fbpx
Գլխավոր ՇՓՈՒՄ ԳԵՂԵՑԻԿԻ ՀԵՏ ՀԱՆՐԱՃԱՆԱՉ ՄԱՐԴԻԿ Մեջբերումներ Ջեք Լոնդոնի «Մարտին Իդեն» ստեղծագործությունից

Մեջբերումներ Ջեք Լոնդոնի «Մարտին Իդեն» ստեղծագործությունից

Ամերիկացի գրող Ջեք Լոնդոնը (իսկական անուն ազգանունը՝ Ջոն Գրիֆիթ) իր կարճատև կյանքի ընթացքում հասցրել է թողնել հարուստ գրական ժառանգություն: Ծանր է եղել գրողի մանկությունը, ինչը ստիպել է նրան չհրաժարվել ոչ մի տեսակ աշխատանքից, կատարել ամեն հնարավորը՝ գումար վաստակելու համար: Աշխատել է որպես լրագրավաճառ, գործարանի բանվոր, նավաստի, լվացքատան արդուկող, հնոցապան: Այս հանգամանքը չէր կարող չթափանցել գրողի ստեղծագործական աշխարհ, հետևաբար նրա լավագույն ստեղծագործությունը ևս անմասն չմնաց գրողի կենսագրական որոշ փաստեր արտահայտելուց: «Մարտին Իդեն»՝ այսպես է կոչվում նրա լավագույն ստեղծագործությունը, որի հերոսը նյութապաշտ իրականության դեմ մաքառող տաղանդավոր արվեստագետ Մարտին Իդենն է: Ստեղծագործությունը կարդալու ողջ ընթացքում հերոսը իր անկոտրում բնավորությամբ և խիզախությամբ է համակում նաև ընթերցողներին:

Ահա ներկայացնենք ստեղծագործության մեջ տեղ գտած այն մտքերը, որոնք կարծում ենք՝ ամենից ուսուցողականը և առաջ մղողն են կյանքում.

         «Եթե աշխարհում կա իսկական գութ, դա գտնվում է միայն այստեղ՝ աղքատների մեջ»:

            «Նա շահեց ճակատամարտը հենց այն պահին, երբ թվում էր, թե կորցրել է ամեն ինչ»:

           «Կյանքը շատ կարճ է, և ես ուզում եմ միշտ վերցնել մարդուց այն լավագույնը, որ կա նրա մեջ»:

            «Անցյալում նա անմտորեն կարծում էր, թե ամեն մի լավ հագնված մարդ, որ բանվորական դասին չի պատկանում, մտքի ուժ և գեղեցիկն ըմբռնելու նուրբ զգացում ունի: Օսլայած օձիքը նրան թվում էր կուլտորայի նշան, և նա դեռ չգիտեր, որ համալսարանական կրթությունը և իսկական զարգացումը բոլորովին տարբեր բաներ են»:

            «Բոլորն էլ իրենց նեղ ու փոքրիկ կյանքը հարմարեցնում են ընդհանուր նեղ ու փոքրիկ բանաձևերի, բոլորն էլ իրենց կյանքը սարքում են պատրաստի տիպարի համապատասխան: Եվ շարունակ նայելով իրար, նմանվելով իրար՝ այդ ողորմելի արարածները պատրաստ են ջնջել իրենց անհատական առանձնահատկությունները, հրաժարվել ինքնուրույն կյանքից, միայն թե չխախտեն այդ անհեթեթ կանոնները»:

            «Ինչ գոյություն ունի, դա համարվում է ոչ միայն ճիշտ, այլև լավագույն: Որևէ բանի գոյության հենց փաստը դիտվում է նրա արդարացումը, և այն էլ ոչ թե տվյալ պայմաններում, այլ հավերժորեն: Իհարկե, մարդիկ հավատում են այդ անմտությանը՝ միայն շնորհիվ իրենց փտած տգիտության, շնորհիվ ինքնախաբեության, որն այնչափ հիանալի նկարագրել է Վայնինգերը: Տգետ մարդիկ երևակայում են, թե մտածում են և կարգադրում են ճակատագիրն այն մարդկանց, որոնք իրոք մտածում են»:

            «Մարդ երբեք չի կարող իմանալ բացարձակ ճշմարտությունը…»

           «Գեղեցկությունն է այն միակ տերը, որին պետք է ծառայել: Ծառայել նրան, իսկ ամբոխին թող սատանա՛ն տանի: Հաջողությու˜ն»:

