Կար մի մարդ, ով ամբողջ կյանքը խուսափել էր ամուսնությունից և երբ 90 տարեկանում նա գտնվում էր մահվան մահճին, ինչ-որ մեկը հարցրեց նրան.
– Դու այդպես էլ չամուսնացար, բայց երբեք չասացիր ինչու: Այժմ գտնվելով մահվան շեմին, խնդրում եմ, բավարարիր մեր հետաքրքրությունը: Եթե որևէ գաղտնիք կա, գոնե հիմա պատմիր, չէ՞ որ դու մահանում ես, լքում ես այս աշխարհը: Նույնիսկ եթե գաղտնիքդ մարդիկ իմանան, քեզ դրանից վնաս չի լինի:
Ծերունին պատասխանեց.
– Այո, ես ունեմ մի գաղտնիք: Այնպես չէ, որ ես դեմ էի ամուսնությանը, բայց ես միշտ փնտրել եմ իդեալական կին: Այս ամբողջ ժամանակս վատնեցի փնտրտուքներում և այդպես անցավ իմ կյանքը:
– Լավ, բայց իրո՞ք դու չկարողացար գտնել իդեալական կին այս ամբողջ մոլորակում, որի բնակչության ուղիղ կեսը կին է: Դու չկարողացա՞ր գտնել միակ և իդեալական քո կնոջը:
Արցունքը հոսեց մահացող ծերունու այտն ի վար: Նա պատասխանեց.
– Ոչ, մեկին ես այնուամենայնիվ գտա:
Հարց տվող մարդը շփոթված էր.
– Այդ դեպքում ի՞նչ պատահեց, ինչո՞ւ դուք չամուսնացաք:
Եվ ծերունին պատասխանեց.
– Այն կինը փնտրում էր իդեալական տղամարդ…
Գրանցվիր մեր 
