Գլխավոր ՇՓՈՒՄ ԳԵՂԵՑԻԿԻ ՀԵՏ ԱՌԱՍՊԵԼ ԵՎ ԱՌԱԿ Իմաստուն առակ այն մասին, թե ինչպես կարող են թշնամիներն օգտակար լինել

Իմաստուն առակ այն մասին, թե ինչպես կարող են թշնամիներն օգտակար լինել

Սիրում եմ ձեզ իմ թշնամիներ այն բանի համար, որ օգնեցիք ինքս ինձ գտնել ու կայանալ, դժվարությունների առջև չխոնարվել ու մարդկանց շատ ավելի լավ ճանաչել:

Թշնամիներ, ինչպես նաև ոչ բարին կամեցողներ ունենալն այս կյանքում այդքան էլ հազվադեպ երևույթ չէ, հատկապես այն դեպքում, երբ որևէ հաջողության ես հասել: Գործընկերները, բարեկամները նույնիսկ ընկերները կարող են նախանձի և ատելության կողմն անցնել՝ ամեն կերպ ցանկանալով (երբեն նույնիսկ չգիտակցելով), որ ձեզ մոտ ոչինչ չստացվի: Ձեզ մի ցածրացրեք և մի հասեք վիճաբանությունների ու վրեժխնդրության մակարդակին, հակառակ դեպքում դուք էլ կնմանվեք նրանց: Հատկապես, որ թշնամին դիմացինին վնաս հասցնելով առաջին հերթին ինքն իրեն է վնասում:

Կարդացեք այս շատ իմաստուն առակը:

Առակ թշնամիների մասին

Մի պետություն կար, որտեղ այնքան շատ էին հավատում նախախնամությանը, որ  սովորության համաձայն մահվանը դատապարտվածին մինչ մահապատժի ենթարկելը հնարավորություն էր տրվում մասնակցել ճակատագրի վիճակահանությանը: Պարկում կային միայն երկու թուղթ «կյանք» և «մահ» գրությամբ: Երբ դատապարտյալը քաշում էր առաջին թերթիկը նրան ողորմում էին ու բաց թողնում,  իսկ երբ քաշում էր երկրորդը, ապա մահապատիժն անմիջապես իրականացվում էր: Այդպիսով յուրաքանչյուր դատապարտյալ մինչև վերջին րոպեն փրկության հույս էր ունենում:

Մի մարդ բացեց իր գործը, որը սկսեց ծաղկել ու հաջողություն բերել նրան: Ինչպես դա հաճախ է պատահում` հաջողության հետ մեկ տեղ նրա կյանքում հայտնվեցին նրա լավը չկամեցող շատ մարդիկ: Սկզբում նրանք զրպարտելով հասան այն բանին, որ այդ մարդուն ձերբակալեն, իսկ  հետո մահվան դատապարտեն:

Իմանալով, որ դատապարտյալը փրկվելու հնարավորություն ունի նրանք խաբեությամբ պարկի միջից գողացան «կյանք» գրությամբ թուղթը և այնտեղ գցեցին երկրորդ «մահ» գրությամբ թուղթը: Այդպիսով թշնամիներն այդ  մարդուն փրկվելու ոչ մի հնարավորություն չթողեցին՝ որ թուղթն էլ նա քաշեր նրան մահվան դատավճիռ էր սպասվում:

Այդ մարդն ուներ նաև ընկերներ, որոնք իմանալով թշնամիների արարքը բանտ ներթափանցեցին և դատապարտյալին պատմեցին ամեն ինչ՝ խորհուրդ տալով այդ մասին պատմել նաև դատավորներին, որպեսզի վերջիններս նախապես ստուգեն պարկի միջի թղթերը:

Բայց, որքան էլ որ տարօրինակ էր, դատապարտյալն այդ լուրը լսելով ուրախացավ ու խնդրեց իր ընկերներին այդ մասին չասել ոչ մեկին ու հայտարարեց, որ դա կփրկի իրեն: Ընկերներին թվաց, թե նա մահվանից առաջ խելքը թռցրել  է. բայց նրանք կատարեցին իրենց ընկերոջ ցանկությունը ու լռեցին:

Հաջորդ առավոտ այդ մարդը քաշեց վիճակահանության թուղթը և նրան ազատություն տրվեց:

Ինչպես թշնամիները, այնպես էլ ընկերները շատ զարմացան, թե նա ինչպես կարողացավ դուրս գալ այդ անելանելի վիճակից:

Մարդը վարվեց հետևյալ կերպ՝ տոպրակի միջից հանելով թերթիկը առանց կարդալու նա  անմիջապես կուլ տվեց այն: Դատավորներին ոչինչ չէր մնում, բացի ստուգելուց, թե որ գրությամբ թուղթն է մնացել պարկում:  Տեսնելով, որ պարկում մնացել է «մահ» գրությամբ թերթիկը որոշեցին, որ դատապարտյալը պարկից հանել էր «կյանք» ը: Հետևաբար մարդուն ազատ արձակեցին:

Այսպիսով, այդ մարդու մահը կամեցողները ակամայից փրկեցին նրա կյանքը:

Մի մոռացեք, որ թշնամիները վատ կյանքից չէ, որ ի հայտ են գալիս: Եթե դուք թշնամիներ ունեք ուրեմն դուք արժանի եք այն բանին, որ ձեզ նախանձեն:

Загрузка…

կարդացեք նաև

6 Կենդանակերպի նշան, որոնց համար շատ դժվար է վստահել մարդկանց

Սովորել վստահել ուրիշներն՝ երբեմն շատ դժվար է։ Կան Կենդանակերպի նշաններ, որոնք բավական բաց են և թույլ են տալիս մարդկանց արագ մտնել իրենց կյանք։ Բայց...

ԹԵՍՏ. Հայտնի մարզիկներից ո՞վ է գյումրեցի, իսկ ո՞վ՝ ոչ

Այսօր ողջ աշխարհն է հիշում Գյումրիին, իսկ դա անելուց դժվար է չհիշել նաև մարզիկներին, ովքեր ողբերգություն ապրած քաղաքին կարողացել են ուրախություն պարգևել: Տպավորություն կա,...

Դադարեք նվիրվել մարդկանց, որոնք դրան արժանի չեն

Հոգացեք Ձեր մասին... Մենք ասում ենք, որ ցանկանում ենք գտնել մեր երազանքների մարդուն, բայց մենք մեր սիրտն ու հոգին տալիս ենք ում պատահի։ Ես գիտեմ շատ...

5 ամենաուժեղ Կենդանակերպի նշանները, որոնց ոչ ոք և ոչինչ չի կարող կոտրել

Ոգու ուժը կամ կա, կամ ոչ։ Ձևացնելն անհնար է։ Աստղերը չափազանց մեծ ոգու ուժով օժտել են միայն մի քանի Կենդանակերպի նշանի։ Բնավորության այս գիծը հնարավոր...

Մինկգկաբաու ժողովրդի խիստ մայրիշխանությունը, որտեղ կանայք տղամարդկանց ստրուկ են համարում

Մինկգկաբաու հնագույն ժողովուրդը շատ աշխատասեր է և տաղանդավոր։ Նրանք բոլորն են տիրապետում տարբեր հմտությունների և արհեստների։ Նրանք արհեստավարժ են ամեն ինչում, ինչով զբաղվում են։...