          «Այդ պարզ, աղքատ, ծանր աշխատանքից հյուծված կինն ուներ մի թանկարժեք ընդունակություն՝ հավատալ…»:

           «Կյանքին չձգտող մարդիկ մահվան ճանապարհն են փնտրում»:

       «Հետո սկսեց խեղդվելու տանջանքը: Բայց նա իր հանգչող գիտակցությամբ հասկացավ, որ այդ տանջանքը դեռևս մահը չէ. մահը ցավ չի պատճառում: Դա դեռ կյանքն է, վերջին ցնցումը, կյանքի վերջին տառապանքը: Դա վերջին հարվածն էր, որ կյանքը հասցնում էր նրան»:

          «Բոլորից արագ այն մարդն է գնում, ով որ մենակ է քայլում իր ճանապարհով»:

Անդադար հիասթափությունների և պայքարի մեջ գտնվող հերոսի պատմությունը ամենևին էլ ատելություն չի սերմանում: Լոնդոնի պատկերած իրականության մեջ կյանքի օրենքները դաժան են, բայցև արդարացի։ Դժբախտությունը վրա է հասնում այն ժամանակ, երբ մարդն անտեսում է այդ օրենքները, հարստանում ու դառնում է ագահ, ձգտում է՜լ ավելի հարստանալու՝ ոտնահարելով ամեն ինչ։ Հեղինակն այդ փառասեր իրականության մեջ ի դեմս Մարտին Իդենի ցույց է տալիս արհեստական ու փուչ իրականության աղետալի հետևանքները մտածող անհատների համար:

Հրապարակման ներկայացրեց՝ Թամարա Դիլբարյանը

Դուք նույնպես կարող եք հրապարակել Ձեր նյութը Mediamag.am-ում։ Նյութը հրապարակելու համար անցեք ներքևի հղումով.

Դարձի՛ր հեղինակ, ստեղծի՛ր քո հաջողակ նյութը

telegramԳրանցվիր մեր Telegram ալիքին։ Ուղարկում ենք միայն պոպուլյար հոդվածները և օրը միայն մեկ անգամ:

viberԳրանցվիր մեր Viber ալիքին։ Եվ ստացիր միայն թարմ հոդվածները անմիջապես քո մեսենջերին։

կարդացեք նաև

Կենդանակերպի նշանների սեռական պահանջները

Կենդանակերպի նշաններից ամեն մեկը սեռական տարբեր պահանջներ ունի եւ իմանալով զուգընկերոջ նախընտրությունների մասին՝ կարելի է հեշտությամբ գայթակղել նրան։ Խոյ Խոյերը շատ սեքսուալ են, սակայն նրանք նաեւ...

Բազմագիտակության ԹԵՍՏ․ հարցեր տարբեր ոլորտներից

Բազմագիտակ մարդը միշտ և ամենուր բոլորի մոտ հարգանքի է արժանանում: Իսկ դո՞ւք կարո՞ղ եք գլուխ գովալ Ձեր գիտելիքների պաշարով: Ստուգեք Ձեր բազմագիտակությունը, անցնելով մեր այս...
video

ՎԻԴԵՈԴԱՍ․ Լուսանկարների համար անսահմանափակ քանակությամբ ֆիլտրեր Photoshop-ով

Այս վիդեոդասում դուք կսովորեք լուսանկարներին գեղեցիկ տեսք հաղորդելու անսահմանափակ քանակությամբ հնարքներ․․․ Գրանցվիր մեր Telegram ալիքին։ Ուղարկում ենք միայն թարմ հոդվածները և ամենաառաջինը հենց Ձեզ: Գրանցվիր մեր Viber...

Շաբաթվա հորոսկոպ․ ի՞նչ է սպասվում կենդանակերպի նշաններին՝ օգոստոսի 10-ից 16-ը

Ի՞նչ է սպասվում կենդանակերպի նշաններին՝ օգոստոսի 10-ից 16-ը․ ԽՈՅԵՐ Այս շաբաթ ձեր սիրելին իր ինչ-որ ցանկության մեջ միայնակ կլինի, քանի որ դուք չեք կիսի նրա ծրագրերն...

Բազմագիտակության ԹԵՍՏ․ հարցեր տարբեր ոլորտներից բոլոր նրանց համար, ովքեր սիրում են ուղեղը պահել լավ «մարզավիճակում»

Այս անգամ մեր բազմագիտակության թեստի հարցերը բավական բարդ են և ոչ բոլորը կարող են պատասխանել այդ հարցերին: Ի՞նչ եք կարծում կհերիքի՞ Ձեր գիտելիքները դրանց...