fbpx
Գլխավոր ՇՓՈՒՄ ԳԵՂԵՑԻԿԻ ՀԵՏ ՀԱՆՐԱՃԱՆԱՉ ՄԱՐԴԻԿ Մեջբերումներ Օնորդե դը Բալզակի «Շագրենի կաշին» վեպից

Մեջբերումներ Օնորդե դը Բալզակի «Շագրենի կաշին» վեպից

«Շագրենի կաշին» ֆրանսիացի գրող Օնօրե դը Բալզակի «Մարդկային կատակերգություն» հայտնի վիպաշարի մեջ ներառված վեպերից մեկն է: Փիլիսոփայական այս վեպը մեր առջև բացում է 19-րդ դարի ֆրանսիական իրականությունն ու կյանքը: Ռեալիստական լինելով հանդերձ` վեպը պարունակում է մի շարք ֆանտաստիկ տարրեր, մասնավորապես հենց շագրենի կաշվի գոյությունը: Այն հայտնվում է Ռաֆայել դը Վալանտեն անունով մի երիտասարդ բանաստեղծի մոտ և կարող է իրականացնել նրա բոլոր ցանկությունները, բայց ամեն կատարված ցանկությունից հետո փոքրանում է: Ներկայացնենք վեպում տեղ գտած փիլիսոփայական կարևոր մտքերը, որոնք վստահ ենք՝ մտածելու տեղիք կտան.

              «Մարդը ուժեղ է, երբ գիտակցում է իր թուլությունը»:

       «Ես կենտրոնացրել եմ իմ կյանքը ոչ թե սրտի մեջ, որ փշրվում է, ոչ թե զգայարանների մեջ, որոնք բթանում են, այլ ուղեղի մեջ, որը չի մաշվում և բոլորից երկարն է ապրում»:

           «Յուրաքանչյուր հիվանդության պատճառը պետք է փնտրել հոգու, այլ ոչ թե մարմնի մեջ. անհրաժեշտ է բացառապես հոգեկան բուժում, ներաշխարհի խոր ուսումնասիրություն»:

            «Մարդ կարծում է, թե կատարելագործել է այն, ինչ միայն տեղաշարժել է»:

     «Մշտապես պայքարելով ինքն իր հետ, իր հույսերը կորցնելով վերահաս աղետներից և փրկություն որոնելով իրեն չպատկանող ապագայի հույսերի մեջ, մարդ իր բոլոր արարքների մեջ ցուցաբերում է անհետևողականություն և թուլակամություն: Այս աշխարհում ոչինչ լրիվ չի իրականում, բացի դժբախտությունից»:

        «Փառքը անձեռնտու ապրանք է: Նա թանկ է նստում և վատ է պահվում: Մի՞թե փառքը մեծ մարդկանց եսամոլությունը չէ, ինչպես երջանկությունը փոքր մարդկանց»:

       «Ես չեմ պատկերացնում դրամական գործերի մեջ ազնվություն, առանց մտքերի ազնվության»։

       «Ինչոր մեծ և ահավոր բան կա ինքնասպանության մեջ։ Շատ մարդկանց համար անկումը լինում է ոչ սոսկալի, ինչպես երեխաների համար, որոնք ընկնում են այնքան փոքր բարձրությունից, որ չեն ճմլվում, բայց երբ ջարդվում է մի մեծ մարդ, ապա այդ նշանակում է, որ նա ընկել է մեծ բարձրությունից, որ նա բարձրացել է մինչև երկինք և տեսել ինչոր անմատչելի դրախտ։ Անողորմ պետք է լինեն այն ներքին փոթորիկները, որոնք նրան ստիպում են խաղաղություն հայցելու ատրճանակի փողից»։      

     «Կյանքի սարսափները անզոր էին ազդելու մի հոգու վրա, որն ընտելացել էր մահվան սարսափներին»։

      «․․․Ես ամեն ինչ ձեռք եմ բերել, որովհետև կարողացել եմ ամեն ինչ արհամարհել»։

      «Անձերն ու անցքերը ոչինչ են, քաղաքականության և փիլիսոփայության մեջ կան միայն գաղափարներ և սկզբունքներ»։

      «Երբ բռնակալությունը օրենքների մեջ է, ապա ազատությունը բարքերի մեջ է, և հակառակը»։

  «Մենք երբեք փողի պակասություն չենք ունենում մեր քմահաճույքները բավարարելու համար, ժլատանում ենք միայն օգտակար և անհրաժեշտ բաների համար ծախսելիս»։

    «Որտեղ թագավորում է թշվառությունը, այնտեղ այլևս գոյություն չունի ոչ ամոթ, ոչ ոճիր, ոչ առաքինություն, ոչ բանականություն»։

