Որպեսզի իմանաք, թե ինչ հոգեվիճակում եք, ընտրեք նկարներից մեկն ու կարդացեք, թե ինչ է նշանակում ձեր ընտրությունը։

Նկար 1

Անհոգ եք, չեք տրտնջում և չեք հուսալքվում։ Կյանքը ձեզ համար ազատություն և ինքնաբերականություն է։ Աշխատում եք վայելել կյանքի ամեն մի պահը։ Ձեր կարգախոսն է. «ապրում ենք միայն մեկ անգամ» և դա 100% ձեր մասին է։ Բաց եք նոր տպավորությունների համար, հետաքրքրասեր եք և սիրում եք փոփոխություններ։ Ռիսկը գերադասում եք հանգամանքներով սահմանափակված լինելուց։ Հետազոտում եք ձեր շրջապատի բոլոր սահմանները և միշտ ուրախ եք անակնկալների համար։

Նկար 2

Անկախ եք, պայմանականությունները խորթ են ձեզ համար, անմիջական եք։ Միշտ քայլում եք սեփական ճանապարհով՝ չընդունելով սահմանափակող գործոններն, որոնք խանգարում են ընտրել սեփական ուղղությունը։ Ունեք արտիւստիկ ունակություններ, որոնք դրսևորվում են աշխատանքում կամ ազատ ժամանակ։ Երբեք առանց մտածելու չեք ընդունի այն, ինչ նորաձև է։ Ապրում եք ձեր պատկերացումներին և համոզմունքներին համապատասխան, նույնիսկ, եթե դա նշանակում է՝ լողալ հոսանքի ուղղությանը հակառակ։

Նկար 3

Հակված եք վերլուծել ինքներդ ձեզ, մտածող, զգացմունքային մարդ եք։ Խորասուզված եք մտքերում ու ձեզ շրջապատող աշխարհում։ Տանել չեք կարողանում մակերեսային ոչ մի բան։ Գերադասում եք միայնակ լինել, քան դատարկախոսություն լսել։ Հագեցած հարաբերություններ ունեք ընկերների հետ, ինչը ձեզ ներքին հանգստության զգացում, ներդաշնակություն է պարգևում, որոնք այդքան կարևոր են լավ ինքնազգացողության համար։ Երկարաժամկետ միայնությունը ձեզ չի ձգում. հազվադեպ եք ձանձրանում։

Նկար 4

Կյանքի մարդ, հավասարակշռված, ներդաշնակ։ Այս բառերը լավագույս բնութագրում են ձեզ։ Գնահատում եք բնականությունն ու պարզությունը։ Մարդկանց հարմար է ձեզ հետ. ամուր կանգնած եք հողին, կարելի է վստահել ձեզ։ Պաշտպանության զգացում եք հաղորդում նրանց, ովքեր թանկ են ձեզ համար, միևնույն ժամանակ՝ չեք ճնշում նրանց։ Պրակտիկ և էլեգանտ հագուստ եք նախընտրում։

Նկար 5

Պրագմատիկ պրոֆեսիոնալ, ով վստահ է իր ուժերին։ Վերահսկում եք կյանքը և հույս չեք դնում հաջողության վրա. հույս դնում եք բացառապես ձեր գործողությունների վրա։ Պարզ միջոցներով լուծում եք խնդիրները՝ առանց բարդությունների։ Կյանքին նայում եք ռեալիստի աչքերով, ամենօրյա հոգսերին մոտենում եք վճռականորեն։ Աշխատավայրում ձեզ վստահում են պատասխանատու աշխատանք։ Հոգով ուժեղ եք, ինչը զգում են նաև մարդիկ։ Հաճույք չեք ստանում, քանի դեռ սկսած գործն ավարտին չեք հասցնում։

Նկար 6

Խաղաղասեր եք, մտածող, ոչ ագրեսիվ։ Ձեզ հետ հեշտ է շփվել, բայց շփվելիս զգուշավորություն եք ցուցաբերում։ Առանց դժվարության ընկերներ եք ձեռք բերում, բայց սիրում եք առանձնանալ և անկախ լինել։ Ժամանակ առ ժամանակ կարիք են ունենում հանգստանալ ամեն ինչից և միայնակ լինել ինքներդ ձեզ հետ։ Ձեզ տարածություն է հարկավոր, այդ պատճառով էլ երբեմն «թաքնվում եք» ձեր սիրելի վայրերում։ Ներդաշնակ եք ինքներդ ձեզ և շրջապատող աշխարհի հետ, գնահատում եք այն ամենը, ինչ ձեզ առաջարկում է կյանքը։

Նկար 7

Դինամիկ եք, ակտիվ, էքստրավերտ։ Հակված եք ռիսկային գործողությունների։ Կարող եք ձեզ վրա լուրջ պարտականություններ վերցնել հետաքրքիր ու բազմազան աշխատանքի դիմաց։ Իրավիճակի ամենօրյա կրկնությունը պարզապես կաթվածահար է անում ձեզ։

Նկար 8

Ռոմանտիկ եք, երազող, զգացմունքային։ Հրաժարվում եք երևույթները դիտարկել ռեալիստական տեսանկյունից։ Ձեզ համար կարևոր է այն, ինչ ասում են զգացմունքները։ Ձեզ համար կարևոր է երազանքներ ունենալ։ Ձեզ համար հետաքրքիր չեն մարդիկ, ովքեր ժխտում են ռոմանտիզմը և հիմնվում են միայն դատողության վրա։ Չեք ընդունում որևէ բան, որը կարող է սահմանափակել զգացմունքների և էմոցիաների բազմազանությունը։

Նկար 9

Անկանխատեսելի եք։ Մարդկանց երբեմն դժվար է ձեզ հետ, բայց նաև հետաքրքիր, քանի որ նրանք երբեք չգիտեն, թե այս անգամ ինչով կզարմացնեք իրենց։ Օրիգինալ հայացք ունեք կյանքի նկատմամբ, ամեն ինչում փորձում եք որևէ հետաքրքիր բան գտնել։ Հեշտությամբ եք բորբոքվում, բայց նաև հեշտությամբ եք կորցնում հետաքրքրությունը։ Եթե երևակայությանը տուրք տաք, այն ձեզ կարող է հետաքրքիր վայրեր հասցնել։