fbpx

Մոծակը, ճանճը և մեղուն – առակ

Հարցրեց մի անգամ մոծակը ճանճին.

– Մոտակայքում կա՞ն արդյոք ծաղիկներ:

– Ծաղիկների մասին ոչինչ չգիտեմ, – պատասխանում է նրան ճանճը,- բայց թրիք, կեղտ, աղբ ինչքան ուզես:

Եվ ճանճը սկսում է հերթով թվարկել մոտակա բոլոր աղբանոցները, որտեղ մոծակը անպայման պետք է լինի:

Թռչում է մոծակը ճանճի նշած ուղղությամբ և ճանապարհին հանդիպում է մեղվին:

– Չե՞ս տեսել մոտակայքում աղբանոց, – հարցնում է նա մեղվին:

-Աղբանո՞ց, ոչ չեմ տեսել, սակայն տեսել եմ մոտակայքում աճող բազմերանգ ու անուշաբույր ծաղիկներ, – պատասխանում է մեղուն:

Եվ մեղուն մանրակրկիտ պատմում է թե որ դաշտում են աճում շուշաններ, որտեղ են բացվել վարդերը և այլն:

Առակը ցույց է տալիս, որ միշտ էլ մի վայրում կարելի է տեսնել և՛ տգեղը, և՛ գեղեցիկը: Դա ընդամենը աշխարհընկալման խնդիր է:

Նոր տեսանյութ.

telegramԳրանցվիր մեր Telegram ալիքին։ Ուղարկում ենք միայն թարմ հոդվածները և ամենաառաջինը հենց Ձեզ:

Գնահատեք հոդվածը
( 1 assessment, среднее 5 из 5 )
MediaMag
Մոծակը, ճանճը և մեղուն – առակ