Բոլոր վարորդներն էլ ունեն իրենց «մեղքերը»՝ բաքում վառելիք ավելացնելու համար սպասում են մինչև վերջ, իսկ հետո շունչները պահած, զգուշությամբ հետևելով վառելիքի քանակի ցուցիչին, հույս են փափագում հասնել մոտակա բենզալցակայան:

Սակայն վառելիքի ամբողջական սպառումը կարող է հասցնել Ձեր ավտոմեքենան ծայրահեղ մաշվածության, ինչը վերջնական արդյունքում, մենքենան վերանորոգելու համար, կպահանջի ավելի մեծ ծախսեր:

RACQ-ի տեխնիկական քաղաքականության և անվտանգության բաժնի ղեկավար Սթիվ Սփոլդինգի խոսքերով, դուք հարյուրավոր դոլարներ կխնայեք, եթե պարբերաբար վառելիքով լցնեք բաքը:

«Գոյություն ունի երկու վտանգ՝ առաջինն այն է, որ վառելիքի բաքի հատակին կարող է կեղտ հավաքվել, ինչը կարող է հայտնվել վառելիքի զտիչում, ինչն արդեն կպահանջի որոշակի տեխնիկական միջամտություն:

Բայց ավելի մեծ վտանգ է ներկայացնում վառելիքի պոմպի շարքից դուրս գալը, ինչը կարող է Ձեզ վրա մի կլորիկ գումար արժենալ: Այն կարող է արժենալ 500-ից մինչև 1000 ԱՄՆ դոլար և եթե դուք չոր վիճակում եք օգտագործում վառելիքի պոմպը, մեծ է հավանականությունը, որ այն հնարավոր չէ վերանորոգել և կպահանջվի նորը»:

Եվ այսպես, ե՞րբ պետք է լիցքավորել ավտոմեքենան վառելիքով: Երբ Ձեր վառելիքի քանակն հասնում է 1/4-րդ մասի, խորհուրդ է տալիս Սթիվ Սփոլդինգը:

Վառելիք խնայելու և մի փոքր կիլոմետրաժը երկարեցնելու համար, համոզվեք, որ ավտոմեքենան պարբերաբար տեխնիկական զննության եք տալիս, ճիշտ եք փչում անիվները, չեք ծանրաբեռնում և ստուգում եք անիվների վիճակը:

Հ․Գ․ Ի դեպ, եթե դուք ավտոմեքենան վարում եք գազով՝ ապա դա չի նշանակում, որ մեքենայի բենզինի բաքը պետք է դատարկ լինի: Միշտ բաքը պահեք կիսով չափ կամ գոնե 1/4 լի բենզինով և ժամանակ առ ժամանակ մի քանի կմ վարել բենզինով:

Գրանցվիր մեր Telegram ալիքին։ Ուղարկում ենք միայն պոպուլյար հոդվածները և օրը միայն մեկ անգամ:

Գրանցվիր մեր Viber ալիքին։ Եվ ստացիր միայն թարմ հոդվածները անմիջապես քո մեսենջերին։