fbpx

MEDIAMAG.am-ը Telegram-ում

Մոր մասին ամենաիմաստուն առակներից մեկը, ով շատ էր անհանգստանում իր երեխայի համար

Շատ իմաստուն խոսքեր:

… Մի օր մի կին գալիս է Աստծու մոտ: Նրա մեջքը կորացել էր մեծ պարկի ծանրությունից:

– Դու հոգնե՞լ ես, կին, – անհանգստանում է Տերը, – իջեցրու ուսերիցդ բեռը և նստիր, հանգստացիր:

– Շնորհակալ եմ, ես երկար չեմ մնա, – հրաժարվում է կինը: – Ուղղակի խնդրեմ, և անմիջապես վերադառնամ: Եվ հետո եթե հանկարծ այս ընթացքում ինչ-որ բան պատահած լինի՝ ես ինձ երբեք չեմ ների:

– Ի՞նչը դու պատրաստ չես ներել քեզ:

– Եթե ինչ-որ բան պատահի երեխայիս հետ: Ի դեպ՝ ես հենց դրա համար էլ եկել եմ, որ խնդրեմ. Տե՛ր, փրկիր և պահպանիր նրան:

– Ես հենց միայն դա էլ անում եմ, – լրջացած ասում է Տերը: – Մի՞թե ես քեզ պատճառ եմ տվել կասկածելու իմ հոգատարությանը:

– Ոչ, բայց … այս կյանքում այնքան վտանգներ կան, վատ ազդեցություն, կտրուկ շրջադարձեր: Եվ նրա տարիքն է այդպիսին. Նա ուզում է ամեն ինչ փորձել, ամեն տեղ մտնել, ինչ-որ կերպ ինքնահաստատվել: Ես շատ եմ վախենում, որ նա կշեղվի ճանապարհից, ինքն իրեն կվնասի և ցավ կզգա:

– Դե, հաջորդ անգամ նա ավելի զգույշ կլինի, քանի որ նա իր մաշկի վրա կզգա, թե դա ինչ ցավ է, – պատասխանում է Տերը: – Սա շատ լավ փորձ է: Ինչո՞ւ չես ուզում թույլ տալ, որ նա սովորի:

– Որովհետև ուզում եմ նրան ազատել ցավից, բացականչում է մայրը: – Տեսնո՞ւմ ես. Ես միշտ ինձ հետ տանում եմ ծղոտով լի պարկ, որպեսզի ծղոտը փռեմ այնտեղ, որտեղ կարող է նա ընկնել:

– Եվ հիմա դու ուզում ես, որ ես բոլոր կողմերից ծղոտո՞վ ծածկեմ նրան: Լավ, նայի՛ր:

Եվ Աստված անմիջապես ստեղծում է ծղոտի մի ամբողջ կույտ և այն գցում աշխարհ: Նա ծղոտե օղակի մեջ է առնում այդ կնոջ որդուն՝ նրան արգելափակելով բոլոր վտանգներից, բոլոր գայթակղություններից ու փորձություններից և միևնույն ժամանակ կյանքից: Կինը տեսնում է, որ որդին փորձում է ծղոտի միջով անցնել, բայց ապարդյուն: Որդին փորձում է կոտրել ծղոտի օղակը,  բայց ընկնում հուսահատության, ապա ցասման մեջ: Իսկ վերջում նա հանում է լուցկին և կրակի տալիս ծղոտը: Կրակը բռնկվում է և ամբողջ պատկերը բառացիորեն պատվում է ծխով:

– Որդի՜ս, – ճչում է կինը: – Որդի՜ս, ես գալիս եմ օգնության:

– Ցանկանու՞մ ես ավելի շատ ծղոտ նետել կրակի մեջ, – հարցնում է Աստված:

– Հիշի՛ր. Որքան ավելի շատ են ծղոտ փռում ծնողները, այնքան ավելի ուժեղ կլինի ցանկացած գնով դրա միջով անցնելու ցանկությունը: Եթե ​​դա չի հաջողվում, մարդն ընդհանրապես կարող է այրել կյանքը:

Ի վերջո, նա չգիտի, թե որն է ցավը, և որն է ընտրության ազատությունը … Դու կարծում ես, որ սա ծղոտով լի պարկ է, բայց իրականում սա խնդիրներով լի պարկ է: Այն պարունակում է բոլոր սարսափները, որ զգում ես, բոլոր զգուշավորությունները, որ ապրում են քո մեջ, բոլոր վախերը, որով լցված ես: Այն ամենը, ինչի մասին դու մտածում և անհանգստանում ես, ուժ է ստանում և աճում է, քանի որ դրանով էներգիա ես հաղորդում այդ ամենին: Հենց այդ պատճառով էլ քո բեռն այդքան ծանր է, և քո մեջքդ էլ այդքան հոգնած …

– Այսինքն ես չպե՞տք է հոգ տանեմ իմ որդու մասին: Եվ դո՞ւ ես ինձ սա ասում, Տե՛ր:

– Հոգ տար – որքան ուզում ես: Բայց դու չպետք է անհանգստանաս: Ի վերջո, ես էլ եմ մտածում նրա մասին: Թույլ տուր անել իմ գործը: Պարզապես մի խանգարիր ինձ: Բայց սա, ինչպես հասկանում եմ, հավատքի հարց է …

telegramԳրանցվիր մեր Telegram ալիքին։ Ուղարկում ենք միայն թարմ հոդվածները:

Նոր տեսանյութ.

telegramԳրանցվիր մեր Telegram ալիքին։ Ուղարկում ենք միայն թարմ հոդվածները և ամենաառաջինը հենց Ձեզ:

Գնահատեք հոդվածը
( 4 assessment, среднее 3.5 из 5 )
MediaMag
Մոր մասին ամենաիմաստուն առակներից մեկը, ով շատ էր անհանգստանում իր երեխայի համար
«Ուղիղ երկու ամիս հավատում էինք, որ կգտնենք քեզ, հավատում էինք, որ դու մի հնարավորություն կգտնեիր փրկվելու». Մարիամ Ալեքսանյան