Այս բլոգում առիթ եմ ունեցել բազմիցս նշելու, որ կյանքիս դժվարին պահերին, երբ ամեն ինչ անիմաստ է թվում, երբ ոչինչ չեմ ուզում ու չեմ կարողանում անել, ինձ օգնության են հասնում համակարգչային խաղերը: Սակայն ոչ բոլոր խաղերն են, որ կարող են ինձ կտրել առօրյա հոգսերից, լիցքաթափել ուղեղս: Այդ խաղը պետք է լինի գրավիչ թե՛ իր սյուժեյով, թե՛ իր գրաֆիկայով: Ինչպես նախկինում նշել եմ, այդպիսի խաղ էր ինձ համար Assassin’s Cread խաղերի շարքը: Այդպիսին էր նաև Tomb Raider խաղը իր շարքով, խաղ՝ հնագետ, սեքսուալ, ճարպիկ և շատ խելացի Լարա Քրոֆթի մասին:

Խաղացել եմ խաղի բոլոր սերիաները: Եվ ահա ի ուրախություն ինձ, կյանքիս հերթական դժվար պահին թողարկվեց նոր՝ Tomb Raider 2013-ը:

Ջնջվեցի Ֆեյսբուքից և անմիջապես անցա խաղին: Դեռ նոր եմ սկսել խաղալ, սակայն տպավորությունները արդեն լավն են: Ինչպես միշտ կլանող սյուժե, անչափ գեղեցիկ գրաֆիկա և իհարկե գերսեքսուալ Լարա Քրոֆթ: Երբ ավարտեմ խաղը այն ժամանակ ավելի հանգամանալից և ավելի օբյեկտիվ կերպով կփորձեմ գնահատել այն և պատմել խաղի մասին: Իսկա այժմ ուզում եմ մի փոքր ծանոթացնել խաղի հետ և ձեր ուշադրությանը ներկայացնել խաղի թրեյլերը: Կարծում եմ գեյմերներին հետաքրքիր կլինի.

Խաղի անվանումը՝ Tomb Raider
Ժանրը՝ action-adventure
Թողարկել է՝ Crystal Dynamics/Eidos Montreal/Nixxes Software
Հարթակներ՝ PC, Mac OS X, PS3, Xbox 360
Թողարկման տարեթիվը՝ 04 մարտի 2013 թ.
Պաշտոնական կայք՝ http://tombraider.com/

[uppod video=”http://youtu.be/6-1Xn0hZsIw” align=”center”]