Ամեն երկիր ունի պետության գլուխ, լինի դա նախագահ, թագավոր, թագուհի, կայսեր կամ սուլթան: Եվ նրանք ունեն պաշտոնական նստավայրեր, որտեղ աշխատում են, իսկ երբեմն էլ բնակվում:

Առաջարկում ենք ծանոթանալ աշխարհի ամենատպավորիչ նախագահական նստավայրերին, որոնք տպավորում են ոչ միայն երկրի կյանքում իրենց նշանակությամբ, այլ նաև գեղեցկությամբ և ճարտարապետությամբ:

Նախագահական Նստավայր, Թայվան

Չնայած նստավայրը գտնվում է Թայվանի մայրաքաղաք Թայբեյում, սակայն այն պատկանում է Չինաստանի նախագահին: Կառուցել են այն 1919թ. ճապոնացի ճարտարապետ Նագանոյի նախագծով, դեռևս այն ժամանակ, երբ երկիրը ղեկավարվում էր Ճապոնիայի կողմից: Ճակատի երկարությունը, որը նայում է արևելք, կազմում է 130 մետր:

Կասա Ռոսադա, Արգենտինա

Կասա Ռոսադան Արգենտինայի նախագահի պաշտոնական նստավայրն է, անվանումը թարգմանվում է որպես «վարդագույն տուն»: Շենքի կառուցումը ավարտվել է 1898թ., սա երկրի տեսարժան վայրերից մեկն է և համարվում է ազգային ճարտարապետության հուշարձան:

Պրահայի ամրոց, Չեխիա

Պրահայի և ամբողջ Չեխիայի ամենակարևոր սիմվոլը: Սա երկրի նախագահի պաշտոնական նստավայրն ու գրասենյակն է: Բացի դրանից, այստեղ է պահվում Բոհեմյան թագավորության գանձերը:

Նախագահական պալատ, Լիտվա

Վիլնյուսում տեղակայված պալատը նախագահական պաշտոնական նստավայրն է: Կառուցումը սկսվել է 14-րդ դարում և տևել մինչև 1834թ.: Դրանից հետո այն բազմաթիվ փոփոխությունների է ենթարկվել մինչև 1997թ. ստացել է պաշտոնական ստատուս:

Նախագահական պալատ, Գանա

Պաշտոնապես պալատը տեղակայված է երկրի մայրաքաղաք Ակկրեյում, դարձել է նախագահական նստավայր 2008թ.:

Ելիսեյան պալատ, Փարիզ

Ելիսեյան պալատը համարվում է Ֆրանսիայի նախագահի պաշտոնական նստավայր 1848 թվականից ի վեր: Կառուցվել է այն դասական ֆրանսիական ոճով, 18-րդ դարի սկզբին: Համարվում է երկրի գլխավոր սիմվոլներից մեկը:

Կրեմլ, Ռուսաստան

Մոսկովյան Կրեմլ՝ պաշտոնական պարսպապատ կառույց, կառուցված մայրաքաղաքի ամենակենտրոնում, հանդիսանում է Ռուսաստանի նախագահի պաշտոնական նստավայր:

Քվիրինալյան պալատ, Իտալիա

Պալատը տեղակայված է Հռոմի 7-րդ ամենաբարձր բլրի վրա և հանդիսանում է Իտալիայի նախագահի պաշտոնական նստավայրը: Կառուցվել է 1583թ., մինչ այժմ իր պատերից ներս տեսել է 7 Հռոմի Պապ, 4 թագավոր և 11 նախագահ:

Ռաշտրապատի Բհավան, Հնդկաստան

Տեղակայված է Նյու Դելիում, Հնդկաստանի նախագահի պաշտոնական նստավայրն է: Պետության գլուխը բնակվում է գլխավոր պալատում, որն ունի 340 սենյակ:

Պալասիու դա Ալվորադա, Բրազիլիա

 Կառուցվել է 1958թ.: Բրազիլիայի նախագահի պաշտոնական նստավայրն է: Այսպիսի մակարդակի ժամանակակից պալատներից մեկն է համարվում:

Կասսա դե Պիսսարու, Պերու

Կառավարական պալատը, որն նաև անվանում են Կասսա դե Պիսսարու հանդիսանում է և՛ երկրի կառավարության, և՛ նախագահի պաշտոնական նստավայրը: Կառուցել է այն ֆրանսիացի կոնկիստադոր Ֆրանցիսկո Պիսսարուն 16-րդ դարում, հնդկացիների մեծ գերեզմանի վրա:

Ակորդա, Ղազախստան

Ղազախստանի մայրաքաղաք Աստանայում է գտնվում նախագահական պաշտոնական նստավայրը, որն նաև անվանում են Ակորդա: Ղազախստանի Հանրապետության նախագահի նստավայրի պաշտոնական ներկայացումը եղել է 2004թ.:

Բանգա Բխաբան, Բանգլադեշ

Բանդա Բխաբանը բրիտանա-մոնղոլական ճարտարապետության օրինակն է: Բանգլադեշի նախագահի պաշտոնական նստավայրն է: Կառուցվել է 20-րդ դարում:

Նախագահական պալատ, Լեհաստան

Շենքը կառուցվել է դեռևս 1643թ.: Սա եղել է Լեհական թագավորության փոխթագավորի և նախարարների խորհրդի նստավայր և միայն 1994թ. պալատը վեր է ածվել նախագահի պաշտոնական նստավայրի:

Բելվյու պալատ, Գերմանիա

1994թ. Բելվյու պալատը, կառուցված Շպրեե գետի ափին, դարձավ Գերմանիայի նախագահի պաշտոնական նստավայրը: Շենքը կառուցվել է  1785թ., որպես արքայազն Ավգուստ Ֆերդինանդի ամառային նստավայր: