Հիշեք ընտրությունը միշտ Ձերն է…
Սա մի պատմություն է երկվորյակների մասին։ Նրանցից մեկը հույսերով լի լավատես էր, իսկ մյուսը նվնվան, անհույս վատատես, ում ոչինչ չէր ուրախացնում։ Ծնողները անհանգստանալով, տանում են նրանց հոգեբանի մոտ։
Հոգեբանը՝ ծնողներին պլան է առաջարկում, որպեսզի հավասարեցնի երկվորյակների կյանքի հանդեպ վերաբերմունքը.
– Մյուս ծննդյան տոնին, թող ձեր երեխաները նվերները բացեն տարբեր սենյակներում։ Վատատեսին նվիրեք ամենալավ նվերները, որ կարող եք ձեզ թույլ տալ։ Իսկ լավատեսին նվիրեք տուփով գոմաղբ։
Ծնողները հետևեցին խորհրդին և համբերատար սկսեցին սպասել արդյունքներին։ Երբ նրանք ականջ դրեցին վատատեսի սենյակի դռնից, լսեցին, թե ինչպես է նա բարձրաձայն բողոքում.
– Համակարգչի գույնը դուրս չի գալիս…, կարող եմ գրազ գալ, որ հաշվիչը շուտ շարքից դուրս կգա…, ես գիտեմ, որ մեկը ավելի մեծ խաղալիք ավտոմեքենա է ստացել…
Ծնողները մոտեցան լավատեսի սենյակին և տեսան, որ փոքրիկ լավատեսը ուրախ-ուրախ վեր է նետում գոմաղբով լի տուփը։ Տղան հրճվում էր.
– Դուք ինձ չեք խաբի։ Եթե այսքան գոմաղբ կա, ուրեմն պոնին մոտակայքում է….
Գրանցվիր մեր 
