fbpx
Գլխավոր ՇՓՈՒՄ ԳԵՂԵՑԻԿԻ ՀԵՏ ԱՌԱՍՊԵԼ ԵՎ ԱՌԱԿ Առակ այն մասին, թե որքան կարևոր է մտածել լավատեսորեն

Առակ այն մասին, թե որքան կարևոր է մտածել լավատեսորեն

«Մտքերը նյութական են»՝ իհարկե այս արտահայտությունը շատ եք լսել: Տիեզերքը գիտի, թե ինչ է մտածում մարդը և այդ ամենը իրականացնում է որպես երազանք: Նույնիսկ եթե այդ կատեգորիայի մեջ է հայտնվում նեգատիվ: Ինչին տրամադրում ես քեզ՝ դա էլ լինում է:

Խոսում են երկու հրեշտակ՝ ղեկավարը լսում է իր ենթակայի հաշվետվությունը:

– Բացատրիր երկու բառով՝ կարճ և կոնկրետ:

– Նա ողջ է, աշխատում է, ինչ-որ հույսեր ունի:

– Եվ ի՞նչ հույս:

– Չեմ կարող ասել: Արդեն երկու անգամ ցուցադրել եմ նրան բարի երազ: Ասում է, որ չի տեսնում: Իբր շատ է հոգնում աշխատավայրում:

– Իսկ այնտեղ ի՞նչ:

– Ինչպես բոլորի մոտ: Ղեկավարություն, հանձնարարություններ, շատ սուրճ և բանբասանք:

– Ղեկավարությունը նրան հանգիստ չի՞ տալիս:

– Չէի ասի: Բայց նա միևնույնն է վախենում է, ամեն ինչի հետ համաձայնվում է, իր կարծիքը չի պնդում:

– Դու նրա վախերը ցրե՞լ ես:

– Որքան կարողացել եմ: Նա աշխատանքի էր գնում, իսկ ես նրա գլխավերևում թևերս էի թափահարում: Ցրում էի ամպերը, ցույց տալիս արևը: Բայց նա նույնիսկ չնկատեց: Ստիպված էի կսմթել:

– Իսկ ի՞նչ կասես գրավիչ անծանոթուհու մասին: Գեղեցիկ կազմվածք, հաճելի պարֆյում:

– Տրորեց նրա ոտքը մետրոյում:

– Աշխատե՞ց:

– Ցավոք: նա շարունակում էր ուսումնասիրել իր հեռախոսի պարունակությունը:

– Իսկ աշխատանքից հետո ի՞նչ էր տեղի ունենում:

– Ուտում է, հեռուստացույց դիտում, մտնում է ինտերնետ, իսկ հետո պառկում է քնելու:

– Հեռուստացույցը խափանվե՞լ է:

– Այն էլ ինչպես: Բայց նա գնաց և նորը գնեց:

– Իսկ ինտերնետը կորե՞լ է:

– Ուղիղ մեկ շաբաթ: Իսկ նա սովորույթ դարձրեց աշխատավայրում ավելի երկար մնալ: Պարզվում է նրանց մոտ արգելված չէ:

– Հանգստյան օրերի՞ն:

– Քնում է մինչև ճաշ: Հետո փոշեկուլով վազում է բնակարանով մեկ: Երեկոյան ընկերների հետ պիցցա է ուտում և օղի խմում: Միայն լսեիք, թե ինչ դատարկություններ են քննարկում: Տուն է գալիս լուսաբացին մոտ: Նոր օրը նրա մոտ սկսում է զանգակները գլխում, իսկ վերջանում է հեռուստացույցով կամ համակարգչով:

– Իսկ սիրո առումով ի՞նչ:

– Կողքին է: Ապրում է երեք տուն այն կողմ: Օգտվում են նույն սուպերմարկետից:

– Հանդիպեցրե՞լ ես:

– Եվ հերթի մեջ, և մետրոյի մուտքի մոտ, և այգում: Ես նույնիսկ գերակատարել եմ հրահանգները:

– Բախտի գծերը նայե՞լ ես:

– Համապատասխանում են… Բայց ես այլևս չեմ կարող: Անհնարին խնդիր է սա:

– Դե, դե… Ուժեղ ազդող միջոցների ցուցակը քեզ մո՞տ է:

– Ահա այն: Գրիպ, կոտրվածք, աշխատանքից ազատում, հրդեհ, տնտեսական ճգնաժամ, հեղափոխություն, պատերազմ…

– Հանուն սիրո թույլ եմ տալիս գնալ ծայրահեղ քայլերի: Միայն ընտրիր դրանցից մեկը: Կատարի՛ր:

– Լսում եմ և կատարում…

Առակը կցուցանե. Նկատեք հնարավորությունները, արևը գլխավերևում և թռչունների դայլայլը, երազեք և մտածեք միայն լավի մասին: Այդ դեպքում հրեշտակները ստիպված չեն լինի ձեզ համար տարատեսակ ցնցումներ և անհաջողություններ կազմակերպել:

Ցանկանում ենք Ձեզ ամենայն բարիք:

կարդացեք նաև

Կենդանակերպի 6 բարի նշանները

Բարությունն այն որակն է, առանց որի աշխարհը կդադարի գոյություն ունենալ: Հենց բարությունն է, որ մարդկանց միավորում է, բայց ամեն մարդուն չէ, որ հեշտությամբ տրվում...

ԹԵՍՏ․ Մեծահասակների 95%-ը չի կարողանում 8/10 արդյունքով անցնել դպրոցական գիտելիքներին վերաբերող հարցերից բաղկացած այս թեստը

Ժամանակն է ստուգել, թե ինչ գիտելիքներ են մնացել ձեր հիշողության մեջ՝ դպրոցական առարկաներից: Եթե հիշեք բոլորը՝ կնշանակի, որ հրաշալի հիշողություն ունեք, իսկ եթե ոչ՝...

5 պատճառ, ըստ որոնց կինը կորցնում է տղամարդու նկատմամբ հարգանքը

Եթե ​​հարգանքը կորսված է՝ հարաբերություններն ավարտված են: 1. Չափազանց հոգատարություն Կինը պաշտպանության կարիք ունի, նրա համար կարևոր է իրեն ապահով զգալ, բայց ամեն ինչ պետք է...

Ուժեղ ոգու տեր 3 Կենդանակերպի նշան

Նկատե՞լ եք, որ որոշ մարդիկ արագ հանձնվելու հակում ունեն, իսկ մյուսները երբեք չեն փոխի իրենց ճանապարհը, քանի դեռ իրենց նպատակին չեն հասել: Աստղաբանները կարծում են,...

Գիտելիքները ստուգող ԹԵՍՏ․ Փայլեք ինտելեկտով

Համարում եք Ձեզ ինտելեկտուա՞լ: Փորձեք առանց սխալների պատասխանել ոչ այդքան հեշտ հարցերին: Վերջում չմոռանաք սոցիալական ցանցերում արդյունքներով կիսվել Ձեր ընկերների հետ: Գրանցվիր մեր Telegram ալիքին։ Ուղարկում ենք...