Գլխավոր ՇՓՈՒՄ ԳԵՂԵՑԻԿԻ ՀԵՏ ԱՌԱՍՊԵԼ ԵՎ ԱՌԱԿ Իմաստուն առակ ինքնավստահության մասին

Իմաստուն առակ ինքնավստահության մասին

Բոլորիս կյանքում պատահում են պրոբլեմներ կապված ինքնավստահության հետ: Այդպիսի դեպքերի համար ժողովրդական իմաստության մեջ կան հրաշալի առակներ, որոնցից մեկն էլ ներկայացնում ենք Ձեզ.

Մի անգամ վարպետի մոտ է գալիս աշակերտը և ասում.

– Ես քեզ մոտ եմ եկել, որովհետև ինձ այնքան խղճուկ ու անպետք եմ զգում, որ նույնիսկ ապրել չեմ ուզում: Շրջապատումս բոլորը պնդում են, որ ես անհաջողակ, թափթփուկ և ապուշ եմ: Խնդրում եմ քեզ վարպետ, օգնիր:

Վարպետը մի պահ հայացքը նետելով աշակերտի վրա շտապելով պատասխանում է.

– Կներես, բայց ես հիմա շատ զբաղված եմ, ժամանակ չունեմ քեզ օգնելու: Բայց եթե համաձայնվես օգնել ինձ, ապա ես էլ մեծ հաճույքով կօգնեմ քեզ:

– Հաճույքով վարպետ, – մրթմռթաց աշակերտը, տխրությամբ նկատելով, որ նրան հերթական անգամ գցեցին երկրորդ պլան:

-Լավ, – ասաց վարպետը, և հանեց իր աջ ձեռքի ճկույթից գեղեցիկ քարով մատանին:

– Հեծնիր ձին ու գնա շուկայի հրապարակ: Ինձ հարկավոր է շատ արագ վաճառել այս մատանին, որպեսզի կարողանամ պարտքերս տալ: Աշխատիր մատանու դիմաց մեծ գումար վերցնել և ոչ մի դեպքում չհամաձայվես մեկ ոսկուց ցածր գնով վաճառել այն: Գնա և վերադարձիր որքան հնարավոր է շուտ:

Երիտասարդը վերցնում է մատանին, հեծնում ձին և գնում ուղիղ շուկա: Նա սկսում է առաջարկել մատանին առևտրականներին: Առևտրականները սկզբում հետաքրքրությամբ դիտում են իրը: Բայց բավական էր, որպեսզի նրանք լսեին ոսկու մասին՝ նրանք կորցնում են բոլոր հետարքրքրությունը մատանու հանդեպ: Որոշները բացեիբաց ծիծաղում էին տղայի վրա, մյուսները ուղղակի շրջվում և հեռանում: Միայն մի ծեր առևտրական բացատրում է երիտասարդին, որ ոսկե դրամը շատ մեծ գին է մատանու համար և որ դրա համար կարող են վճարել ամենաշատը պղնձե դրամ, ծայրահեղ դեպքում՝ արծաթյա:

Լսելով ծերունու բացատրությունը, երիտասարդը տխրում է, որովետև հիշում էր վարպետի խոսքերը՝ ոչ մի դեպքում չիջեցնել գինը մեկ ոսկուց: Շրջելով ամբողջ շուկայում և առաջարկելով ևս մի քանի մարդկանց, նա հուսահատ նորից հեծնում է ձին և վերադառնում վարպետի մոտ:

– Վարպետ, ես չկարողացա կատարել քո հանձնարարությունը, – տխրությամբ ասում է աշակերտը, – լավագույն դեպքում ես կարող էի վաճառել այն մի քանի արծաթյա դրամով, իսկ դու ինձ հանձնարարել էիր չվաճառել պակաս ոսկե դրամից: Իսկ այդքան այս մատանին չարժե:

