Միգուցե այս հոդվածում շատ կետեր հորինված են՝  միֆ և չեն համապատասխանում իրականությանը, մենք համոզված չենք, սակայն դրանից հոդվածի արժեքը չի ընկնում։ Մի բան հստակ է՝ արժե, որ կանայք ուշադրություն դարձնեն ստորև բերված կետերին և մտորեն դրանց շուրջ։

Չմոռանաք բաժանորդագրվել մեր Telegram ալիքին:

1. Նրանք ժպտում են նույնիսկ այն ժամանակ, երբ կատուներն են ճանկռոտում իրենց հոգին

Միշտ ժպտացեք, և՛ երբ երջանիկ եք, և՛ երբ կատուներն են ճանկռոտում ձեր հոգին: Հատկապես եթե դուք վճռական եք ձեզ համար ճիշտ տղամարդ գտնելու հարցում։

Երբ աղջիկը խոժոռվում և փնթփնթում է, քչերն են կարողանում նրան գրավիչ համարել, հատկապես հանդիպելիս: Տղամարդիկ սիրում են դրական աղջիկներին, իսկ ժպիտը բարձրացնում է նաև ձեր տրամադրությունը։

2. Նրանք ապրում են «Հիանալի տեսք ունեցիր, զգա քեզ հիանալի» կարգախոսով

Ֆրանսուհիները մեծ նշանակություն են տալիս արտաքինին և կերպարին։ Ֆրանսիական նրբագեղությունը, ինչ-որ իմաստով, նրանց կյանքի իմաստն է: Հավատացեք, եթե փարիզուհին շաբաթ երեկոյան դուրս գա զվարճանալու, նա երբեք դուրս չի գա սպորտային կոստյումով, սպորտային կոշիկներով, առանց շպարի և չլվացած մազերով՝ պոչ կապած։ Ֆրանսիացի կանայք փորձում են գեղեցիկ տեսք ունենալ ցանկացած պարագայում, նույնիսկ եթե նրանք պարզապես գնում են սուպերմարկետ գնումներ կատարելու կամ զբոսայգի իրենց երեխաների հետ։

Նրանք դա անում են ոչ այնքան տղամարդկանց հայացքը գրավելու համար, այլ որպեսզի նրանց հոգու գեղեցկությունն ու ներդաշնակությունը համապատասխանի ոչ պակաս արտաքին գեղեցկությանը: Դե, բացի այդ, ֆրանսիացիները մի շատ լավ ասացվածք ունեն. «Եթե ուզում ես մեղու բռնել, բռնիր մեղրով, ոչ թե քացախով»։

3. Նրանք գիտեն իրենց արժեքը

Ֆրանսուհիների պահվածքը քննարկելիս հաճախ ասում են, որ նրանք բոլորին վերևից են նայում։ Բայց իրականում դա այդպես չէ։ Նրանք պարզապես գիտեն, թե ովքեր են, գիտեն իրենց արժեքը և լավ գիտեն, թե ինչ կարող են առաջարկել իրենց տղամարդուն հարաբերություններում։

Մանկուց ֆրանսուհիները փորձում են անկախ լինել և այս կյանքում օգտագործել ոչ միայն գեղեցկությունը, այլ նաև խելքը։

4. Նրանք չեն վախենում տղամարդկանցից

Նրանք չեն վախենում տղամարդկանցից, նրանց դա սովորեցնում են մանկուց։ Ֆրանսիական մշակույթը չի բաժանում տղաներին ու աղջիկներին, և նրանք վաղ տարիքից շփվում են նույն միջավայրում: Հավանաբար սա է պատճառը, որ շատ ավելի քիչ տաբու թեմաներ և վարքագծի ձևեր կան նրանց համար, քան շատ այլ երկրներում: Օրինակ, եթե աշակերտուհին բողոքում է ուսուցչին, որ խնդիրներ ունի տղաներից մեկի հետ, ապա, ամենայն հավանականությամբ, ուսուցիչը նրան խորհուրդ կտա նախ մտածել, թե ինչպես կարող է ինքնուրույն լուծել այս խնդիրը, կամ պարզապես մի լավ թակել նրան, եթե նա նորից անհանգստացնի:

Իհարկե, եթե երեխաներից մեկը փորձի ուժ գործադրել կամ սկսի իրեն լիովին անարժան պահել, մեծահասակները կմիջամտեն, բայց միայն որպես վերջին միջոց: Զգույշ եղեք, տղամարդիկ, քանի որ մենք ունենք երկար եղունգներ, սուր ատամներ և կարող ենք հարվածել՝ միաժամանակ և՛ հմայիչ, և՛ վտանգավոր տեսք ունենալով։

