Դու դարձել ես ինձ համար հեռավոր մի աստղ: Դարձել ես հեռավոր փայլուն աստղ, որը հեռվից լույս է տալիս, գրավում է նա իր փայլով ու կանչում է դեպ իրեն: Ուզում եմ հասնել նրան, սակայն հեռավորությունն է անհասանելի:

Մի պայծառ, փայլուն, հեռավոր ու անհաս աստղ, որ դարձել է կարծես ճակատագրիս աստղը: Ի՞նչ է մնում ինձ. միայն հեռվից հեռու հիանալ նրա փայլով և հուսալ, որ վերջիվերջո կհաղթահարվի լույսի արագությունը  և հաղթահարելով լուսային տարիները կհասնեմ նրան՝ պայծառ, փայլուն, հեռավոր ու անհաս աստղին:

Դու դարձել ես ինձ համար հեռավոր մի աստղ: Հեռվից ժպտացող, չարաճճի մի աստղ…

© Արամ Հակոբյան (Արխանգելո)