Դուք սիրո՞ւմ եք խորհուրդներ: Կարծում ենք, որ մեզանից շատերը հեշտությամբ կարող են խորհուրդներ տալ ցանկացածին և կյանքի գրեթե ցանկացած իրավիճակում, բայց նաև դժվարությամբ կընդունեն որևէ մեկից անձնական խորհուրդ: Այս 25 խորհուրդները, որոնք մենք պատրաստել ենք ձեզ համար, հատկապես արժեքավոր են։ Քանի որ դրանք կյանքի պարզ սկզբունքներ են, որոնք յուրաքանչյուրը պետք է լսի և փորձի ընդունել իր կյանքում:
Այսպիսով, ահա 25 արժեքավոր խորհուրդները ամեն օրվա համար.
- Որքան դանդաղ եք շարժվում, այնքան ավելի արագ եք ծերանում և մահանում։
- Ատամնաբույժի մոտ գնալու և ճամփորդելու հարցում գումար մի խնայեք։ Մահվան մահճում պետք է ժպտալ և հիշել կյանքի քաղցր ակնթարթները։
- Մի ամուսնացեք մեկի հետ, ում հետ մտադիր չեք անցկացնել կյանքի մնացած մասը։ Միջին վիճակագրական ամուսնությունները սովորաբար ձգվում են 10 տարի։ Ուստի, հաշվի առնելով այս տվյալները՝ դուք երկար չեք ապրի նրա հետ։ Բայց հուսալ պետք է:
- Երբեք ձեռք մի բարձրացրեք կնոջ, երեխաների, կենդանիների, ինչպես նաև այն տղամարդկանց վրա, ովքեր չեն կարող ջարդել ձեր ծնոտը։
- Երբեք ձեռք մի բարձրացրեք որևէ մեկի վրա, եթե կարող եք խուսափել դրանից: Իրականում պայքարելու միայն երկու օրինական պատճառ կա՝ պայքարել ձեր կյանքի համար կամ պաշտպանել ձեր սիրելիներին:
- Եթե ինչ-որ մեկին հարվածում եք, արեք դա գեղեցիկ։ Հանգստացրու զայրույթդ, մի թափահարիր ձեռքերդ. բռունցքներդ պետք է ուղիղ գծով առաջ գնան և անմիջապես հետ վերադառնան, կարծես ճանճ եք բռնել։ Բացառություն են կազմում «հուկերը»-ը, որոնք պետք է ամրացնել ազդրերի ուժով, այլ ոչ թե ուսերի։ Մարմնին լավ «հուկը» կոտրում է նեղացնողիի կողերը, ինչպես նաև կամքը։
- Լավ վարքագիծը ամեն ինչի հիմքն է։ Կոպտությունը արդարացում չունի։ Կյանքի որակը բաղկացած է միմյանց հանդեպ մարդկային փոքր զիջումներից, և միայն քաղաքավարությունը ձեր կյանքը տանելի կդարձնի։
- Կյանքում երբեք չի գա մի պահ, երբ դուք դառնաք այնքան իմաստուն, փորձառու և հաջողակ, որ ոչ մի բանում չձախողվեք: Սպասեք անհաջողությունների և թույլ տվեք, որ դրանք թրծեն ձեր ոգին: Ամոթի պահերը ձեզ ուժեղ են դարձնում, հաջողության պահերը՝ երախտապարտ. երկուսն էլ կյանքում փոփոխվում են այնպես, ինչպես գիշերն ու ցերեկը:
- Հոգ տարեք ձեր ծնկների մասին։ Եթե սպորտով եք զբաղվում՝ դրանք վաղ թե ուշ քեզ կդավաճանեն։ Իսկ եթե սպորտով չզբաղվես, դրանք կդավաճանեն հանկարծակի։
- Եթե ձեր և ձեր երկրորդ կեսի միջև անընդհատ աղմկոտ սկանդալներ են տեղի ունենում , ապա նա ձեր կյանքի ընկերը չէ:
- Եթե ձեր և ձեր ծնողների միջև աղմկոտ սկանդալներ են ծագում, դա միանգամայն նորմալ է, բայց պետք է ամեն ջանք գործադրել արագ հաշտվելու համար:
- Աշխարհում կան շատ գեղեցիկ կանայք, բայց դուք կարող եք իսկապես սիրել միայն հինգին կամ վեցին:
- Կան գագաթներ, որոնք անպայման պետք է բարձրանալ. մնացած բոլորը ավելի լավ է շրջանցել:
- Հայր մի՛ դարձիր, քանի դեռ պատրաստ չես քեզնից ավելի կարևոր համարել մեկ այլ «մարդ արարածի»:
- Հաջողության հիմնական գործոնը ձեր ցավի շեմն է: Ինչպես Ռոկի Բալբոան էր նշում. «Խոսքը այն մասին չէ, թե որքան ուժեղ ես հարվածում, այլ այն, թե որքան ուժգին հարվածին կարող ես դիմանալ՝ շարունակելով առաջ շարժվել»:
- Երբեք ոչինչ մի գնեք այն մարդուց, ով ձեր դուռը թակում է անկոչ, եթե միայն նա լիակատար հուսահատության մեջ չէ:
- Մի վատնեք թանկագին ժամանակը խանդի, ատելության և անիմաստ ֆիլմեր դիտելու վրա։
- Եթե ժամանակ ունես, ավելի լավ է քայլես։
- Ընկերությունը, իսկական ընկերությունն այն քչերի հետ, ովքեր արժանի են դրան, ջանք է պահանջում։ Եթե այն թողնել՝ կթառամի։ Հիշեք ընկերներին, սիրեք ընկերներին, փայփայեք ընկերներին: Մեծահոգի եղեք նրանց սխալների հանդեպ։ Բայց մի վախեցեք միայնակ թռիչքից. հիշեք, որ մենք բոլորս միայնակ ենք Տիեզերքում: Դուք միայնակ եք ծնվել և միայնակ էլ կմահանք։
- Հիշեք առողջության մասին, բայց մի ընկեք հիպոքոնդրիայի մեջ:
- Սիրեք աշխատանքը։ Աշխատեք երբեք չառանձնացնել ձեր կյանքի գլխավոր հոբբին վաստակից։ Երբ ձեր շուրջը ամեն ինչ փլուզվում է, աշխատանքը կօգնի ձեզ մնալ ջրի երեսին` ձեզ կվերադարձնի ձեր ինքնագնահատականը, մարդկային կապը, փողը և ամեն առավոտ անկողնուց վեր կենալու մոտիվացիան: Բայց նկատի ունեցեք, որ, ամենայն հավանականությամբ, դուք ստիպված կլինեք ձեր կյանքում ատելություն պատճառող աշխատանք կատարել: Սա պատահում է գրեթե բոլորի հետ. պարզապես համոզվեք, որ դեռ հիշում եք, թե որտեղ է ելքը դեպի փողոց:
- Փորձեք ամբողջ ուժով չատել նրան, ում նախկինում սիրել եք:
- Հավերժական երիտասարդության սուրբ երրորդություն՝ մազեր գլխին, խորանարդիկներ՝ որովայնին, էրեկցիա՝ տաբատի մեջ։ Հոգ տարեք դրանց մասին:
- Զարմացրե՛ք ձեր տաղանդով: Շլացրե՛ք հանճարով: Մի աշխատեք կիսատ-պռատ, մի գնեք զեղչով, միշտ ինքներդ խփեք հաղթական գոլը։
- Եղեք առատաձեռն նրանց հանդեպ, ովքեր ոչինչ չեն կարող անել ձեզ համար…
Գրանցվիր մեր 
