fbpx
Գլխավոր ՕԳՏԱԿԱՐ, ՀԵՏԱՔՐՔԻՐ, ԱՆՀԱՎԱՆԱԿԱՆ «Կյանքը ոչինչ չարժե, բայց ոչինչն արժե մի կյանք»: Մեջբերումներ Խուլիո Կորտասարի «Վիճակախաղ»...

«Կյանքը ոչինչ չարժե, բայց ոչինչն արժե մի կյանք»: Մեջբերումներ Խուլիո Կորտասարի «Վիճակախաղ» վեպից

Արգենտինացի գրող Խուլիո Կորտասարի «Վիճակախաղ» վեպն ունի բավականին հետաքրքրաշարժ սյուժե: Գործողությունները ծավալվում են նավի վրա, որտեղ հավաքվել են ամենատարբեր մասնագիտություններ և աշխարհայացք ունեցող մարդիկ: Նրանք վիճակախաղով շահել են հեռավոր ճանապարհորդության իրավունք, սակայն անհայտ պատճառներով նավի բռնած ուղղությունը գաղտնի է պահվում: Բոլորին համակած անորոշությունն ու վախը միավորում է ուղևորներին և մղում պարզելու խորհրդավոր արգելքի պատճառները: Վեպը հետաքրքիր է ոչ միայն իր խորհրդավորությամբ, այլև նրանում տեղ գտած խորիմաստ մտքերով, որոնցից ամենահետաքրքրականները ներկայացնում ենք ստորև.

1. «Յուրաքանչյուր գործի, փաստի վրա պիտի գրոհել տարբեր կողմերից: Մարդիկ գրեթե միշտ ընտրում են մի կողմը և այդ պատճառով հասնում են կիսատ-պռատ արդյունքների»:

2. «Շատ երևույթների վրա բռնակներ կան: Ուշադրություն դարձրեք ապա բանաստեղծական պատկերների վրա: Հեռվից նայելիս այնպես է թվում, թե ամեն ինչ պարզ է ու մատչելի, բայց երբեմն այնպես խոր իմաստներ են մնում քողարկված: Դուք բավարարվում եք միայն մակերեսային հատկանիշներո՞վ: Ո՛չ, հարկավոր է ձգել բռնակը և տեսնել, թե ինչ կա դարակի ներսում: Ձգել՝ այսինքն տիրապետել, յուրացնել և դուրս գալ սովորականի շրջանակներից»:

3. «Տեսնելը շատ ավելի հեշտ է, քան տեսածի մասին պատմելը»:

4. «Կան բաներ, որոնց պիտի անզեն աչքով նայես: Գիտության դեմ ես ոչինչ չունեմ, բայց իմ կարծիքով, միայն բանաստեղծական հայացքին է տրված՝ ներթափանցել հրեշտակների կողմից արարված ֆիգուրների մեջ»:

5. «Օհ, դիմակները: Մարդ պիտի միշտ մտածի դեմքի մասին, բայց ըստ էության հաշվի է նստում դիմակների հետ և այն էլ որոշակի, տվյալ դիմակի, ոչ թե ինչ-որ մեկ ուրիշի»:

6. «Կյանքը ոչինչ չարժե, բայց ոչինչն արժե մի կյանք»:

7. «Կա առավել խորհրդավոր բան, քան ներկան, որը բոլորովին զուրկ է ներկայից՝ բացարձակ ապագան»:

8. «Շախմատի տախտակի կողքին աճում է խաղից դուրս եկած զինվորների և ձիերի բլուրը, իսկ ապրել, նշանակում է սևեռուն հետևել մյուսներին, որոնք դեռևս մնացել են խաղատախտակի վրա»:

9. «Իրար գումարվելով երկու թուլություն կարող են վերածվել ահռելի ուժի և աղետի պատճառ հանդիսանալ»:

10․ «Ներկան հարստացնելու ունակությամբ միայն այն ապագան է օժտված, որը ազնիվ ներկայի ծնունդ է»:

11. «Ամեն ինչը սկսում է ենթարկվել ապագային և հանկարծ զգում ես, որ ապրում ես ապագայի համար և հանուն ապագայի»:

12. «Գործերն ավելի շուտ են կարգավորվում այն ժամանակ, երբ քիչ ես հոգում նրանց մասին»:

13. «Չկա ոչ մի «նման», յուրաքանչյուր առարկա դրոշմված է ըստ իր առարկայական բնույթի»:

14. «Դու ամեն ինչ անում ես, որ մարդիկ քեզ սխալ հասկանան, իսկ դա վեր է ամեն տեսակ քաջությունից»:

15․ «Չափազանց սթափ եք դատում, իսկ դա շատ թանկ արժե…»:

16. «Երաժշտություն, գրքեր…Մնացած ամեն ինչ դատարկ բաներ են»:

Հրապարակման ներկայացրեց՝ Թամարա Դիլբարյանը

Դուք նույնպես կարող եք հրապարակել Ձեր նյութը Mediamag.am-ում։ Նյութը հրապարակելու համար անցեք ներքևի հղումով.

Դարձի՛ր հեղինակ, ստեղծի՛ր քո հաջողակ նյութը

telegramԳրանցվիր մեր Telegram ալիքին։ Ուղարկում ենք միայն թարմ հոդվածները և ամենաառաջինը հենց Ձեզ:

viberԳրանցվիր մեր Viber ալիքին։ Եվ ստացիր միայն թարմ հոդվածները անմիջապես քո մեսենջերին:

կարդացեք նաև

Դժվարին ԹԵՍՏ, որը կարող են հաղթահարել միայն համաշխարհային աշխարհագրության իսկական պրոֆեսիոնալները

Մտածիր, արդյո՞ք կհերիքի գիտելիքներդ, որպեսզի հաղթահարես մեր աշխարհագրության այս բարդ թեստը: Ոչ բոլորին է հաջողվում անցնել այն բարձր պահած գլխով: Վերջում չմոռանաք սոցիալական ցանցերում արդյունքներով...

Կնոջ գեղեցկության պահպանման 9 գաղտնիք, որոնք կիրառում են հայտնիները

Երբևէ մտածե՞լ եք, թե ինչպես են հայտնիները միշտ ցնցող տեսք ունենում՝ չնայած տարիքին կամ դժվարություններին: Եկեք խոստովանենք, որ մի փոքր նախանձում ենք նրանց: Այնուամենայնիվ, արդյունավետ...

ԹԵՍՏ․ Ճի՞շտ է, թե՞ սուտ: Ստուգեք, թե որքա՞ն հեշտ է Ձեզ խաբել

Մեր հսկա աշխարհում այնքան փաստեր և հորինվածքներ կան: Շատ դժվար է հստակ իմանալ այն, ինչ ինքդ չես կարող ստուգել, ժամանակը գնում է և ամեն...

Առողջ և անառողջ ամուսնական հարաբերությունների 9 բնութագրերն ըստ Քեթի Մեյերի

Մենք բոլորս մեր շրջապատում ունենք այնպիսի զույգեր, որոնց հարաբերություններն անթերի են թվում: Նրանք երբեք չեն վիճում, մշտապես կա միմյանց հանդեպ սիրո և աջակցության ցուցադրություն,...

ԹԵՍՏ Հայոց լեզվից և գրականությունից: Կկարողանա՞ք անցնել այն

Ներկայացնում ենք մեր նոր և հետաքրքիր թեստը, որում տեղ են գտել հարցեր Հայոց լեզվից և գրականությունից: Ի՞նչ եք կարծում, կկարողանա՞ք անսխալ անցնել այն: Վերջում չմոռանաք...