Հնդիկ գեղեցկուհիների առօրյա տեսքն անհնար է պատկերացնել առանց վառ ապարանջանների, մատանիների, ականջօղերի ու վզնոցների։ Կանայք ակտիվորեն փորձում են տարբեր զարդեր ոչ միայն հանուն գեղեցկության։ Ոսկերչական իրերի առկայությամբ է, որ կարելի է իմանալ Հնդկաստանի բնակչի սոցիալական, ամուսնական կարգավիճակի և ֆինանսական բաղադրիչի մասին:

Չմոռանաք բաժանորդագրվել մեր Telegram ալիքին:

Հնդկական մշակույթում յուրաքանչյուր զարդ կրում է հոգևոր և կրոնական նշանակություն: Մեծ նշանակություն է տրվում հարսանեկան զարդերին։ Զարդերը, որ կրում է հարսնացուն, խորհրդանշում է, որ նա շուտով կդառնա ապագա ամուսնու ընտանիքի անդամը։

Ամուսնությունը կարևոր շրջան է յուրաքանչյուր հնդիկ կնոջ կյանքում։ Հարսանիքից հետո նա պետք է էլ ավելի հոգ տանի իր մասին, քանի որ ամուսնու առաջ միշտ պետք է գեղեցիկ մնա՝ ոտքից գլուխ զարդեր հագնի, վառ դիմահարդարվի, լավագույն զգեստները հագնի։ Մենք հավաքել ենք զարդերի ընտրանի, որը պետք է ունենա յուրաքանչյուր հնդիկ գեղեցկուհի։

Վզնոցներ

Հաարան հսկայական զարդեր են, որոնք կրում են պարանոցի շուրջը: Ենթադրվում է, որ մարմնի այս կոնկրետ հատվածը այն վայրն է, որտեղ գտնվում է չակրան: Հնդկաստանի բնակիչները կարծում են, որ վզնոցը գրավում է սերը և պաշտպանում դժբախտությունից: Հաարայի դիմային մասը սովորաբար առատորեն զարդարված է: Դա արվում է, որպեսզի աղջիկը կարողանա ցուցադրել իր վզնոցի ամենամեծ և ամենաթանկ քարերը։

Մատանիներ

Հայելիով հետաքրքիր մատանին Հնդկաստանում անվանում են «աարսի»: Ավանդաբար այն կրում են բթամատի վրա։ Ըստ սովորույթների՝ առաջինը, ինչ պետք է տեսնի հնդիկ կինը արթնանալուց հետո, իր դեմքն է։

Ականջօղեր

Հին ժամանակներից Հնդկաստանում հավատում էին, որ ականջի բլթակը բարձր հոգևոր զարգացման ցուցանիշ է: Նույն Բուդդայի արձանները սովորաբար պատրաստվում են երկարավուն բլթակներով: Ականջօղերն առաջին հերթին զարդարանք են ամուսնացած կանանց համար: Դրանք ունեն ծաղկի կամ մրգի ձև: Ականջօղերի կողքին հաճախ կարելի է շղթաներ տեսնել, որոնք կոկիկ ամրացված են մազերին կամ ականջի շուրջը։

Կարդացեք նաև՝ Հնդկական ժամանակակից հարսանեկան զգեստներ, որոնք անտարբեր չեն թողնի և ոչ մի աղջկա 

Քթի զարդեր

Հնդկուհիների, թերևս, ամենաարտասովոր զարդարանքներից մեկը նատն է, որը ամրացվում է ձախ քթանցքին։ Այն խորհրդանշում է մաքրություն և խոնարհություն: Նատը ամենից հաճախ պատրաստվում է ոսկուց։ Զարդը կարող է լինել կամ գրեթե անտեսանելի կամ բավական զանգվածային:

Ապարանջաններ

Սովորաբար, հնդիկ կանայք թևնոցներ են կրում ձեռքերին, ոտքերին կամ նախաբազուկներին: Զարդերի վրա կարելի է տեսնել թանկարժեք քարերի բազմազանություն՝ զմրուխտ, սուտակ, ադամանդ: Ենթադրվում է, որ դաստակի փակ համակարգը արեգակնային էներգիայի խորհրդանիշն է։

Հնդկուհիների շրջանում շատ տարածված չուրին բարակ ապարանջաններն են, որոնք կրում են երկու ձեռքերին 8, 12 կամ 24 կտորներով:

Մազերի զարդեր

Հնդկաստանի ամենաօրիգինալ աքսեսուարներից մեկը կարելի է անվանել շրինգարփաթթին՝ թանկարժեք քարերից և ոսկուց պատրաստված զարդարանք, որը կրում են մազերի գծի երկայնքով։ Ավելի պարզեցված տարբերակ է տիքը: Զարդը նախատեսված է գլխի բաժանման համար։ Տիքայի մի ծայրում կա կեռիկ, իսկ մյուս ծայրում՝ կախազարդ, որը կախված է դեպի ճակատի կենտրոնը։

Բինդի

Չենք կարող չնշել հնդկական գեղեցկուհիների ամենահայտնի զարդարանքը՝ բինդին: Սա ճակատի կենտրոնում գտնվող կարմիր կետն է, որը խորհրդանշում է երրորդ աչքը։ Բինդին, որպես կանոն, կրում են միայն ամուսնացած կանայք։

Բացի հարսանեկան զարդերից, հնդկական մշակույթում կարևոր դեր են խաղում կրոնական նշանակություն ունեցող զարդերը: Հինդուիզմում դրանք հաճախ ասոցացվում են աստվածային էակների հետ: Աքսեսուարները դրանց հանդեպ մարդու հավատքի խորհրդանիշն են: Կրոնական զարդերը հաճախ հիշեցնում են ամուլետներ կամ թալիսմաններ, որոնք անհրաժեշտ են չար ոգիներից պաշտպանվելու համար։