Շոգ ամառային օրերին ամենազովացուցիչ և առույգացնող ըմպելիքներց մեկն է համեղ պատրաստված սառը սուրճը։ Mediamag-ը որոշել է իր ընթերցողների հետ կիսվել սառը սուրճ պատրաստելու հրաշալի բաղադրատոմսերով, որը հրաշալի զովացուցիչ և առույգացնող ըմպելիք կհանդիասանա ամառվա տապին։

Անանուխաշոկոլադային սուրճ

• 300-350 մլ ամուր, թարմ եփված սուրճ
• 30-50 գ դառը շոկոլադ
• 2-4 ճ.գ. անանուխի հյութ կամ լիկյոր
• 100 գ սերուցքային պաղպաղակ
• Սառույց

Եփված և դեռևս տաք սուրճի մեջ լուծել շոկոլադը։ Մի փոքր սառեցնել ըմպելիքը և ավելացնել դրա մեջ պաղպաղակի կեսը, անանուխի հյութը (լիկյոր), սառույցի մի քանի խորանարդիկ և հարել բլենդերում։ Մատուցել բարձր բաժակով, վրան դնել պաղպաղակի մյուս մասը։ Կարելի է ձևավորել շոկոլադի փշուրներով և անանուխի տերևներով։

Սրճային սմուզի

• 250 մլ թարմ եփված և սառեցված էսպրեսսո սուրճ
• Ոչ մեծ բանան
• 250 մլ սովորական յուղազերծված յոգուրտ
• 1/2 ճ. գ. բնական, ոչ քացր կակաոի փոշի

Բանանից պատրաստել պյուրե, ավելացնել յոգուրտը և հարել։ Ստացված զանգվածին ավելացնել թարմ եփված և սառեցված էսպրեսսո սուրճը և կրկին հարել։ Կակաո և դարչինն ավելացնել ըստ ճաշակի։

Սրճային սառույցներով կաթ

• 5 թ.գ. լուծվող սուրճ
• 5 ճ.գ. շաքար
• վանիլ
• 250 մլ եռացրած ջուր
• 250 մլ կաթ

Տարայի մեջ խառնել սուրճը շաքարի հետ, ավելացնել եռացրած ջուրը և խառնել։ Ստացված ըմպելիքը մի փոքր սառեցնել, ավելացնել մեկ պտղունց վանիլ, այդ ամենը լցնել սառույցի ձևամանների մեջ և տեղադրել սառնախցիկում։ Երբ սառույցը պատրաստ կլինի՝ լցնել այն բարձր բաժակների մեջ և վրան լցնել սառը կաթ։ Մի փոքր սպասեք, որպեսզի սառույցը մի փոքր հալվի և խառնվի կաթի հետ։ Պատրաստ է։

Սրճակաթնային կոկտեյլ

• 1 բաժակ սառույցով սուրճ
• 1 բաժակ կաթ
• 2 բաժակ սրճային պաղպաղակ
• 1 բաժակ վանիլային պաղպաղակ
• 1-2 հատ բլիթ
• 4 խորանարդիկ սառույց
• դարչին, սառույց՝ ըստ ցանկության

Բոլոր բաղադրիչները խառնել բլենդերում։ Մատուցել բարձր բաժակի մեջ։ Մատուցելուց առաջ թեթև թրջեք բաժակի ծայրերը, և ծայրերին ցանեք դարչինի և շաքարի խառնուրդ։

Տնային սառը կապուչինո

• 1 բաժակ կաթ
• 1 ճ.գ. շոկոլադային սիրոպ
• 1 թ.գ. լուծվող սուրճ (փոշի)
• 2 խորանադ սառույց
• շաքար

Կաթը, շոկոլադային սիրոպը, սառույցը և սուրճը լցնել բլենդերի մեջ և հարել մինչև փրփուրի առաջացումը։ Շաքարն ավելացնել ըստ ճաշակի, լցնել այն բաժակների մեջ, զարդարել ըստ ցանկության։