fbpx

Խնձոր խնձորենուց. 7 բան, որ ձեր երեխաները կանեն այնպես, ինչպես դուք

Նրանք կկրկնօրինակեն ձեր վարքը՝ լավ կամ վատ, ամբողջական կամ մակերեսային...

Եթե ​​կա մի բան, որը ես սովորել եմ ծնողական ավելի քան 10 տարվա փորձից, դա այն է, որ ինձ անընդհատ հետևում են: Իմ երեխաները ոչ միայն հետևում են ինձ, այլև լսում են այն ամենը, ինչ ասում եմ: Նրանք բառացիորեն ուսումնասիրում են ինձ թաքնված ազդանշաններ գտնելու համար: Իմ ընդունած յուրաքանչյուր որոշում, իմ արտասանած յուրաքանչյուր բառ, իմ յուրաքանչյուր քայլ աննկատ չի մնում: Իմ երեխաներն ինձանից սովորում են կյանքի իմաստությունը, և դա հսկայական պատասխանատվություն է:

Այս մասին ես հիշեցի մի քանի շաբաթ առաջ: Մենք հանգստանում էինք գյուղական տանը, արդեն ուշ երեկո էր: Ես և կինս նստեցինք այն սենյակում, որտեղ մեր կրտսեր երեխան քնած էր (կամ գոնե մենք այդպես էինք կարծում) և քննարկում էինք մեր երեխաներից մեկի վարքագծում առաջացած խնդիրները: Եվ հետո, հանկարծ, 6-ամյա երեխաս կամաց կրկնեց իմ վերջին դիտողությունը: Վեցամյա երեխայի շուրթերից այն հնչում էր ահավոր դատապարտող:

Երեխաներս ուսումնասիրում են ինձ: Դա փաստ է: Եվ նրանք կկրկնօրինակեն իմ վարքը՝ լավ կամ վատ, ամբողջական կամ մակերեսային:

Եվ այսպես, ահա 7 բան, որ ձեր երեխաները սովորում են ձեզանից.

1. Այն, թե ինչպես եք վերաբերվում նրանց մորը

Եթե ​​դուք հարգանքով ու արժանապատվությամբ եք վերաբերվում նրանց մայրիկին, բարի եք նրա նկատմամբ, ամեն ինչ կիսում եք նրա հետ, աջակցում և խնամում նրան, ապա ձեր երեխաները հարգանքով և արժանապատվությամբ կվերաբերվեն ձեր կնոջը: Բայց եթե դուք նվաստացուցիչ, ագրեսիվ, կոպիտ եք և վիրավորում եք, կարող եք վստահ լինել, որ երեխաները նույն կերպ կվարվեն նրա հետ:

2. Այն, թե ինչպես եք տնօրինում ձեր գումարը

Եթե ​​դուք մինչև ականջները խրված եք պարտքերի մեջ կամ փողը քամուն եք տալիս, ապա ձեր երեխաները նույնպես դա չեն գնահատի՝ ոչ հիմա, ոչ էլ երբ մեծանան: Նրանք կցուցադրեն նույն անպատասխանատվությունը, որը տեսնում են ձեր մեջ: Նրանք նույնպես կապրեն պարտքերի տակ: Բայց եթե խելամիտ վարվեք, հավատարիմ մնաք բյուջեին, խնայեք և պլանավորեք, նրանք նույնը կանեն:

3. Ձեր վերաբերմունքը այլ մարդկանց

Եթե ​​դուք միշտ մարդկանց շահագործում եք ձեր օգտի համար կամ անընդհատ նվաստացնում և վիրավորում եք ուրիշներին, ձեր երեխաներն էլ նույնը կանեն: Եթե ​​մատուցողուհուն կամ խանութի վաճառողին վերաբերվեք աղբի պես, ձեր երեխաներն էլ կարհամարհեն մարդկանց: Բայց եթե ուրիշներին, հատկապես սպասարկող անձնակազմին վերաբերվեք բարությամբ և հարգանքով, ձեր երեխաները կհետևեն ձեր օրինակին:

4. Հեղինակության նկատմամբ ձեր հարգանքի մակարդակը

Եթե ​​կոպիտ եք վերաբերվում ձեզ կանգնեցրած ոստիկանին, կամ միշտ նախատում եք ձեր սարսափելի ղեկավարին, ձեր երեխաները կմեծանան՝ առանց հեղինակության նկատմամբ հարգանքի: Վերջինս ներառում է նաև ձեզ։ Բայց ձեր ղեկավարի մասին հարգանքով և բարությամբ արտահայտվելով, նույնիսկ եթե նա արժանի չէ դրան, դուք կփոխեք ձեր երեխաների վերաբերմունքը հեղինակության նկատմամբ դեպի լավը:

5. Ձեր բնավորության խորությունը և անհատականության ամբողջականությունը

Երեխաները հասկանում են, երբ խաբում եք նրանց: Նրանք նկատում են, երբ մի բան եք ասում, բայց անում են մեկ այլ բան: Նրանք լսում են, թե ինչպես եք խոսում մարդկանց կամ ձեր նյարդայնացնող հարևանի մասին: Նրանք հիշում են, թե ինչպես եք արձագանքում ճգնաժամային իրավիճակներին և անարդար մեղադրանքներին: Այն, թե որքան ներդաշնակ և ամբողջական անձնավորություն եք որոշում լինել կամ չլինել, մեծապես որոշում է ձեր երեխաների հետագա կյանքը:

6. Ձեր կարգապահության մակարդակը

Կռահեք, թե ինչ է ձեզ սպասվում, եթե ուտեք, ծախսեք և քնեք շատ, չմուծեք հաշիվները, չարաշահեք ալկոհոլը, կորցնեք ձեր տունը, միշտ կտրեք անկյունները և արդարացումներ փնտրեք ձեր չմտածված որոշումների համար: Ճիշտ է, նույնը կանեն ձեր երեխաները: Բայց եթե դուք ընտրեք կարգապահ կյանք, ձեր երեխաները նույնպես ավելի լավ (և առողջ) որոշումներ կկայացնեն:

7. Ձեր առատաձեռնության մակարդակը

Եթե ​​դուք տասանորդ չեք վճարում եկեղեցում, չեք կատարում բարեգործական ներդրումներ և նվիրատվություններ, ապա ձեր երեխաները նեւյնպես չեն վճարելու: Եթե ​​դուք չծառայեք բանակում, նրանք նույնպես չեն ծառայելու: Եթե ​​դուք գրանցվեք լավ գործի համար, այնուհետև թուլանաք և դադարեք անհրաժեշտ ջանքեր գործադրել, ձեր երեխաները կհետևեն ձեր օրինակին: Բայց եթե նրանք իրենց առջև տեսնեն առատաձեռն անձնավորություն, որը միշտ օգնում է աղքատներին և մարդկանց տալիս անկեղծ սրտով, ապա ձեր երեխաները կկրկնեն նույն վարքը և կդառնան մարդիկ, ով տալիս, սիրում և օգնում է ուրիշներին:

Հեղինակ՝ Մայք Բերրի


🎥 Նոր տեսանյութ.

telegramԳրանցվիր մեր Telegram ալիքին։ Ուղարկում ենք միայն թարմ հոդվածները և ամենաառաջինը հենց Ձեզ:

Գնահատեք հոդվածը
( 3 assessment, среднее 3.33 из 5 )
MediaMag
Խնձոր խնձորենուց. 7 բան, որ ձեր երեխաները կանեն այնպես, ինչպես դուք
Քահանան ու միանձնուհին – առակ