fbpx
Գլխավոր ՇՓՈՒՄ ԳԵՂԵՑԻԿԻ ՀԵՏ ՀԱՅԱՍՏԱՆ Մենք էլ մարդ ենք, մենք էլ քաղաքակիրթ երթևեկելու իրավունք ունենք

Մենք էլ մարդ ենք, մենք էլ քաղաքակիրթ երթևեկելու իրավունք ունենք

Այսօր վերջնականապես համբերությանս բաժակը լցվեց ու վերջապես որոշեցի գրել այս պոստը Երևանի երթուղայինների մասին:
Հոգնել եմ, հոգնել եմ ամեն անգամ զզվանքով նստել երթուղային, զզվել եմ ամեն անգամ շարժվող ռումբով երթևեկելուց, զզվել եմ շախմատի ձիու ֆիգուր ընդունել ամեն անգամ երթուղայինի մեջ: Ախր ես էլ իրավունք ունեմ քաղաքակիրթ երթևեկելու չէ՞: Նախորոք նշեմ որ եթե հնարավոր է ավտոբուս նստել, թեկուզ և այդ պատճառով երկու տրանսպորտ պետք է փոխեմ, միևնույն է ես գերադասում եմ ավտոբուսը: Այստեղ գոնե ավելի շատ ես քեզ մարդ զգում:
Ինչքա՞ն կարելի է իրար գլխի, իրար շալակ ելած երթևեկել: Ախր ե՞րբ պետք է մեր երթուղայինի վարորդները հասկանան, որ իրենք կարտոֆիլ չեն տեղափոխում, այլ մարդ, ինչքա՞ն կարելի է մարդկանց իրար վրա լցնել: Իհարկե մենք էլ սուրբ չենք: Ախր մենք ե՞րբ պիտի վերջապես հարգենք ինքներս մեզ և չնստենք առանց այն էլ բեռնատարի նման բարձված մեքենան:
Իսկ հիմա փորձեմ մասնավորեցնել.


Ավան, Դուրյան թաղամաս: Այստեղ բնակվում են չեմ վախենում ասել՝ տառապած մարդիկ: Այո՛ տառապած ու էս մարդիկ տառապում են մի երթուղու ձեռքը՝ համար 61 երթուղու: Նախ նշեմ, որ Շրջանայինից Դուրյան թաղամաս գալիս է ընդամենը մեկ համարի երթուղի, հենց 61-ը: Ճիշտ է, Շրջանայինից Ավան շատ երթուղիներ կան, բայց նրանք հասնում են մինչև Ավանի “Սթար” սուպերմարկետի մոտ, այսինքն Ավանի կենտրոն, իսկ Դուրյան թաղամասը գտնվում է ավելի վերև և հեռու: Եվ մարդիկ այնտեղից ստիպված պետք է երկրորդ տրանսպորտ փոխեն: Միակ երթուղին Շրջանայինից Ավան-Դուրյան թաղամաս դա 61-ն է: Ասեմ, որ նախ երթուղում կա շատ քիչ թվով միկրոավտոբուս՝ մոտ 5-6 ու սա հերիք չէ նրանք շարժվում են 15-20 րոպեն մեկ և աշխատում են ընդամենը մինչև ամենաշատը 20:00: Սրանց գումարած այս միկրոավտոբուսների վիճակը մեղմ ասած հեչ բարվոք չէ: Նախ ասեմ, որ գծում ոչ բոլոր միկրոավտոբուսներն են “Գազել” մակնիշի: Այստեղ Դուք կգտնեք թանգարանային նմուշներ: Իսկ եղած Գազելներն էլ քիչ է մնում քարուքանդ լինեն: Չեմ խոսում այդ երթուղայինների միջի անտանելի հոտից, չեմ խոսում որոշ վարորդների ուղևորների վրա անընդհատ հորթուբորթի մասին:
Եվ այս ամենը միայն 61-ին չի վերաբերվում: Այս վիճակում են գտնվում Երևանի երթուղիների մեծ մասը:
Ու այսպես արդեն տարիներ:
Շատ կուզենաի, որ այս գրառումս կարդաին կոմպետենտ մարմինները: Ու շատ կուզենաի իմանալ, վերջապես ե՞րբ ենք մենք էլ՝ հայ ժողովուրդս, մարդավարի, քաղաքակիրթ կերպով երթևեկելու:
Ձայն բառբառո անապատու՞մ…

Եթե Դուք նույնպես դեմ եք այս ամենին և ուզում եք քաղաքակիրթ երթևեկել, ապա կարող եք միանալ մեզ ֆեյսբուքում այս հղումով http://www.facebook.com/event.php?eid=213613932005026

կարդացեք նաև

Կենդանակերպի նշաններից ո՞վ է ամենաուժեղը և ինչո՞ւմ է կայանում նրա ուժը

Աստղաբանները միշտ նշում են, որ բնավորությունը, խառնվածքը և շատ այլ բաներ կախված են ծննդյան ամսաթվից: Եկեք պարզենք, թե ով է ամենաուժեղը (և խոսքը ֆիզիկական...

Գիտելիքներ ստուգող ԹԵՍՏ․ կկարողանա՞ք հավաքել 10/10

Հարգելի ընթերցողներ, պատրա՞ստ եք ստուգել Ձեր ընդհանուր գիտելիքները տարբեր ոլորտներին առնչվող հարցերից բաղկացած մեր այս թեստի օգնությամբ: Մեր այս թեստը սպասում է իր հաղթողներին:...

Հայրենիքից հեռու, բայց ավելի քան հայկական: Մեջբերումներ Վիլյամ Սարոյանի ստեղծագործությունից

Վիլյամ Սարոյան՝ անուն, որ ասոցացվում է թե՛ հայկական, թե՛ ամերիկյան գրականության ու արվեստի հետ և այս երկու տարբեր միջավայրերում էլ առաջացնում նույն ջերմությունն ու...

Սիրային հարցերում ամենահաջողակ Կենդանակերպի 4 նշան

Խոյ Զգայուն, իմպուլսիվ և սիրային հարցերում բռնկուն։ Սիրահարվում են առաջին հայացքից։ Նրանց կիրքը ճանապարհին ավերում է ամեն ինչ։ Այս որակը դրսևորվում է ամբողջ կյանքի ընթացքում։...

Մաշա Մնջոյանը փայլուն ելույթից հետո անցել է ավստրալական «Ձայնը» նախագծի հաջորդ փուլ (տեսանյութ)

«Հայաստանի ձայնը 2013» հեռուստանախագծի հաղթող Մաշա Մնջոյանն ավստրալական «Ձայն»-ի կույր լսումների ընթացքում փայլուն ելույթից հետո հանդիսատեսին գերել է նախագծի երկրորդ փուլում։ Երգչուհին «մենամարտել» է մեկ...