– Դու հենց նոր շատ արժեքավոր խոսքեր ասացիր որդիս, – պատասխանում է վարպետը: Մինչ փորձելը մատանին վաճառել, վատ չէր լինի իմանալ նրա իրական արժեքը: Իսկ ո՞վ կարող է դա անել ավելի լավ, քան ոսկերիչը: Գնա ոսկերչի մոտ և հարցրու, որքա՞ն նա կառաջարկի մատանու դիմաց: Բայց ինչ էլ որ նա քեզ պատասխանի, չվաճառես մատանին, այլ վերադարձիր ինձ մոտ:

Երիտասարդը նորից հեծնում է ձին և գնում ոսկերչի մոտ:

Ոսկերիչը խոշորացույցով երկար զննում է մատանին, հետո կշռում և վերջապես դիմում աշակերտին.

– Հաղորդիր վարպետին, որ ես այժմ 58 ոսկուց ավել չեմ կարող տալ: Բայց եթե նա ինձ ժամանակ տա, ես կգնեմ մատանին 70 ոսկով՝ հաշվի առնելով գործարքի շտապ լինելը:

– 70 ոսկի՞, – երիտասարդը ուրախությամբ ծիծաղեց, շնորհակալություն հայտնեց ոսկերչին և շատ արագ վերադարձավ վարպետի մոտ:

– Նստիր այստեղ, – ասաց վարպետը, լսելով երիտասարդի ոգևորված պատմությունը: – Եվ իմացի՛ր որդիս, այդ մատանին դու ես: Թանկարժեք և անկրկնելի: Եվ գնահատել քեզ կարող է միայն իսկական փորձագետը: Այդ դեպքում, ինչո՞ւ ես դու շրջում շուկայում, սպասելով, որ դա կանի առաջին պատահածը:


Загрузка…

կարդացեք նաև

Բիլ Գեյթսի պատասխանը աշխարհի ամենահարուստ մարդու մասին զարմացրեց բոլորին

Հարցազրույցներից  մեկի ժամանակ Բիլ Գեյթսին հարցնում են. - Աշխարհում կա՞ մարդ, որ ձեզանից հարուստ է: Բիլ Գեյթսը պատասխանում է. « Այո՛, կա ավելի հարուստ մեկը: Հիշում...

Որքա՞ն մթին է Ձեր հոգին ըստ Կենդանակերպի նշանի

Երբ մենք ուսումնասիրում ենք Կենդանակերպի նշանները, հիմնականում ուշադրություն ենք դարձնում դրական բնութագրերի վրա՝ անտեսելով ոչ այդքան հաճելի ինֆորմացիան: Բայց իզուր․․․ Սեփական Կենդանակերպի նշանի մութ կողմերն...

ԹԵՍՏ․ Կկարողանա՞ք հավաքել թեկուզ 8/13՝ ընդհանուր գիտելիքներին վերաբերող մեր այս թեստում

Ահա և ընդհանուր գիտելիքներին վերաբերող նոր թեստ: Եկեք ստուգենք, թե այս անգամ ո՞վ կանցնի մեր թեստն առանց որևէ սխալի․ Գրանցվիր մեր Telegram ալիքին։ Ուղարկում ենք միայն պոպուլյար...

10 պատճառ, թե ինչու ցանկությունները չեն իրականանում

Հրաշալի կլիներ չէ՞, որ ծափ տայիր և ցանկություններն անմիջապես իրականանային: Բայց ցավոք, ոչ բոլորի մոտ է ստացվում կարճ ժամանակում իրականացնել մտահղացումները: Ինչո՞ւ ցանկությունները չեն...

Տեսահոլովակի պրեմիերա. Քրիստինե Պեպելյան՝ «Էլի կընտրեմ քեզ»

Քրիստինե Պեպելյան՝ «Էլի կընտրեմ քեզ»․ Տեսահոլովակի պրեմիերա։ Երգչուհին ինստագրամի իր էջում ազդարարել է տեսահոլովակի պրեմիերան և գրել․ «Ծնունդդ շնորհավոր իմ սեր»։ Տեսահոլովակը՝ ստորև https://youtu.be/KAKXtnDcAMw Գրանցվիր մեր Telegram ալիքին։ Ուղարկում ենք միայն պոպուլյար...