fbpx
Գլխավոր ՇՓՈՒՄ ԳԵՂԵՑԻԿԻ ՀԵՏ ՀԱՆՐԱՃԱՆԱՉ ՄԱՐԴԻԿ «Ուրախությունները մոռացվում են, իսկ վշտերը՝ երբեք...». մեջբերումներ Լերմոնտովի «Մեր ժամանակի հերոսը» վեպից

«Ուրախությունները մոռացվում են, իսկ վշտերը՝ երբեք…». մեջբերումներ Լերմոնտովի «Մեր ժամանակի հերոսը» վեպից

«Մեր ժամանակի հերոսը» ռուս հայտնի հեղինակ Միխայիլ Լերմոնտովի վեպն է հետաքրքիր և տարբերվող խառնվածք ունեցող Գրիգորի Ալեքսանդրովիչ Պեչորինի մասին: Արկածախնդիր այս երիտասարդը հաճախ դառնում է նաև «ավելորդ» մարդու հավաքական կերպար, քանի որ նման չէ մյուսներին, հետևաբար նրա և հասարակության միջև առաջանում են պատնեշներ: Վեպն ունի ինչպես հետաքրքիր սյուժե, այնպես էլ կառուցվածք՝ կազմված է հինգ կարճ պատմություններից, որոնք վստահեցնում ենք՝ չեն ձանձրացնում ընթերցողին: Այսօր առանձնացրել ենք հեղինակի և նրա հետաքրքիր հերոսի նույնքան հետաքրքիր մտքերն ու արտահայտությունները.

            «Պարզ սրտերում բնության գեղեցկության և վեհության զգացումը հարյուրապատիկ ավելի ուժեղ ու վառ է, քան մեր խոսելով և թղթի վրա ոգևորված գրելով պատմողներիս մեջ»:

            «Երեխայական զգացում է, չեմ վիճում, բայց հասարակության պայմաններից հեռանալով և բնությանը մոտենալով, մենք ակամա երեխաներ ենք դառնում. բոլոր ձեռք բերվածը թոթափվում է հոգուցդ, և նա դառնում է նորից այնպիսին, ինչպիսին եղել է մի ժամանակ և, անշուշտ, երբևէ դարձյալ լինելու է»:

            «Ես նկատել եմ, որ միշտ ինչ-որ տարօրինակ հարաբերություն կա մարդու արտաքինի և հոգու միջև, կարծես մարմնի որևէ անդամը կորցնելով հոգին մի որևէ մի զգացմունք է կորցնում»:

        «Տխրությունը հասարակության մեջ ծիծաղելի է, իսկ չափից շատ ուրախությունը՝ անքաղաքավարություն»:

            «Երբ նա ծիծաղում էր, այդ աչքերը չէին ծիծաղում: Ձեզ չի հանդիպել մարդկանց մեջ այսպիսի տարօրինակություն նկատել: Դա կամ չար բնավորության կամ մշտական վշտի նշան է»:

            «Եվ գուցե ես վաղը մեռնեմ ու երկրի վրա չմնա ինձ լիովին հասկացող ոչ մի էակ: Ոմանք ինձ ավելի վատ են համարում, մյուսները ավելի լավ, քան ես կամ… Ոմանք կասեն «Նա բարի մարդու մեկն էր», մյուսները՝ «Սրիկա էր»: Թե՛ մեկը, թե՛ մյուսը սխալ կլինեն: Դրանից հետո արժե՞ արդյոք ջանք թափել ապրելու համար: Իսկ ապրում ես հետաքրքրությունից դրդված, ինչ-որ նոր բանի ես սպասում… Ծիծաղելի է և ցավալի»:

            «Իմ վերաբերմամբ պետք է ասեմ, որ ես միշտ ավելի համարձակ եմ առաջ գնում, երբ չգիտեմ, թե ինձ ինչ է սպասում: Չէ՞ որ մահից վատ ոչինչ չի պատահի, իսկ մահից չես խուսափի…»

            «Սկսեցի կարդալ սովորել: Գիտությունները նույնպես ձանձրացրին, տեսնում էի, որ ոչ փառքը, ոչ երջանկությունը բնավ կախված չեն դրանցից, որովհետև ամենաերջանիկ մարդիկ տգետներն են, իսկ փառքը բախտի բան է, և այն ձեռք բերելու համար հարկավոր է միայն ճարպիկ լինել»:

            «Մեր հասարակությունը դեռ այնքան երիտասարդ է և պարզամիտ, որ առակը չի հասկանում, եթե նրա վերջում բարոյախոսություն չի գտնում. նա կատակը չի կռահում, հեգնանքը չի զգում»:

