի արագությունը վայրկյանում, այնքան մեծ է հավանականությունը, որ Դուք կկարողանաք որսալ յուրահատուկ պահ: