Մարդուն կարոտելը հազվադեպ է ռոմանտիկ ու գեղեցիկ տեսք ունենում, ինչպես ֆիլմերում: Ավելի հաճախ դա ներքին լարվածություն է, դադարներ, տարօրինակ ժեստեր և կիսատոններ: Հատկապես, եթե խոսքը տղամարդու մասին է, ով սովոր չէ բացահայտ խոսել զգացմունքների մասին կամ վախենում է նորից մտերմանալ:
Չմոռանաք բաժանորդագրվել մեր Telegram ալիքին:
Կարևոր է հիշել. Կարոտը հաճախ թաքնված է մանրուքների մեջ, որոնք առաջին հայացքից կարող են աննշան թվալ:
Ահա ինը նշան, որոնք փաստում են այն մասին, որ դու շարունակում ես ապրել նրա ներքին տարածքում.
1. Նա գրելու առիթ է փնտրում, այլ ոչ թե թեմա
Նրա հաղորդագրությունները կարող են աննշան թվալ՝ մեմ, կարճ մեկնաբանություն, հղում կամ չեզոք հարց: Բայց դրա հետևում կանգնած է գլխավորը՝ նա փնտրում է շփման կետ, այլ ոչ թե բովանդակային զրույց: Առիթը կարող է լինել ցանկացածը, որովհետև իրական նպատակը կապի զգացողությունը վերականգնելն է:
Երբ մարդը կարոտում է, նա հազվադեպ է գրում «ըստ էության»: Նա գրում է, որպեսզի հիշեցնի իր մասին և զգա արձագանքը:
2. Նա հիշում է մանրուքներ, որոնք դու ինքդ կարևոր չէիր համարում
Նա մտաբերում է արտահայտություններ, որոնք ասվել են հպանցիկ, քո սովորությունները, ռեակցիաները, մանրուքներ զրույցներից: Սա ոչ թե «լավ հիշողություն» է, այլ հուզական ֆիքսացիա: Մանրուքները պահպանվում են միայն այնտեղ, որտեղ կա զգացմունք:
3. Նա կարող է երկար լռել, բայց պատասխանում է գրեթե անմիջապես
Պաուզաները նրա հաղորդագրությունների միջև կարող են մեծ լինել: Բայց բավական է դու գրես, և նա պատասխանում է արագ: Սա նշան է այն բանի, որ դու արդեն նրա կյանքի «ֆոնին» ես:
4. Նա աննկատ ներկա է քո թվային կյանքում
Լայքերը, սթորիների դիտումները, հազվադեպ ռեակցիաներն առանց բառերի՝ սրանք անվտանգ մտերմության ձևեր են: Նա կարծես կողքիդ է, բայց դուրս չի գալիս ուղիղ շփման: Սա բնորոշ է այն մարդկանց, ովքեր վախենում են մերժումից:
5. Նրան հետաքրքրում է քո ներքին վիճակը
Նա հարցնում է ոչ միայն գործերի, այլև այն մասին, թե ինչպես ես քեզ զգում: Հարցերը դառնում են ավելի անձնական, մեղմ, ուղղված դեպի ներս: Սա խոսում է հուզական ներգրավվածության մասին:
Կարդացեք նաև՝ 7 հստակ նշան, որ ինչ-որ մեկը կարոտում է ձեզ
6. Նա զգուշորեն դրսևորում է խանդ
Սրանք տեսարաններ կամ հավակնություններ չեն: Ավելի շուտ՝ կատակ, ճշտող հարց, թեթև «խայթոց»: Նման խանդը ոչ թե վերահսկողության մասին է, այլ կապը կորցնելու վախի:
7. Նա վերադառնում է ընդհանուր անցյալին
«Իսկ հիշո՞ւմ ես…», «ես հիշեցի…» արտահայտությունները՝ սրանք մտերմությունը նորից վերապրելու փորձեր են: Անցյալը դառնում է մի կետ, որտեղ կապն ակնհայտ էր և անվտանգ:
8. Նա առաջարկում է հանդիպումներ՝ առանց ճնշման
Ձևակերպումները լղոզված են, զգուշավոր. «եթե ցանկանաս», «կարող ենք հատվել»: Սա հրավեր է՝ առանց ուղղակիորեն մերժվելու ռիսկի:
9. Նա վերջնականապես չի փակում դուռը
Նույնիսկ եթե ձեր միջև դադար է, նա լիովին չի անհետանում: Նա չի կտրում կապը, վերջակետ չի դնում: Սա կարոտի ամենաճշգրիտ նշաններից մեկն է. մարդը չի կարողանում բաց թողնել:
Ամփոփում
Կարոտել չի նշանակում պատրաստ լինել հարաբերությունների: Երբեմն մարդը տխրում է, բայց վախենում է մտերմությունից կամ պատասխանատվությունից:
Ուստի կարևոր է նայել ոչ միայն նշաններին, այլև ժամանակի ընթացքում կատարվող գործողություններին: Կարոտը ազդանշան է: Բայց միայն դու ես որոշում, թե ինչ անել դրա հետ:
Գրանցվիր մեր 