5. Նրանք անկախ են

Ֆրանսիացի կանայք երջանիկ լինելու համար տղամարդկանց կարիք չունեն, իսկ եթե նրանք հարաբերությունների մեջ են, նրանք պաշտպանում են անձնական տարածության իրենց իրավունքը։ Սա օգնում է նրանց պահպանել և ամրապնդել իրենց անկախության զգացումը և արկածախնդիր ոգին, մի խոսքով, այն ամենը, ինչը նրանց հատկապես գրավիչ է դարձնում:

Կարդացեք նաև՝ 7 հատկանիշներ, որոնք կանանց դարձնում են հիասքանչ

6. Նրանք ռոմանտիկ են

Ֆրանսուհիներն ուղղակի աներևակայելի ռոմանտիկ են։ Սա նրանց բնորոշ է պարզապես այն պատճառով, որ նրանք ծնվել են Ֆրանսիայում։ Այնտեղի օդը բառացիորեն ներծծված է ռոմանտիկայով, և այն փառաբանված է բազմաթիվ գրքերում և ֆիլմերում։

Իսկապե՞ս ֆրանսուհիները ամենալավ համբուրվողներն են: Չգիտեմ, բայց գիտեմ, որ դա նրանց իսկապես դուր է գալիս: Նաև նրանք սիրում են ֆլիրտ: Ուրախ հայացք, նուրբ ժպիտ… Սա կարող է գեղեցիկ սկիզբ լինել:

7. Նրանք միշտ սեքսուալ են և երբեք գռեհիկ

Ֆրանսիացի կանայք սիրում են սեքսուալ լինել։ Ֆրանսիական հասարակությունը աջակցում է զգայականությանը և սեքսուալությանը, և այնտեղ դա չի համարվում «կեղտոտ» և «անարժանապատիվ» մի բան, այլ դրանք նշվում են որպես գեղեցիկ գեղագիտություն արտահայտելու միջոց:

Պարզապես զգույշ եղեք։ Եղեք սեքսուալ, բայց ոչ երբեք գռեհիկ: Շատ արագ և չափից շատ մի բացահայտեք… Սկսեք նախուտեստներից, այլ ոչ թե անցեք անմիջապես դեսերտին:

8. Նրանք չեն սպասում, որ տղամարդիկ իրենց համար աստղ կիջեցնեն երկնքից

Ֆրանսուհիները չեն փնտրում իդեալական արքայազնին, քանի որ լավ գիտեն, որ նա գոյություն չունի։ Նրանք ունեն ծանոթներ, ունեն ընկերներ և ունեն սիրեկաններ։ Բայց ֆրանսուհիները չեն խաղում «սեքս մեկ գիշերվա համար»: Եթե ​​դուք համբուրել եք նրա շուրթերը, դուք արդեն սիրահարներ եք, բայց եթե դա ավարտվի ընդամենը մի քանի համբույրից հետո, դա աշխարհի վերջը չէ…

9. Նրանք կրքոտ են

Քանի որ մենք խոսում ենք համբուրվելու մասին, ֆրանսուհիները համբուրվելու հարցում իսկական գուրմաններ են: Նրանք վայելում են լավ սնունդ, համեղ խմիչքներ… և կրքոտ համբույրներ: Մի համոզեք ֆրանսուհուն հրաժարվել շքեղ աղանդերից, լցրեք նրան միայն լավագույն շամպայնը, և նա երջանիկ կլինի։

Համբուրեք նրան այնքան կրքոտ, որքան նախկինում ոչ մեկին չեք համբուրել, և նա ձեզ ցույց կտա, թե ինչ է ինտիմ հարաբերությունների հաճույքը: Ֆրանսուհիները դրան ընդունակ են, բայց միայն իսկապես արժանի տղամարդու հետ:

10. Նրանք ամենևին էլ «անհասանելի» չեն, նրանք պարզապես հստակ գիտեն, թե ինչ (և ում) են ուզում

Ֆրանսուհիները գիտեն, թե ինչ են ուզում և ում են փնտրում։ Նրանք երախտապարտ կլինեն իրենց տղամարդուն նրա համար, թե ով է նա և երբեք նրան սովորական երևույթ չեն ընդունի:

Նրանք միշտ կփորձեն լինել գեղեցիկ և հմայիչ, առավելագույն ուշադրություն դարձնել իրենց ընտրյալներին և կանեն հնարավոր ամեն բան, որպեսզի նրանք իրենց առանձնահատուկ զգան, քանի որ նրանք այդպիսին են, այլապես չէին հանդիպի նրանց հետ։