   «Աշխարհն այնպիսի կեղտոտ, այնպիսի այլանդակ կողմեր ունի»։

   «Թշնամիներն ինձ համար նույնքան կարևոր են, որքան բարեկամները»։

  «Ֆրանսիայում 100 000-ից ավելի պաշտոն կա, իսկ ես միայն մեկ կյանք ունեմ։ Մարդու կյանքն ավելի թանկ է, քան աշխարհի բոլոր պաշտոնները․․․»:

   «Անպատիժ կերպով խրոխտացող իշխանությունը մոտ է կործանման»:

  «Գիտությունն ընդարձակ է, իսկ մարդկային կյանքը՝ շատ կարճ։ Հետևաբար, մենք չենք կարող հավակնել ճանաչելու բնության բոլոր երևույթները»։

 «Կարեկցությունն այն զգացումն է, որ մարդ ամենից դժվար է հանդուրժում, հատկապես երբ նա արժանի է կարեկցության: Ատելությունը ամրապնդիչ է, նա կենարար է, նա վրեժխնդրություն է ներշնչում, բայց կարեկցությունը սպանում է, նա ավելի է թուլացնում մեր թուլությունը: Դա փաղաքշող չարություն է, դա արհամարհանք է փափկասրտության ձևի տակ, կամ վիրավորական փափկասրտություն է»:

 «Բարձր հասարակությունը իր միջից արտաքսում է դժբախտներին, ինչպես քաջառողջ մարդը իր մարմնից վանում է հիվանդության սաղմերը: Հասարակության այդ խավը սոսկում է տառապանքներից ու դժբախտություններից, նա սարսափում է դրանցից, ինչպես վարակից և երբեք չի տատանվի դրանց և մոլորությունների միջև ընտրություն կատարելիս»:

  «Մարդը անդունդների վրա պարող խեղկատակ է»:

Բալզակը ուժի մեծ լարումով ու իրական գույներով պատկերում է  փողի իշխանությունը մարդու վրա: Դրա համար ծանրակշիռ հիմքեր կային, որոնցից մեկն ու գլխավորը իր իսկ՝ հեղինակի կենսափորձն էր:

Հրապարակման ներկայացրեց՝ Թամարա Դիլբարյանը

Դուք նույնպես կարող եք հրապարակել Ձեր նյութը Mediamag.am-ում։ Նյութը հրապարակելու համար անցեք ներքևի հղումով.

Դարձի՛ր հեղինակ, ստեղծի՛ր քո հաջողակ նյութը

telegramԳրանցվիր մեր Telegram ալիքին։ Ուղարկում ենք միայն պոպուլյար հոդվածները և օրը միայն մեկ անգամ:

viberԳրանցվիր մեր Viber ալիքին։ Եվ ստացիր միայն թարմ հոդվածները անմիջապես քո մեսենջերին։

կարդացեք նաև

ԹԵՍՏ․ Արդյո՞ք լավ եք հաշվում մտքում: Եկեք ստուգենք

Թեստ, որը դուր չի գա հումանիտարներին․․․ Իսկ դուք կարողանո՞ւմ եք արագ հաշվել մտքում: Մի կողմ դրեք բոլոր հաշվիչ սարքերը և փորձեք թեստն անցնել մտովի: Ի՞նչ...

Լեդի Գագայի նոր տեսահոլովակը` Փարաջանովի «Նռան գույնը» ֆիլմի մոտիվներով և հայերեն գրություններով

Tert.am Life-ը գրում է․ 11 «Գրեմիի» և 1 «Օսկարի» արժանացած երգչուհի Լեդի Գագան ներկայացրել է «911» երգի հիման վրա նկարահանված իր նոր տեսահոլովակը, որը Հայաստանում...

ԹԵՍՏ․ Հիշո՞ւմ եք օ-ո -ի ուղղագրությունը

Հիշո՞ւմ եք օ-ո -ի ուղղագրությունը: Կետերի փոխարեն պետք է լինի Օ՞ թե՞ Ո: Ստուգեք մեր այս թեստի օգնությամբ: Վերջում չմոռանաք սոցիալական ցանցերում արդյունքներով կիսվել Ձեր...

ԹԵՍՏ․ Բազմագիտակության թեստ բոլոր նրանց համար, ովքեր վստահ են իրենց գիտելիքների որակի վրա

Իսկ ո՞վ է մեր ամենագետը: Ուզո՞ւմ եք ևս մեկ անգամ համոզվել, որ ունեք հրաշալի գիտելիքներ: Ուրեմն ահա Ձեզ ընդհանուր գիտելիքների ևս մեկ հետաքրքրաշարժ թեստ:...

ԹԵՍՏ․ Հայերեն ուղղագրություն: Ինչպե՞ս է ճիշտ գրվում այս կամ այն բառը

Կարո՞ղ եք անսխալ անցնել ընդամենը 7 հարցից բաղկացած հայերենի ուղղագրության մեր այս թեստը: Փորձեք Ձեր գիտելիքները: Վերջում չմոռանաք սոցիալական ցանցերում արդյունքներով կիսվել Ձեր ընկերների հետ: Հրապարակման...