            «Մարդկանց բավական կերակրել են քաղցրավենիքներով: Դրանից նրանց ստամոքսը փչացել է, հարկավոր են դառը դեղեր, կծու ճշմարտություններ…»

            «Չէ՞ որ էն տեսակ մարդիկ կան, որոնց ճակատին գրված է, թե նրանց հետ զանազան արտասովոր բաներ պետք է պատահեն»:

            «Մեր հասարակությունը նման է մի գավառացու, որը թշնամի արքունիքների պատկանող երկու դիվանագետների խոսակցությունը լսելով, հավատացած կմնար, թե նրանցից ամեն մեկը խաբում է իր կառավարությանը հօգուտ փոխադարձ, ամենաքնքուշ բարեկամության»:

            «Առանց հիմարների աշխարհում շատ ձանձրալի կլիներ…»

        «Երբեք չպետք է մերժել մեղա եկող հանցավորին. հուսահատությունից նա կարող է կրկնակի հանցագործ դառնալ»:

            «Ուրախությունները մոռացվում են, իսկ վշտերը՝ երբեք…»

            «Մենք բավական անտարբեր ենք դեպի ամեն ինչ, բացի մեզանից

      «Ձեր անհաջողությունների մասին ոչ ոքի մի պատմեք, դա ընկերներին կտխրեցնի, իսկ թշնամիներին կուրախացնի»:

Հրապարակման ներկայացրեց՝ Թամարա Դիլբարյանը

Դուք նույնպես կարող եք հրապարակել Ձեր նյութը Mediamag.am-ում։ Նյութը հրապարակելու համար անցեք ներքևի հղումով.

Դարձի՛ր հեղինակ, ստեղծի՛ր քո հաջողակ նյութը

telegramԳրանցվիր մեր Telegram ալիքին։ Ուղարկում ենք միայն պոպուլյար հոդվածները և օրը միայն մեկ անգամ:

viberԳրանցվիր մեր Viber ալիքին։ Եվ ստացիր միայն թարմ հոդվածները անմիջապես քո մեսենջերին։

կարդացեք նաև

Կենդանակերպի նշանների սեռական պահանջները

Կենդանակերպի նշաններից ամեն մեկը սեռական տարբեր պահանջներ ունի եւ իմանալով զուգընկերոջ նախընտրությունների մասին՝ կարելի է հեշտությամբ գայթակղել նրան։ Խոյ Խոյերը շատ սեքսուալ են, սակայն նրանք նաեւ...

Բազմագիտակության ԹԵՍՏ․ հարցեր տարբեր ոլորտներից

Բազմագիտակ մարդը միշտ և ամենուր բոլորի մոտ հարգանքի է արժանանում: Իսկ դո՞ւք կարո՞ղ եք գլուխ գովալ Ձեր գիտելիքների պաշարով: Ստուգեք Ձեր բազմագիտակությունը, անցնելով մեր այս...
video

ՎԻԴԵՈԴԱՍ․ Լուսանկարների համար անսահմանափակ քանակությամբ ֆիլտրեր Photoshop-ով

Այս վիդեոդասում դուք կսովորեք լուսանկարներին գեղեցիկ տեսք հաղորդելու անսահմանափակ քանակությամբ հնարքներ․․․ Գրանցվիր մեր Telegram ալիքին։ Ուղարկում ենք միայն թարմ հոդվածները և ամենաառաջինը հենց Ձեզ: Գրանցվիր մեր Viber...

Շաբաթվա հորոսկոպ․ ի՞նչ է սպասվում կենդանակերպի նշաններին՝ օգոստոսի 10-ից 16-ը

Ի՞նչ է սպասվում կենդանակերպի նշաններին՝ օգոստոսի 10-ից 16-ը․ ԽՈՅԵՐ Այս շաբաթ ձեր սիրելին իր ինչ-որ ցանկության մեջ միայնակ կլինի, քանի որ դուք չեք կիսի նրա ծրագրերն...

Բազմագիտակության ԹԵՍՏ․ հարցեր տարբեր ոլորտներից բոլոր նրանց համար, ովքեր սիրում են ուղեղը պահել լավ «մարզավիճակում»

Այս անգամ մեր բազմագիտակության թեստի հարցերը բավական բարդ են և ոչ բոլորը կարող են պատասխանել այդ հարցերին: Ի՞նչ եք կարծում կհերիքի՞ Ձեր գիտելիքները դրանց...